بسم الله
قام محمد وهو يحاول يتجنب الصداع ويغض بصره عنها وعارف غلطته وتكلم : جواهر أنا اسف مدري وش صار امس مادري أصلا كيف وصلت البيت
عرفت محاولاته بغض البصر وبعدت عنه : لا تعتذر كنت تعبان بس الحين كيف تطلع لو دريو ذي المره مو حلالك
سألها : عادي انسدح على سريرك ماني قادر اجمع افكاري ولا اتحمل الالم
هزت راسها : اي عادي ارتاح دامك تعبان
محمد من شدة تعبه والصراع الي بعقله مو قادر يوزن نفسه فقد الوعي شهقت جواهر وصرخت : محمددد وش فيككك
حاولت تقومه مو راضي سمعت هدير صراخ جواهر توجهت للغرف ودقت الباب وهي تسمع جواهر تردد اسمه تكلمت هدير : جواهر وش فيك افتحي
وقفت جواهر بخوف عليه فتحت دخلت هدير انصدمت هدير ومسكت جواهر وهي تناظر ملابسها وتشوف محمد بدون تشيرت سألتها : كيففف
جواهر صرخت : مو الي بالككك كان تعبان تعبان وجا عندي سخونته كانت مرتفعه ماكان بوعيه والحين اغمى عليه
توجهت له هدير عارفه بحالته بدت تعالجه وجواهر خايفه صحى محمد يناظر بهدير وتكلم : لا تفهمين غلط
هدير وقفت وجلست جواهر جنب محمد قدامها وتكلمت : وش من مصيبه سويتوها
جواهر تكلمت : كان تعبان أنا شلت تشيرته عشان يخف مستحيل اخون ثقة مهره وعزيز ماني رديه
تكلم محمد : لا تبررين خلاص ياجواهر ان كان بنفتك من ذي المصيبه وافقي علي
رفضت : أنا ما سويت مصيبه والحين البس تشيرتك واطلع مع امك وهدير تقول اني تعبت وناديتها وهي نادتك وانتهى الموضوع
رد محمد بعناد : ماني متحرك وش بتسوين
رمت عليه تشيرته : بطل عنادك الزفت ذا وانقلع برا مع امك
تمدد على السرير : وش بتسوين ياجواهر
تأففت : اوفف يامحمد قلت لك خلاص انتهينا ولا في امل نرجع
هدير سحبته وتكلمت : البس ويلا بلا عناد هي ما تبيك افهم
وقف محمد ما يخالف امه بكلمه لبس وطلع وهو بدون توازن وتسنده هدير زفرت اول ما شافت الصاله فاضيه : الحمدلله مافي احد يلا انقلع
محمد وصل لدرج اخذ اول درجه بدون توازن مسك الحديد يوازن نفسه حس انه بيطيح انتبه لوجود سلمان ناده : سلمان تعال ساعدني انزل
جاه سلمان : وش فيك بزر ما تعرف تنزل
محمد مقدر يتكلم حاس بتعب ناظره سلمان : محمد ولد فيك شي تراني امزح ولا تكبرها
تكلم محمد بالغصب : سلمان راسي راسي ما قدرر اتحمل
صرخ سلمان باسم محمد فزت جواهر وطلعت من غرفتها ورحت ناحيه الصوت لقت محمد طايح على الارض شهقت بصدمه وقربت منه : محمد مافيك شي صح قوم تكفى وش صار سلمان قول وش صار
سلمان رد بتشتت: مدري مدري كان يقول ساعدني وجيت بساعده وكان يقول راسي مقدر اتحمل وطاح
بدت تضرب على خده بخفيف وتهزّه : محمد حبيبي قوم تكفى ليه حرارتك كذا من امسس ياربي لا تختبر صبري فيه
سحب سلمان جواله بدق على الإسعاف اشرت جواهر : ناد هدير يمكن تعرف بلاه
توجهه ينادي هدير خافت على ولدها وركضت له وتكلمت : حالتك ما تجيك كذا من متى زادت عليك ولا تكلمت
سألتها جواهر : تعرفين تعالجينه او لا تكفين لا يروح
صرخت هدير : لا لا ما يروح جواهر روحي شنطتي تلقينها على الكنب جيبيها سريععع
ركضت جواهر تاخذ الشنطه وشافتها مهره نادتها بس ما ردت أعطت هدير الشنطه بدت تطلع أشياء كثير وتدمجها مع بعض وتعطي محمد بعدت هدير وقربت جواهر ورفعت بحضنها تقيس نبضه وتشوف إذا موجود اصابات
فتح عيونه وما شاف إلا وجهها من تحت رفع نفسها وحضنها تحت أنظار سلمان وهدير تكلم محمد : جواهر أنا أتعذب لا تتركين تكفين خليك جنبي حتى لو زي اخت مقدر ياجواهر ابعد
حاولت تبعده بس هو شاد عليها تكلمت : ما يجوز الي تسويه خلاص يا محمد احنا انتهينا و ....
قاطعها محمد: لا ما انتهينا ياجواهر ننتهي وقت ما يموت واحد فينا وبكون أنا
ماقدرت تستحمل كلامه : محمد تكفى خلاصصص امانهه لا تحرق قلبي زود امانه
بادلته الحضن وشدت عليه سلمان توجه لهم : ما يجوز
سحب جواهر من حضن محمد بالغصب وحضنها : اهدي انتهى كل شي ولا شي بيتكرر تمام
هزت راسها وبدت تطلع لغرفتها ودخلت انسدحت بتعب وهي تستنشق هواء تملي صدرها شمت ريحة عطره ناظرت الشال الرجالي الي على الارض ابتسمت وقفت تسحبه وتضمه لصدرها وتكلمت : ليتك ما وافقت على شروق كان الحين معك ومبسوطين وعايشين براحه ليه تعذبنا كذا
رجعت انسدحت نامت والشال بحضنها
دخلت مهره تطمن عليها شافت الشال ما أعطت اي ردة فعل وطلعت توجهت عند اماني وتكلمت : ابي محمد يبعد عنها يكفي الي جاها
اماني خافت من تهور مهره : وش ناويه عليه
مهره بقهر : ابيه يتعذب مثل ما هي عاشت وزود لهدرجه جواهر ضعفت بسببه
تكلمت اماني : هو ولد اختك ترا محمد ماله دخل مجرد انه بعدها ممكن يكون سبب لكن العذاب بسببنا
سألتها مهره : شدخلنا ؟!
ردت اماني : عايض طليقي هل بسبب اني كنت متعاونه معكم قاعد يرد ثاره بحبيبتي جوجو ؟؟
مهره رفعت كتوفها : مدري عنك وعنه لهدرجه حاقد هو الي دخل نفسه السجن لو انه هجد وما حكته يده كان ما مسكه عزيز
عند محمد دخل المقلط وانسدح على فراشه الي على الارض وناظر السقف كان يكلم نفسه وسأل نفسه ليه هو خانها وبعدها عنه وهي حنونه وباين عليها تبيه وتحبه بس هو باعها عشان اعجاب بسسس
حاول ينام بس مقدر تأفف ودق على فهد رد فهد عليه
محمد : مافي مهام
رد فهد : فيه بس نحتاج جواهر وصحباتها ما عندنا كادر نسائي موافق على المهمه
محمد فز بخوف : وش المهمه تكفى لا تكون خطيره عليها
رد فهد : لا مدرسة بنات وماراح يكون خطيرر بس تعرف مين الي قاعد تروج ومافي احد معه اسلحه إلا هي وصحباتها وأبيها تعلمهم تقدر تكلمها
محمد بحزن : اسكت بس ما اتوقع اقدر اكلمها
فهد ضحك : وش في أمهاتكم انت وهي
محمد : مافي شي بس تهورت امس ورحت عندها الغرفة بدون وعي مني وقعدت الين قبل شوي طلعتني امي من عندها
فهد انصدم : أنجنيت لا يكون سويت لها شي
رد محمد : الي اعرفه صحيت وانا بحضنها ومو فاهم شي بس كانت افضل نومه بحياتي واتمنى اتعب عشان تعالجني بحضنها
فهد انصدم اكثر : محمد من جدك انهبلت تقرب من البنت وهي ما تحل لك وتعتبره انجاز !!
محمد بضيق : مو انجاز وعارف حرام بس بدون وعي مني كانت حرارتي مرتفعه ومادري كيف وصلت البيت ورحت لغرفتها بس ما صار شي
فهد بعصبيه : قسم بالله انك بوعيك وتستخف فينا صح
عصب محمد اكثر : لو بواعي سويت اكثر من الي سويته لكني مو بوعي واخلص علمني المهمه بالتفاصيل وانا بعلمها
فهد تنرفز منه بس تكلم وعلمه بموضوع المهمه
