بسم الله
سبحان الله
نام وهو يتأملها ويتمنى كل شي يعدي اخذو ساعات طويله بنومهم صحيو على صوت جوال جواهر فتحت المكالمه وعيونها وحده مفتوحه والثانيه مقفله : جواهر عزيز استخبارات ظلام معك ساعتين تتواجدين عندنا ولا سيتم فصلك واعتبارك هاربه من العداله
فزت بخوف : تمام تمام اتجهز واجي
حاولت تقوم شد عليها : وين ،،، ارجعي كملي نوم
جواهر : قوم محمد مو وقتك لازم اطلع مركز التحقيق ولا بنفصل ابعد
حررها قامت باستعجال تتجهز خلصت ناظرته : محمد وش تنتظر شايف الوقت
وقف ببرود لبس ثوبه يقفل الأزرار قدام المرايه جواهر تكلمت : ممكن نروح نطبع صورتنا مع حُب وبعدها المركز
استفهم : ليه
جواهر : حاسه ماراح ارجع معك وابي شي يشوفي جروحي
توجهه لشنطته الظهر حقت فتحها : كنت ابيها هديه لبيتنا بس خذيها
أعطها ميداليه بصورتهم مع حُب ضمته بقوه : احبك محمد اتعب وانا اقول احبك
محمد ابتسم : وانا اتعب وانا مهوس فيك
طلع لصاله سلمت على مهره : بروح مشوار واجي ان مارجعت انتبهي لحُب
ضمتها مهره : بطلي كلامك ذا استودعتك الله
سلمت على أبوها وأخوانها طلعت تركب السياره قبل محمد ناظرته وهو يكلم سلمان الي عارف الموضوع توجهه يركب السياره مسك يدها يحرك السياره يتأملها وخايف يفقدها وده يهرب. فيها ولا تتبهذل بسجن تعوذ من الشيطان وصل المركز جت بتنزل : لحظه بجي معك
ناظرته : ماراح يسمحون لك
طلع بطاقة التعريف حقته : طرق خشوم يسمحون لي
نزل يتوجهه لبابها يفتحه يمسك يدها : يلا
نزلت معه : يلا
توجهه لباب وقفه الامن : رسالة التحقيق
أظهرت جواهر الرساله فتح لها الباب محمد سحبها يدخل وقفه الامن : ممنوع
حط جواهر وراه يطلع بطاقته التعريف : شرايك ادخل ولا أفصلك
دخله بخوف منه وقفه عسكري : معليش استاذ محمد لازم ظلام يتكلبش
ناظره : زوجتي وأعرفها ما بتسوي شي
العسكري : معليش بس قوانين تطبق على الكل
قرب بكلبش جواهر أبعده محمد بغيره : هات أنا الوحيد الي يلمسها
ناظر جواهر : اسف جوجو
ابتسمت تعطيه ظهرها تحط أياديها بالخلف تكلم : لا كذا بتعورك
لفها يوقفها قدامه مدت أياديها كلبشها باس راسها : اسف اسف
جواهر بحب : لا تعتذر مو ذنبك وتراني مبسوطه بغيرتك
حط ذراعه بين ذراعها يمشيها معه دخل غرفة التحقيق معها
جلسها على كرسي قرب الكرسي الثاني لها يجلس جنبها ناظر المحقق: التحقيق يكون بين طرفين مانحتاج طرف ثالث
محمد ناظر جواهر : مضايقك جلستي
ناظرت المحقق بقرف ترجع تناظر محمد : انت الطرف الثاني والأساسي هو الطرف الثالث مدري ليه راز وجهه معنا
ضحك محمد : صادقه
المحقق قاطعهم : جواهر بنت عزيز تعمل في وظيفتين طب الاطفال والاستخبارات تحت مسمى ظلام اعتدت على عم طفلتها بطعنه بمشرط توسط صدره هل المعلومات صحيحه
هزت راسها : صحيح لكني لم اعتدي عليه إلا دفاع عن نفسي وابنتي
لف اللابتوب عليها : لكن الظاهر لدي انك من اعتدى عليه
شغل فيديو الكاميرا تظهر جواهر تطعن خالد بقوه وبعدها دخول محمد والأمن
ناظرت : وين بداية الاعتداء هاذا التسجيل مقصر
المحقق : للأسف كان السستم عطلان وما بان إلا وانتي تطعني نطر نسجينك الين يصحى من الغيبوبه
ناظرت محمد تكلمت بغصه : محمد مو قلت شفتني صح قلتها محمد ساعدني
محمد يطمنها : عارف بيتلاعبون بالتسجيل بدور النسخه الكامله اتوقع بسياره فهد يليييللل
وقف المحقق يحط يده على ذراع جواهر ابعده محمد : لا تلمسها جيب اي وحده تحت مسمى انثى توديها
هز المحقق راسه طلع يجيب زميلته سحبت جواهر يلحقها محمد وقفت المحققه بسيب مغلق لان جواهر بدون عبايه :زنزانات نسائية مقدر ادخلك اكثر
سحب جواهر يضمها يفتح شعرها يغرس وجهه يطبع قبله مدتها طويله زرع ورده بنحرها رفع راسه لوجهها اقترب يقبل ثغرها بقوه ابتعد بعد دقايق حاوط وجهها بكفوفه :انتبهي لنفسك داخل تمام
هزت راسها :تمام انتبه لحُب ولنفسك احبك
سحبتها المحققه تدخلها لغرفة تفتيش : اخلعي جزمتك وطلعي اكسسوارتك وكل الي بجيبك وجوالك أولهم
جواهر طبقت كلامها حطو الاغراض بصندوق وقفتهم جواهر : اغراضي اعطوها زوجي
طلعت الاغراض لمحمد انتبهو لتوتر جواهر فتشوها زياده لقيو الميداليه
دمعت تترجاهم : تكفون بس ذي امانه بس هي
حزنو عليها وعلى ملامحها تكلمت المفتشه : طيب يا بنتي بخليها معك واضح انك طيبه وما قصدتي تقتلين
اعطو جواهر حذاء مخصص لسجن دخلوها الزنزانه وهي ماسكه الميداليه والتوكه دخلتها السجانه بعنف : انتهى وقتك كـ بنت عز خيسي الين يجي موعدك
دخلت جواهر تناظره المكان بقرف شافت الحشرات تقرفت زياده
تكلمت وحده تأشر على زاويه : ياحلوه ماعندك غير ذا المكان انطقي فيه
شافت الزاويه شبه نظيفه جلست بخوف من الحشرات ونظراتهم ربطت شعرها تمسك على مكان قبلة محمد تدمع عيونها
تقدمت امنه ( انسانه لها فتره طويل بالسجن ولها هيبه ) جلست جنب جواهر : وش اسمك
جواهر ارتجفت من صوتها الي قطع تفكيرها : جواهر وانتي
امنه : اسمي امنه بقول تشرفت فيك بس المكان مايساعد
جواهر : وصلت معليك
امنه بفضول : وش قضيتك
التفت الكل على جواهر الي تكلمت : قتل
امنه بصدمه : بنت عز وتقتلين كيف لو منا
تجاهلتها جواهر تطلع الميداليه انهارت بكي تضمها : اسفه ماما حُب والله اسفه حرمت نفسي منك وتركتك
استفهم الكل من جواهر قربت وحده لجواهر كبير سن :ايش فيك يابنتي وش وراك من قصه
جواهر بصراخ ودموع : والله هو الي اعتداء علي هو الي دخل غرفتي بالمستشفى يهددني أنا دافعت عن نفسي وبنتي ماسويت غلططط
ضمتها بدريه تمسح على راسها : بسم الله عليك بسم الله على قلبك هدي علميني سالفتك
جواهر تحاول تهدا : اخو زوجي هجم علي بالمستشفى بعد ولادتي قبل كذا ضربني وانا حامل يوم ولادتي جاء بيقتل بنتي قدامي ويقتلني اخذت مشرط غرسته بصدره بقوه وبالكاميرات قصو لقطة الاعتدا وبانت ان أنا الي طعنته
