بسم الله
هز راسه وطلع توجهه ياخذ جوالاتهم اخذها وطلع للمستشفى وصل وتفكيره بأخته شاف محمد جالس قرب منه وشاف دموعه
سلمان بخوف : محمد تكلم جواهر ماتت
رفع نظره لسلمان : دخلت وسمعت هلوستها و شفت وجهها مليان جروح خفيفه وتعب
تنهد سلمان براحه : الحمدلله أنها بخير صحت ولا لسى
هز محمد راسه : لا باقي ما صحت
رمى سلمان مفتاح سيارته : روح البيت أنا بقعد عند جواهر
رجع المفتاح لسلمان : انت الي بتروح أنا بقعد عندها
سلمان عصب وتكلم : انجنيتت اختي ما تحل لك ولا اصلاً هي ماتبي قربك افهم يا محمد !
رد محمد : تبي قربي ما تبيه أنا بقعد عندها مافرق معي شي
سلمان تنرفز اكثر : أقسم بالله يا محمد ان ما تبعد عنها لعنتك
محمد ببرود : مين وصلك خبر اني ببعد هذا بأحلامك وقفل الموضوع
دخل لغرفة جواهر ومعه سلمان جلس بالكرسي الي جنب السرير وجلس سلمان بالكرسي الثاني لاحظ محمد جواهر ترجف وتفتح عيونها بشويش وقف قرب اكثر مسك يدها البارده ابعده سلمان بغيره
فتحت عيونها متمنيه انها ماتت شافت محمد وسلمان تكلمت بتعب : ليه تساعدوني ليه ما خليتوني اموت ليه
محمد بهدوء : حمدلله على السلامه جوجتي بطلي حركات التغلي والبعد تكفين عارفه اني احبك وتبين تبعدين ليه
نزلت دموعها : ليه تبوني اتعب زياده لهدرجه ما كفاكم الي جاني
سلمان رد : حبيبة اخوها قامت ياجعلني فداك وفدا عيونك الي تدمع كل شوي خلاص يكفي دموع أنا تعبت انتي ما تعبتي
ابتسمت لسلمان الي يفهمها : سلمان عزيز وين
رد سلمان : صار عزيز بدال عزوزي المهم ماندري عنه من بعد الي صار لك وحنا ندق ومايرد
محمد شافها تحاول تجلس قرب يساعدها جلست وكلمت سلمان : جوالك او جوالي ادق على عزيز
سلمان رد : خذي جوالك
اخذته ودقت على عزيز الي رد من اول رنه
عزيز بخوف : ياعين ابوك انتي بخير
ردت جواهر تطمنه : بابا أنا بخير بس كم مرا قلت ما تطلع بالسياره وانت معصب ولا زعلان
ضحك عزيز : ما تبطلين عتاب طلعت وبس
ردت عليه تخفي حزنها منه : عزوزي شوي اكلمك الحين احس بتعب
رد عليها : عيون عزوزك إذا ارتحتي كلميني
قفلت وعيونها تذرف بدموع ناظرت محمد وزادت دموعها شاف دمعتها حاول يقرب يكلمها يحضنها منعه سلمان الي قرب منها يمسك يدها : جوجتي زعلانه من اي شي الكلب الي واقف هناك
هزت راسها بنفي : لا بس ما كنت ابي اعيش ليه تساعدوني
قرب كفوفه من وجهها يمسح دموعها : احنا نبيك تعيشين احنا نبي جواهر ونبي نشوفها مبسوطه مانبي نشوفك بعذاب ممكن تريحين نفسك من التفكير
جواهر بقهر : مين انتم يسلمان ميننن الي يبون ارجع لمحمد فكر فيها وفكر بالي سوه فينيي
رد محمد : أنا قلت لك غلطه وماتنعاد يا جواهر احبك لا تعذبين ببعدك اقولك عاتبي اقدر اتحمل لكن بعدك مقدرر عليه
شالت المغذيات الي بيدها وقفت وهي تحاول تتوازن سندها سلمان وتكلمت : ما عاد فيه شره ولا حتى عتب بعد ذا كله
لفت على سلمان : طلعني من هنا
هز راسه برفض : لا لازم تقعدين هنا اقل شي يومين
تكلمت بصراخ : أنا دكتوره وعارفه اعتني بنفسي ما احتاج طلعتي الحين من هنا سامع
سلمان تحرك معها لناحية الباب مو قادر يرفض طلبها وهو يشوفها تحاول تقوي نفسها من جديد وصلها لباب سيارته وركبها رجع للاستقبال وتكلم : جواهر عزيز طلعتها على مسؤوليتي
محمد الي توجهه عند جواهر وكلمها : وش يضرك لو رجعتي
جواهر رفعت نظرها له : ما يضرني شي
محمد ابتسم : اجل ليه رافضه
جواهر بشتات : مدري مدري لا تسألني أنا ما ادري وش ابي من ذي الدنيا
فتح باب السياره مسك يدها وتكلم : انتي تدرين وش تبين بس انتي تعذبين نفسك عشان موضوع عايض وخايفه نرجع ويصير شي صح
هزت راسها : اي خايفه خايفه وكثيرر من الي حولي كل الي اثق فيهم يخونون ثقتي يا محمد حتى انت من ضمنهم قولي ليه
محمد بأس يدها : أنا اعترف خنت ثقتك بس كانت لحظه وثواني ندمت عليها وكثيررر وبالنسبه لشروق تطلقنا وهي لقيت الي يحبها ويستاهلها وبعد العده بتتزوج
انصدمت جواهر : ليه ليه تطلقها انت جرحتها بكذا
محمد : لا لا ياجواهر هي الي طلبت واعترفت انها لقيت شخص يستاهلها أنا كنت مهملها بس عشان دلال
جواهر تذكرت دلال : ليه تشتتون دلال المسكينه وش سوت إذا هي بتتزوج ومارح تتهتم فيها جيبها أنا بتكفل فيها
محمد ابتسم من حبها للأطفال : تطمني دلال اختارت شروق واذا ما اعتنت فيها باخذ بنتي
رجعت راسها للمقعد واستوعبت كل شي بعدت يدها عنه وهو استوعب وحاول يبعد جاهم سلمان وسأله : وش تسوي هنا رح بسيارتك
تكلم محمد : جيت اكلمها وبروح يلا اشوفكم بالبيت
ركب سلمان وتوجه محمد لسيارته تكلم سلمان : وش كان يبي
ردت جواهر : مو مهم
سلمان ناظر عيونها المتعبه من كثر الدموع وتكلم : ارحمي عيونك نشفت خلاص ما عاد فيها دموع جوجو خلاص
مسحت دموعها وتحاول توقف تفكير : سلمان سولف حتى لو سالفه زق بس ما ابي افكر
هز راسه : ابشري كم عند جواهر اسولف لك عن المصايب حقتي وكيف تزوجنا أنا و رند
لفت عليها : اي صح ما علمتني علمنييي
ضحك وبداء يقول السالفه وهي تضحك على غباءهم وصار يفتح سواليف وهي تضحك على سواليفه ابتسم انه طلعها شوي من الي فيها وصل وقال : ننزل ولا تبين ندشر؟
هزت راسها برفض : لا مالي خلق بروح انام
صفق راسها بشويش : كيس نوم متحرك
مدت لسانها وهي تقرصه نزلت تهرب وهي تضحك ركضت بالدرج تنادي مهره شافتها وتخبت وراها وتكلمت : سلمان بيجي وراي اصفقيه قبل يصفقني
انصدمت مهره مو قادره تحدد مشاعرها شافت سلمان جاي وناوي جواهر كلمته : تضربها بصككَ كف
رفع حوجبه واشر على يده الي حمرت : طيب شوفييي وش سوت
جت رند على صوت وناظرتهم : خالتي انتي عيالك كلهم فيها طفله متاخره
سحبها وحضنها : لا بس جواهر الي قرصتني وانحاشت
ضحكت جواهر : الله يعينك على ذا الخفيف
ابتسمت مهره وهي تلف على جواهر وتحضنها : حبيبة ماما ليه تسوي كذا ترضين ازعل
جواهر تشد على حضن امها : أنا مدري وش صار بس كنت احس بعذاببب وعقلي أخذني للفكره بس ما ارضى اشوف دمعه من عيون مهرتي
طبطبت مهره عليها وهي تسمي : بسم الله عليك وعلى قلبك وعقلك من العذاب الله يبعد عنك كل شر حوالك ويحميك يا عيون ماما
ناظرهم سلمان وناظر رند : هل حنا شفافين لهدرجه
حضنته رند : عادي عادي يا سوسو تصير تصير
ذاب سلمان من دلعها : عيون وقلب سوسو
ضحكت جواهر الي سمعتهم : اجل سوسو سلمان صار سوسو
ضحكت معها مهره استحت رند وهو يخليها بحضنه : رنودي تقول الي تبيه حتى لو صعب
ابتعدت رند وقالت : طيب قول مياوو
عقد حواجبه : ترضين جواهر تطقطق علي حتى بعد 20 سنه وتعلم عيالنا
ضحكت رند : قلتها ذيك المره ليه ما تقولها الحين هممم
سلمان : حبي رند ناويه مهره تعلم عزيز يعلقني على باب البيت اقولها لك لحالك بس وحنا لوحدنا
رند : اجل يلا نروح غرفة جواهر
صرخت جواهر : إلا غرفتيييي بعددد مملكين بشقتييي وتبون تروحون غرفتي لا والله يلا يلا دور لكم صرفه
مهره سحبتها : ما عليك من المجانين تعالي اوديك ترتاحين غرفتك
رند ناظرت سلمان : تقصدنا
هز كتفه: مدري يمكن تقصدها هي ومحمد بس لبقتها فينا
ضحكت رند من كلامه ودخلت مع جواهر ومهره وراح سلمان شاف محمد مو موجود استغرب بس سكب للموضوع
جواهر دخلت وشافت الشباك مفتوح سألت : مين فتحه
ردت مهره : محمد ,, الحين اقفلها انتي ارتاحي بس
جواهر وهي تنسدح على السرير : تمام
شافت مهره تتوجهه لدرج الادويه وترميها كلها بكيس سألتها عن السبب ردت مهره : تهورك كثر هذي الايام ياجواهر وصح فهد اخذ مسدسك والاسلحه حقتك وقال ماراح يعطيك اياهم ولا راح يكلمك في مهام الين ترجعين لعقلك
جواهر بحزن من الي يصير لها : مو منجدكم اوففف خذو الي تبون بس ريحوني
طلعت مهره بعد ما قفلت الشباك وخلت الباب مفتوح نادتها جواهر : امي قفليه معك
هزت راسها برفض : خليه مفتوح احسن
عرفت خوف مهره و ردت : بغير ملابسي وأفتحه
قفلته وغيرت رجعت فتحته وانسدحت على سريرها فتحت جوالها ترد على لينا ان كل شي تمام وقفلته و نامت
