بسم الله
سبحان الله
مسكت كتفه شافت الرصاصه سحبته تألم محمد جواهر وهي تسحب الشماغ : خلني اربطه الين القى احد يساعدنا
هز راسه ربطت على الجرح تكلمت : ليه بعدنا عن السياره ليه ماقعدنا قريب منها
محمد يهديها : تدفي انتي و لؤي شوي تشرق الشمس يجون عماني كلها ساعه ساعتين
سمعت صوت لؤي يبكي سحبته لحضنها : وش فيه حبيبي
لؤي بخوف : محمد بيموت صح
جواهر دمعت : ان شاءالله ما يصير شيي ونرجع البيت تمام
سندت راسه على صدرها تمسح عليه : كون بطل عشان نطلع من هنا
محمد مسك يدها يشبك يده فيها : انتظرو شوي
مرت ساعتين وهم ينتظرون شرقت الشمس ناظرت سيارات جايه عرفت سيارة عبدالله حطت لؤي جمب محمد : بروح انادي عمو عبدالله واجي انتبه لمحمد
هز راسه لؤي ركضت جواهر ناحية السياره لوحت بيدها وقف عبدالله بصدمه نزل : وش تسوين هنا
ما تكلمت سحبته توجهت لمحمد ولؤي انصدم عبدالله : انتظري اجيب السياره واجي
هزت راسها توجهه يقرب السياره ساعدته يركبون محمد بالمقعد الخلفيه انتبه لرجفتها مسك عضدها لاحظ برودته تكلم : بردانه
هزت راسها : لا اهم شي لؤي و محمد يحتاجون مستشفى
سكت توجهه لشنطة السياره اخذ فروه لبسها سحب شماغه يلثمها : انتي الي تحتاجين
فتح لها الباب الراكب الأمامي ركبت شأل لؤي يحطه بحضنها زي ماطلبت ركب يناظر لمحمد ولها فتحت الفروه حطت لؤي دفته بالفروه و ضمته
عبدالله : وش صار
اشرت على لؤي : بعدين نتكلم
هز راسه : تمام
وقف قدام باب الطورئ نزل يعطيهم خبر ركضو لسياره ينزلون محمد نزلت وهي شايله لؤي النايم بتعب طلبت خافض حراره للؤي أعطت جلست قدام غرفة ماهي قادر تحدد ايش ابتسمت تشوف عبدالله يساعد محمد وقفت : انت بخير
هز راسه : أنا بخير
عبدالله : يلا بنرجع البيت
جواهر : انتم روحو اول وانا بلحقكم
محمد استفهم : ليه
جواهر تفرك يدها بتوتر : بقدم وضيفه
هز راسه : تمام براحتك
طلعو توجهت جواهر للممرضه : ابي اسوي تحليل شامل
سحبت الممرضه جواهر : تعالي
دخلت لمنطقة سحب الدم جلست بتوتر سحبو دم تكلمت الممرضه : بعد ساعه أناديك
هزت راسها جواهر : تمام بنتظرك برا
طلعت تنتظر بدون جوالها كانت تفكر بالموضوع الي شاغلها ولو طلع صدق وش بتسوي هل بتخبي عشان ترجع لاهلها ولا
سمعت صوت يناديها توجهت له دخلت المكتب تجلس بتوتر ناظرتها دكتوره : جواهر عزيز
جواهر بتوتر : اي أنا
ابتسمت الدكتوره : الف مبروك حامل
ناظرت بصدمه : متى وكيف
الدكتوره استفهمت : وش فيك ياجوجو حتصيري ام
طلعت من صدمتها : مافي شي الله يبارك فيك ممكن اخذ اوراق التحليل ومحد يدري عنها
الدكتوره : اي عادي خذيها
اخذت الأوراق طلعت شافتهم ينتظرون دخلت الأوراق داخل الفروه ركبت السياره : ماقلت لكم روحو
عبدالله ابتسم : محمد رفض يتحرك ويخليك هنا
ابتسمت بتوتر : تمام
محمد : تقدر ترجع اخذ سيارتي
عبدالله : ابشر برجعكم
ناظر جواهر وشاف عيونهم المتوتره : جواهر فيك شي
شهقت : ها لا لا مافي شي
خاف من شهقتها : متاكده
هزت راسها : اي اي
شك فيها بس ماحب يسأل رجع لسياره : باخذ الاغراض واجي وسليمان يجي ياخذها بعدين
عبدالله هز راسه : تمام
نزل محمد تكلم عبدالله : تحليلك وش طلع
انصدمت جواهر : ما حللت رحت ادور وضيفه عادي
عبدالله: شفتك تحللين علميني وش طلع
جواهر توترت : كل شي تمام كنت احسب فيني نقص فتامينات بس طلع تمام
التفت يناظرها : جواهر انتي حامل صح
جواهر ترجته : تكفى لا تعلم محمد طالبتك
ابتسم : ابشري والف مبروك ودي انزل اضمك بس محمد بيشك
سحبت يده تبوسها : الله يبارك فيك
ركب محمد السياره : وش فيكم
عبدالله : مافي شي بس نسولف
محمد مد جوالها : خذي
سحبت جوالها فتحته ارسلت لرند : رند صاحيه
رند : اي فيك شي
جواهر : أنا حامل بس لا احد يعرف تمام
رند : كذابههه اصبريييي تكذبيننن وريني
جواهر : بوريك يوم اوصل البيت محد يعرف غيرك انتي وعمي عبدالله
رند : طيبب بسرعهه طيري للبيت الان
طلعت من الشات ترسل لام لؤي انه معها وأموره تمام
ناظرت فيه نزلت تبوسه : حبيبي أنا
ناظرها محمد : مين
جواهر : مين غير لولي
محمد بغيره : لحول ياذا الولي ارميه ف ..... و يلحقنا ل .....
ما يخليني معك
جواهر ضحكت : لنا شهرين متزوجين وبعيده عنهم تتوقع كيف كان بدوني
ناظرها : اي التلزيق بس مع ذا البزر
ضحكت : اكيد
وقف عبدالله : يلا انزلو
نزلت تشيل لؤي طاحت الاوراق سحبت بسرعه انتبه محمد : اوراق ايش
جواهر بتوتر : الوضيفه حق الوضيفه
محمد : أمم طيب يلا ادخلي
دخلت البيت تطلع لجناحهم وقفتها هدير : انتم طلعتو جبتو ولد وكبرتوه وجيتو
ضحكت جواهر : لا لولي
هدير بخوف : كيف جاء امه لسى عند مهره
ابتسمت : موضوع وعدا وطمنتها عليه
هدير : خلاص روحو ارتاحو
جواهر حست بغثيان مدت لؤي لهدير وركضت لدورة المياه انصدمت هدير : وش فيها
محمد رفع كتوفه : مدري
طلعت بعد دقائق مصفره واضح التعب فيها ناظرها : وش فيك
جواهر : لا بس اخذت برد
هزت راسه : تمام يلا أطلعك واضح تعبانه
هدير : شوي وبجي لكم تمام
هز راسه : تمام
سندها وقفته : دايخه
ناظرها وقف قبل يروح لدرج : انتي مو صاحيه اليوم وش فيك
اشرت : انتظر شوي
تحاملت على نفسها سندها يطلعها دخلت الغرفه : افوههه من بخ بذا المعطر
محمد : جوجو انتي قبل نطلع معطرك الي تحبينه بالكرز
جواهر : ارمههه ما ابيه
ساعدها تنسدح على السرير : جيب لؤي ماراح يرتاح عند خاله هدير
هز راسه : ابشري بروح اجيبه واجي
طلع يجيب لؤي سحبت المعطر : غريبه ما صرت احبك
بخت وتقرفت : اوففففف وش ذا كنت احب ريحة الكرز وش صار
رجعته وهي متقرفه دخل محمد يشيل لؤي حطه على السرير سحبته لحضنها : حبيب ماما جوجو
محمد انسدح : يعني مالي مكان
هزت راسها : اي عندك امك روح لها
ضحك : ماني رايح بنشب لك
اعطته ظهرها وهي تغطي لؤي بالبطانيه وتحضنه حاوطها محمد : حتى أنا بنام
ابتسمت : بمشيها ذي المرا بس تبعد قبل يصحى لولي
هز راسه يلعب بشعرها نامت وهو نام مر الوقت قامت جواهر من حضنه حطت لؤي ركضت لدورة المياه ( اعزكم الله ) صحى محمد : جوجو بنت وش فيك
اشرت انه يجلس وما يجي استغرب طلعت بعد ما غسلت وجهها ناظرها : اوديك المستشفى وضعك ما يطمن
هزت راسها وسمعت صوت لؤي : ماما خايف
توجهت له : لولي حبيبي انت عندي
فتح عيونه : ماما جواهر لا تخليني
مسحت على وجهه : مين قال بخليك
باست خده بحنيه : أنا هنا ياعيون ماما
لؤي : محمد
ابتسمت تأشر عليه : شوف هو بخير ممكن ننسى الي صار امس
هز راسه : ان شاءالله
محمد وقف يقرب منهم : مالي بوسه ولا حضن
لؤي ضحك : صح انك عدوي بس تعال أبوسك
محمد ابتسم ولؤي باسه جواهر انبسطت تذكرت حملها وتطمنت وهي تشوف محمد يلعب لؤي ويضحكون وقفت :بروح اسوي اكل لكم
ابتسم محمد : أنا بطلع البلاستيشن اشغله نلعب
جواهر : تمام
توجهت للمطبخ تسوي اكل كانت تتغصب الوقوف عشانهم كانت تطبخ بالغصب خلصت الاكل حطته بصحون أعطتهم : بالعافيه
ناظرها محمد : تعالي اكلي من امس ماطب في فمك لقمه
جواهر جلست على الكنب بتعب : لا مالي نفس انتم أكلو وخلصو
كاومت نفسها تتفرج بالجوال سمعت صوت هدير : جوجو صاحين
وقفت تفتح الباب كانت بتطيح سندت نفسها بالكنب محمد خاف : جوجو
جواهر : بخير مافيني شي
توجهت تفتح الباب : هلا خاله هدير
دخلت هدير وقفلت الباب : ابيك بموضوع
جواهر ناظرت محمد و لؤي ورجعت تكلم هدير الي معها كيس صيدليه : وشو
سحبت جواهر للغرفه : معليش محمد بس بكلمها بشي يخصها
هز راسه : تمام خذو راحتك
دخلت قفلت الباب جلست جواهر تعطيها الكيس :اعراض الحمل واضحه قومي افحصي
جواهر توترت : عارفه وحللت
طلعت الاوراق تعطيها هدير الي غطرفت من الفرحه ضحكت جواهر : ما ابي محمد يعرف عن الموضوع
هدير : جواهر علميه ما ينفع نعرف وهو لسى
جواهر فركت يدها : يعني اعلمه الحين عادي
هزت هدير راسها : اي أنا بطلع أناديه وعلميه
طلعت هدير : محمد جوجو تبيك
محمد حط يد البلاستيشن : تمام بروح لها
جلست هدير مع لؤي
دخل محمد : ها حبيبي وش فيك
مسكت جوالها تحطه على الطاوله : تعال
توجهه وقف قدامها بدت تسجل وهي ماسكه الاوراق ناظرها : فيك شي
جواهر مدت الاوراق : اقرأ
محمد فتح الاوراق يقراهم ناظرها : مين حامل
ضحكت : محمددد
استوعب : كذابهه قولي والله
جواهر دمعت : والله انك بتصير اب
حضنها بقوه يلف فيها رجع نزلها : عورتك اسف
ضحكت : ما عورتني كنت متردده اعلمك وترفض اروح لاهلي
باس راسها : بنروح بس نرتاح شوي
ابتسمت نزل يحط يده على بطنها : منجد
مسكت يده تنزل له : اي منجد خلينا ندق على خالاتي كام نعلمهم
هز راسه : تمام
وقفت تسجيل دقت على القروب بعد ماكتبت انه في موضوع مهم فتحت كام توترت
محمد ابتسم : لا تتوترين عادي
اجتمعو خالاتهم وأمهاتهم بمكالمه سولفو شوي محمد حاوطها يحط يده على بطنها : مافي مبروك
روايد صرخت : كذاببببب قول والله
مهره استفهمت : وشو على ايش مبروك
ضحك محمد : جوجو حامل
مهره بفرحه : الحمدلله ربي يتممم على خير
جواهر استحت من مباركتهم لها ضحك محمد : مدحي ما استحيتي منه والحين تستحين منهم
ضحكت بدموع : ماعاد بستحي خلاص بقعد جماد
مسح دموعها : جعل ما يستحي غيرك قفل المكالمه ويلا نعلم الباقي
ميلت راسها : احس تعبانه إذا ارتحت نروح
هز راسه : براحتك
طلع يلعب مع لؤي غيرت ملابسها وطلعت : وين خاله هدير
محمد : نزلت لجدتي
جواهر : طيب بنزل بس لبسي فيه شي
رفع نظره : مافيه إلا انه يبين حلاوتك غيريه وانزلي
جواهر: بنزل كذا
محمد وقف يقرب منها : عناد صح
جواهر توترت : لؤي هنا ابعد
ابتعد : اتفهم معك بعدين
مدت لسانها تركض لدرج محمد بخوف : انزلي بشويش ماراح ألحقك
