بسم الله
سبحان الله
جواهر اشرت نظرها لمكان : هناك شوف السياره ألفان الاسود في نور احمر يبين انهم يصورونا
ناظرو الكل لسياره تحركت السياره بسرعه
عزام بخوف : كنسل المهمه بسرعه فهد
رفع جواله سحبته جواهر : أنـا قدهــا
محمد : رجعو جواهر أنا بكمل لوحدي
هزت راسها بابتسامة خبث : لا ظلام مايتراجع ابداً
رمت الجوال : تحرك
حرك فهد السياره محمد مسك يدها : مـتـاكـده
ابتسمت : ايـي مـتـاكـده
رجعت تسند راسها على صدره حط كفه على جبينها يسمي عليها ابتسمت حركاته تذكرها بحركات عزيز معها :احـبـك
ابتسم يبوس راسها : اعـشـقـك
فهد التفت سحب الخيزرانه يحطها بينهم وهو يسوق :قلنا مهمه انت وياها بلا قلة ادب
محمد دف الخيزرانه عليه : زوجتي ما اخذ راحتي معها
فهد : اي بسيارة عزام مافي قلة ادب صح عزام
عزام ناظره : ها
ضحك محمد : معليك عزابي خله
فهد : وجهة نظر بعد
احتل الصمت المكان محمد يتأمل جواهر الي تفكر بتفاصيل المهمه وقف فهد : سمو بالله و توكلو عليه يلا استودعناكم الله
محمد : ننزل كذا
ضحك فهد : اكيد لا
نزل يربطهم : مثلو
جواهر مثلت الانهيار محمد كان كل شوي يعصب يرجع يصير طيب فهد وعزام كاتمين الضحكه على محمد وقف عن الموظف : جواهر محاولة انت// حار و محمد هلوسه وشخصيات مختلفه
الموظف رفع راسه ناظر لجواهر : هذي جواهر عزيز رجعت لها الحاله
هز فهد راسه : ايـي و اسـواء بعد
اشر للممرضه سحبت جواهر لقسم النساء
ناظر محمد : تعاني من أمراض نفسيه
محمد : مدري والله لكن سمعت دكتوري يقول عندي هلوسه وانفصام الشخصية
الموظف : اي دكتور وش اسمه
محمد بتوتر : مو هنا منطقه ثانيه
الحظ كان مع محمد دخلوه قسم الرجال
جواهر دخلت فتحو أياديها يدخلونها انفرادي انصدمت قربت منها ممرضه تدق مهدى أبعدتها جواهر : لا لا مهمه مهمه
الممرضه بخبث : عارفه ونحتاجك تنامين ننهي محمد وبعدها بننهيك
جواهر انصدمت فهد سمع كل شي مع عزام ناظره : اهجمم فهد اهجمم
فهد رفع مسدسه ينزل : دق على عساف يجيب الفريق بسرعههه
عزام هز راسه يدق إنهاء المكالمه نزل يركض وراء فهد محمد اخترق اذنه صوت جواهر : محمددد اهرببب اهرببب
حط كفه على السماعه : جوجو وش فيك
حس بواحد يمسك معصمه يلفه ضرب محمد بالجدار مسك السكين قبل تدخل بطنه محمد دف الشخص يضربه يسمع صوت جواهر تصرخ زاد خوفه ابتعد يركض لقسم النساء يدورها سمع صراخها بغرفة انفراديه ركض يضرب جسمه على الباب : ثواني وأفتح أطلعك ثواني
صرخت : محمددد ساعدنييي افتح الباب بسرعههه
كان يضرب بقوه وقف فهد وراه يساعده جواهر كانت تكح بقوه ما اكتفو يقتلونها لا قررو يقتلونها بحرق الغرفه وهي فيها سحبها لبرا ضمها : أنا هنا انتي بخير
كانت تكح و وجهها على صدره رفعته انتبهت لشخص وراه طلعت المسدس بيدها الثانيه طلقت بسرعه أعلنت جواهر الحرب عليهم بدت تبادل الطلاقات بينهم كانت تقاتلهم بمهاره عاليه وقويه ومع ذالك كانت متعبه محمد شافها تحط يدها على صدرها تاخذ انفاس تقدم وقف قدامها يحميها : خذي نفس واذا ماقدرتي خليك وراء ظهري
هزت راسها تكح وتحاول تتنفس ناظرت الغرفة الي قاعد تنحرق شافت طفل معطيها ظهره صرخت تركض له محمد لحقها دخلت بين النار ولهبها والدخان سحبت الطفل تنصدم بأنه لعبه التفت تركض للخارج طاحت خشبه تغطي جزء من الباب صرخت : محمدددد اطلعووو من هناااا أنا بطلع نفسيييي انتم اطلعووو
محمد برفض : والله ما طلع إلا وانتي بحضني وطالعه معي
ناظرت الغرفة : محمد ما اتوقع اطلع من هناااا
فهد سحب محمد : ظلام تعرف تتصرف
صرخ : ماراح اتحرك الين اطلعها ،،، جواهر ابعدي لوراء شوفي فيه شباك او بدف الخشبه وبدخل أطلعك
جواهر التفت تشوف الشباك : فيههه فيههه تعاللل لبرا
طلع برا وقف قدام الشباك ضربت الزجاج مانكسر تنهدت :بسم الله
رمت نفسها على الشباك انكسر أنصدم محمد بجسدها يطير وقف يمسكها قبل تطيح وقفها ينفض الزجاج من عليها :انتي بخير
هزت راسها : اي بخير بخير
شألها يركب وهي بحضنه : مستشفى
فهد هز راسه بموافقه حرك السياره على المستشفى
كانت بين يديه جسد بلا روح يناظر ملامحها الغريبه مو عارف يفسر شعورها جواهر من كثر أللام صارت تبتسم بصدمه واضحه
فهد قاطع تفكيرهم : انزلو أنا وعزام بنوقف ونجي
شألها يحطها بكرسي متحرك طلع بطاقتها : اصابات في مهمه
دخلوها الفحص طلعت وهي سليمه تماماً من كل شي مجرد كتمه من الدخان توجهه لباب المستشفى وقفته : ارجع افحص نفسك
ابتسم : مافيني شي شوفيني قدامك
ناظرت كفه تسحبه لها : وذا ايشش
محمد سحب كفه : مايحتاج بس مطهر جروح
كشرت : قسم يامحمد ان مادخلت ياويلك
ضحك يبوس خدها : وش بتسوين وانت اقصر مني
جواهر بحده : اها يعني تبي اوريك وش بسوي
هز راسه سحبته لداخل المستشفى مره ثانيه اشرت للممرضه : هاتي مفتاح مكتبي
هزت راسها توجهت تجيبه رجعت تعطي جواهر : تفضلي دكتوره جواهر
شكرتها سحبته تطلع لمكتبها فتحته تشوف نفس ماهو ماتغير جلسته على سرير الفحص سحبت مطهر الجروح والأغراض الطبيه نظفت جرحه تحط الشاش عليه ناظرته :شيل
استفهم : وش
جواهر بخجل : بلوزتك بفحصك
ابتسم من خجلها : ابشري
بدت تفحص و تعقم جروحه لاحظ تعبها من الوقوف شدها يجلسها على رجله شهقت بخجل : محمد
محمد : شفتك تعبتي من الوقفه جلستك في غلط
سكتت تكمل تعقيم الجروح اقترب يغرس وجهه بنحرها توتر من انفاسه الي تضرب نحرها طبع قبله ثبتت يدها عارفه اي مدى يبي يوصل : محمد ابعد
ابتعد يرجع يجلس طبيعي حاولت توقف : خليك
هزت راسها : لا ابعد شوي المدير بيجي يتلقف كالعاده
حررها توجهت تلبس زيها الرسمي تعلن رجعتها للطب طلعت تعدل نقابها والطرحه اقترب يسحبهم من عليها استغربت : وش فيه
فتح شعرها يلعب فيه اقترب لثغرها رفع راسه يسمع فتحت الباب ناظر الغرفه الي وراها سحبها يدخلها فيها لفها يسند ظهرها على الباب يقرب يقبلها بأندفاع حاولت توقفه تسمع صوت مديرها يناديها رفع يده يمسك كفوفها من على صدره ينزلهم ارتخت تحاوط نحره تبادله وتتجاهل كل الاصوات الي تدور خارج عالمهم الخاص شد خصرها يحط يده الثانيه وراء راسها يشده له ابتعد بعد دقايق تاخذ انفاسها ابتسم : مدام اني مريض ابي حقي من دكتورتي
أبعدته تلبس طرحتها ونقابها : بكل مكان إلا الدوام ممكن
ضحك يهز راسه : لا مو ممكن
اشرت على كرسي : اجلس هنا لين اخلص من النشبه الي برا
جلس طلعت شافته جالس على كرسي الكتب حقها :هلا استاذ عادل فيك شي
ابتسم : لا جيت اطمن انك جيتي لي ساعه انتظرك وش كنتي تسوين داخل
رفعة حاجبها :اتوقع شي خاص فيني صح
ضحك : قريب مابيكون خاص فيك بيكون خاص فينا الاثنين
استفهمت تعقد حواجبها : وش قصدك
وقف يقفل باب المكتب ناظرته باستغراب اقترب لها لم يكون بينهم سو القليل من المسافه توترت من قربه
نطقت بصوت مرتجف : محمد
ضحك : ناسيه اسمي عادل
محمد استغرب من منادتها له رفعت كفوفها تكون حد بينهم : ابعد لا تقرب نصيحه
محمد سمع جملتها طلع وهو يشوف عادل يحاوطها يقرب منها اكثر هجم عليه بغيره عليها سمعت صوت فهد يدق الباب ركضت تفتحه : محمد فهد محمد
