بسم الله
الشايب لعزيز : عرفنا انه بنتكم تطلقت قبل سنتين وحنا نبيها من اول لولدنا سيف
أنصدم عزيز وهو متردد يعطي كلمه : تشرفنا بكم بس الموافقه مو عندي عند جواهر
محمد شبت نار غيرته عليها وقف وهو يناظر بسيف وأخونه بحقد طلع من المجلس توجهه لجواهر الي لحد الحين بمكانها تكلم بغيره : جواهر ياويلك توافقين سامعه
ناظرت فيه وهي حاطه الشأل :أوفق على ايش
رد بعصبيه من غباءها : على سيف ياويلك سامعه
ضحكت تستفزه وهي مو عارفه من هو سيف أصلا
فهمت انه خطبها وهي رافضه الموضوع بس تبي تحرقه : بشرتني انه خطبني من اول انتظره
صرخ عليها : تنتظرين ميننن
ناظرته ببرود تام : انت تتزوج وتجيب بنت وانا اقعد ليه
محمد سحب يدها وهو يوقفها : ياويلك شروق اطلقها وارجع لك سامعه
صرخت جواهر عليه : شايف نفسككك مين تجرح بنات الناس حتى لو تطلقت رجعه ماني راجعه
سحبت يدها ودفته وهي تحذره : ماعاد أنا لك ياويلك ان شفتك قدامي مرا ثانيه
وركضت للدرج تطلع ودموعها على خدها الكل انتبه بس مشت بدون كلام مع احد دخلت غرفتها تمسح دموعها وتعدل مكياجها بغصه
ترجع لهم جلست بين رند و روايد الي بدو يسألونها تضايقت من اسألتهم وردت : ممكن خلاص يكفي
سكتو وهي تسند راسها على الكنب بقهر جات لها مهره وكلمتها : ابوك دق يقول سيف ولد فلان خا...
قاطعتها : قولي اني رافضه وما ابي اتزوج
هزت مهره راسها : تمام
رند و روايد التفتو رند باستغراب : شعرفك وليه رفضتيه يمكن عوضك
ضحكت جواهر بحزن من الي صار لها : مافي احد عوض لأحد كل واحد يعوض نفسه ليه اتعب من جديد
سمعت شروق تكلم محمد بعصبيه : قلت لك ماراح أقعد عند اهلك نرجع البيت ماني مرتاحه هنا
شافت دلال الي زعلانه نادتها جواهر بحب : دلال تعالي
جت بتروح عند جواهر سحبتها شروق وقالت لها : لا تروحين
لها ياويلك مني
شافت لؤي الي توه صاحي من النوم وينادي خالتها نادته جواهر باشتياق ركض لحضن جواهر وهي تضحك بصوت عالي مبسوطه فيه جلس بحضنها ومارضى يقوم منه قومته جواهر وقالتله : لؤي حبيبي ماراح اروح مرا ثانيه لا تخاف قوم مع ماما يلا شطور
قام وهو خايف تروح وتخليه و رد عليها : ماما جوجو تراك زودتيها ياويلك تروحين تمام
هزت راسها بصدمه وهي تأشر على خشمها : ابشر على خشمي
رن جوالها برقم ابوها ردت عليه : هلا يبه
عزيز معصب : انتي مهبوله وهو اهبل منك
ردت بضحك : مين قصدك
رد عزيز : من غير محمد تعالي شوفي وش هبب بالرجال
انصدمت وهي تبتسم من غيرته : الحين يبه شدخلني دقو على شروق والثاني خلو اخوانه يساعدونه محسسين أنا السبب
عزيز وهو معصب على ردها : لا جدي السبب ياجواهر صح
ردت جواهر وهي تضحك : يمكن
قفلت المكالمه قبل تتهزئ من ابوها وضحكت بصوت عالي وجّهت كلامها لشروق : شروق الحقي زوجك عالجيه متهاوش مع واحد
شروق بصدمه هي و هدير بخوف : هو ومين
جواهر وهي تحاول تتنفس من كثر الضحك : هو وسيف الي كان بيصير خطيبي قهر كان مز لو وافقت عليه
روايد وهي تناظر بجواهر الي تضحك بشكل مو طبيعي وتكلمت : بسم الله عليك وش ذا الضحك ترا تهاوشو ازعلي على الاقل
جواهر وهي تحط رجل على رجل : عفواً ازعل على مين
رند ترد عليها : محمد
ردت جواهر وهي تبتسم بأستفزاز : اوههووو خبركم عتيّققق ماعاد فيه مشاعر قد اتنسى
رفعو نظرهم لباب المجلس وسليمان قاعد يسحب محمد بصراخ : يا اهبل المجلس كله حريم لا تدخل
دخل محمد وثوبه دم ما اهتم لاحد سحب يد جواهر يوقفها وهو يهزها بقوه : الي بيدككك الخاتم لههه تكلمي
رفعت جواهر حاجبها تستفزه : يمكن له
قرب سليمان وهو يحاول يبعد محمد عن جواهر
جواهر صارخت عليهم بحده : خلوههه نشوف وش بيسوي
محمد يضغط على يدها بقوه : يعني له كيف شافك وأعجب بك كلمينيي
جواهر ببرود : كل الي قاعد يصير مايخصك أنا رفضت وعنادنا لك بوافق ويلا وش بتسوي
سحبها يبي يطلع وقفت هدير بعصبيه : اترك بنت الناس ماهي لك افهم ما تحل لك
ابعد امه وهو يقول : ما يصبح الصبح إلا هي حلالي
ضحكت جواهر وهي تسحب يدها بقوه : قصدك حلال لغيرك لان نجوم السماء اقرب لك تحلم فيني حلم ارجع لك
كان بيرد عليها لكن شروق وقفت قدامه وتكلمت : تعبتني معك وتعبتني وانا احاول أنسيك جواهر محمد طلقني وخذ بنتك وأبعد عني
محمد بعصبيه : شروقق ابعدي وخذيها مني
صرخت جواهر قبل يقولها : محمد ياويلك تعذب بنتك ببعد امها سامع أنا ما ابيك فهمت لا تبعد تفكر برجع احلممم
طلع محمد معصب من جواهر وسليمان لحقه
التفت شروق على جواهر تكلمها : ابي افهم شي واحد بس أنا نشرت صورك بعدتك عن اهلك كيف ترفضين يطلقني ؟
ردت جواهر وهي تقرب لشروق وتحضنها : لاني عارفه حبك له ويمكن ربي يكتب بينكم حب ولو قليل بس هو معصب لا تزيدينها عليه حاولي تسحبي غضبه
شروق انصدمت من طيبه جواهر وعرفت ليه محمد حب جواهر كل مرا يمدح جواهر قدامها
قربت دلال بخوف : ماما بابا ليه معصب
نزلت شروق لمستوها : مافيه شي عادي يلعب
تكلمت جواهر : عادي العب مع دلال شوي
هزت راسها شروق بموافقه
شالتها جواهر وهي تلعبها : اممم شرايك نلعب أنا وانتي و لؤي مطارده بالحوش
دلال بحماس : يلااا
جواهر وهي تضحك على الحماس : ثواني اتصل على مسلم
دقت و رد عليها : هلا بأم المصايب
ضحكت : شدخلني المهم قفل الدريشه وحط الستاره عليها
قفل باب الرياجيل بنطلع نلعب أنا و لؤي ودلال تمام
مسلم وهو يضحك : ما تتركين حركات الاطفال انتي تمام الحين اقفلها
قفلها وقلها : انزلي
