بسم الله
كل واحد دخل مجلس وجلسو يسولفون جواهر مسكت جوالها بملل تكلمه وهو ابتسم اول ما شاف اشعار ينور جواله باسمها ضحك وهو مبسوط
ارسلت له: طفشش وش اسوي !
رد عليها : تجين عندي
جواهر : هاذا الناقص يكفي الي سويته قدام ابوي وامي
محمد : قلنا اسف بعدين تتعودين
جواهر : مدري يمكن أتعود يمكن لا وما ابي أتعود اصلاً عاجبني وضعنا كذا
محمد : بس أنا مو عاجبني بعودك غصباً عنك
بدو يسالفون مع بعض وكل واحد قاعد الجوال يضحك
ناظرت رند لجواهر ونطقت : طايحه بالعسل الاخت
ضحكت جواهر : لا لا ياروحي طايحه بالعشق والحب وميتهه فيههه واحبههه
لفت وحده من خالاتها : مبسوطه على شي الي سويتيه بالحرام تراك طايحه بالحرام لا في ذا ولا ذا
تكلمت جواهر بغصه بانت بين كلامها : ما سويت الحرام معه ولا لمسته ولا لمسني حشمته وحشمني ورجال وقد كلمته والحين زوجي بحلال ربي فيه مشكله ثانيه
ردت عليها : ما تستحين لو انك تستحين كان مسكتي لسانك ومعترفه انك سويتي حرام ليه الحين تدافعين على الفاضي
امتلت عين جواهر بالدموع ودها تبكي بسبب الاشياء الي قاعد تتراكم عليها كتمت كثير وهي من النوع الي مايتحمل ناظرت مهره وارسلت لها : عادي اروح غرفتي
ردت مهره : لو تحركتي من عندك وريتك واعلم ابوك عليك
نزلت راسها جواهر تحاول تمسك دموعها لمحتها رند وفهمتها زين
تكملت رند : جواهر فيك شي
جواهر انهارت بكي كانها تبيها من الله
حضنتها رند ورددت : بسم الله عليك بسم الله عليك وش فيك
محمد كان يرسل جواهر ماترد مع انها متصله خاف عليها
ورفع الجوال ودق على امه قبل لا تسلم : جواهر فيها شي ؟
ردت امه بخوف انه يسوي شي : مدري بس قاعد تبكي
فز قلبه يوم جابت طاري بكي قفل الجوال وهو خايف عليها
عند جواهر
رند لفت عليهم : كملو سواليفكم يلا مو كنتم تحرقون فيها بكلامكم ليه ما تكملون وانتي يخاله انتهى الموضوع وتزوجو وامها وهي امها ما تكلمتتت شدخلك تفتحينه انتييي
جواهر وهي تشاهق رفعت يدها وقفلت فم رند وصرخت بكل قوه : خلاصصص بسسس يكفيييي ارحمونييي ارحمونيييي تكفوننن
طاحت بحضن رند ،، رند حسبت انها تبكي بس ما تحركت ولا طلعت صوت رفعت وجهها وبدت تصرخخ باسم جواهرر
