بسم الله
عند ورد كانت طالعه لبرا بدون هدف شافت شخص طايح على الارض قربت وشهقت بخوف : فهددد فيك شيي
كان دمه يسيل رفعته وحطته على رجلها : فهد تسمعنييي
فتح عيونه بتعب : ورد ورد
ردت : عيون ورد خلك صاحي تكفى
رفع كفه يحطه على خدها : تمنيت تكونين لي قبل مماتي بس ما أتوقع يتحقق
بكيت وهي تحضنها وفستانها يتلطخ بدمه : لا لا بكون لك بس خلك صاحي تكفى انتظر بروح انادي احد يساعدني
توجهت تركض لقاعه الرجال وقفت بمكان مظلم تنادي احد رد سلمان : وش فيك يا بنت العم
ورد تبكي وترجف : سلمان تكفى الحق فهد الحقههه
طلع سلمان يغض بصره عنها : وينه
رجعت لفهد ناظر سلمان فهد بصدمه نزل له : مين طعنك
فهد بتعب : الغي زفة السيارات محمد وجواهر بخطر
سلمان بخوف : نادي محمد بسرعه
دخلت ورد القاعه الكل انصدم من شكلها وخدها المليان دم وفستانها وقفتها مهره : مين تعرض لك
هزت راسها : محد خليني اطلع لمحمد يلحق فهد تكفين
ابتعدت مهره وطلعت ورد الدرج منهاره كان الكل المعازيم يتكلمون دخلت على جواهر ومحمد : فهد فهد
ناظرتها جواهر بصدمه : وش سو لك
نزل محمد بصره يغضه عنها : تكلمي ورد وش سو لك
طاحت على ركبها : فهد انطعن انطعن هو تحت مع سلمان تكفى ساعده
ارتفع صوت جوال محمد رفعه يرد : فهد وش فيه
عزام بعصبيه : واحد طاعنه المهم خلك مع زوجتك ودينه أنا وسلمان المستشفى والغي زفة السيارات واطلع بالدس انت وزوجتك بخطر
قفل محمد الجوال يرمه على الكنب بقهر : مين ابن الكلب الي طعن فهد
توجهت جواهر لورد : شفتي الي طعنه
هزت راسها : لا طلعت بدون سبب وشفته طايح على الارض ودمه يسلي حاولت اسعفه مقدرت
حضنتها جواهر : اهدي ان شاءالله انه بخير اهدي
مسحت دموعها : انزلي البسي عبايتك فستانك انعدم
نزلت ورد تدور عبايتها وقفتها رند : وش صاير
ردت ورد : اعطيني عبايتي
رفعت رند وجهه ورد : علميني واعطيك
توجهت لينا وريتان بخوف على ورد تكلمو : وش فيه
ورد انهارت : فهد بيموت ويبعد فهد بيروح قبل نكون مع بعض
حضنتها رند بصدمه : خلاص اهدي اصبري الين المعازيم يتعشون ويروحون ونطلع مع الزفة تمام
ورد ردت : انلغت الزفة حقت السيارات جواهر ومحمد بخطر
خافت رند : لحول وش صاير اليوم الله يستر عليهم لا يصير شي
عند جواهر كانت متوتره وخايفه على فهد تكلمت : اتصل على عزام شوف الوضع
سحب جواله يدق على عزام رد عزام : هلا محمد
محمد بخوف من اي خبر : فهد كيفه
عزام يطمنه : الحمدلله بخير بس باقي فاقد وعيه انت الحين اطلع وروح مع زوجتك وتطمن إذا صحى بخليه يكلمك
محمد : تمام اول ما يصحى خله يدق علي ورد وجواهر خايفين عليه
عزام : يلا انتبه لجواهر ولنفسك
قفل محمد يناظر جواهر المتوتر : فهد فيه شي
محمد ابتسم : الحمدلله بخير بس قال انه فاقد وعيه نتحرك على الفندق
جواهر زفرت : الحمدلله انه بخير تمام انتظر تجي ماما أودعها ونطلع
