بسم الله
رجعته ودخلت شافتهم ابتسمت وعرفت مع مين الابره بحكم خبرتها تكلمت : الي اعرفه بقابل غاده وش ذا الجيش
تكلمت وحده منهم : لو غضيتي بصرك كان خليناك لكن اللقافه شينه
اقتربت وحده من جواهر بدق الابره لوت يدها و طيحت الابره : لا تتحدوني نصيحه
نزلت وحده بتاخذ الابره طلعت مسدسها بسرعه وطلقت على السقف سمعو صحباتها الطلق طلعو مسدساتهم وتكلمت ورد : يفضل محد يطلع من الفصل خلوكم هنا
ركضو لجواهر الي كانت تدافع عن نفسها تجمعو وساعدو جواهر انتهت كلبشتهم هربت غاده بنشغال جواهر والبنات
انتبهت جواهر : وينها
رند : مين
جواهر بعصبيه : غادهه
ركضت لبراء شافتها ماسكه طالبه وحاطه سكين على رقبتها ضربت جواهر الجدار بقوه
تكلمت بعصبيه : غاده اتركي الطالبه أوعدك أطلعك من السالفه اتركيها
ضحكت غاده : وش بتسوين إذا ما تركتها
جواهر تحاول تفكر : بنهي مسيرتك بالحياه
غاده : مافرقت بتنتهي بكلا الأمرين تركتها او لا
سمعت جواهر صوت وراها التفت تشوف مصدره تقدمت غاده ومسكت جواهر وحطت السكين على رقبتها : كذا افضل ياجواهر نزلي سلاحك
انصدمو و خافو على جواهر من غاده اشرت انهم يهدون
تكلمت : بنزل سلاحي اهدي ياغاده تراك بتقتلين استخبارات وهذا امر قوي
ضحكت غاده بصوت عالي : قلتلك ما يفرق بذبحك
جواهر سألتها : ليه بتذبحيني
غاده : بس كذا لاني حددت اليوم اقتلك وانتي نجوتي لكن الحين بقتلك
قربت السكين اكثر لرقبة جواهر توتر الكل جواهر فكرت بحل ومالقت بدت تتشهد عارفه مافي مفر
رفعت ورد اللاسلكي : فهد ادخل جواهر تحت التهديد بسلاح ابيض
سمع محمد ودخل : اي دور
ردت ورد: الثالث
ركض وشاف السكين مقرب منها بزياده تكلم : لوسمحتي نزلي الي في يدك تكفينننن
شدت غاده اكثر تألمت جواهر : ماراح انزل وش بتسوي تذبحني بقص رقبتها معي
جواهر انجرحت رقبتها تكلمت : غاده اذبحيني إذا يرضيك
غاده ابتسمت : عز الطلب
صرخ محمد : لا طالبك لا
جواهر ناظرت محمد الي يترجئ غاده نزلت نظرها للأرض وهي تكرر الشهاده حست بالسكين يطيح التفت شافت ريتان وهي تشيل المخدر من رقبت غاده : الحمدلله على السلامه جواهر تعالي اعلاجك
ابتسمت جواهر ناظرت محمد الي ركض يحضنها بقوه : مافيك شي صح جواهر انتي بخير صح اشوف جرحك
أبعدت ريتان : آبعد خلني أعلاجها عشان ما يتجرثم
ناظرت الجرح بسيط مو عميق سحبت المطهر بدت تحط جواهر عضت شفايفها من ألم المطهر سألتها : مافي النوع الثاني
هزت ريتان راسها : الوحيد الي لقيته بعدين افضل لك حتى لو تألمتي
سكتت جواهر وعيونها دموع وتتألم من جنبها تكلمت : احس بألم بجنبي
ناظرتها ريتان : اي جنب
اشرت جواهر على جنبها الأيمن لاحظت ريتان وجود دم : طلقتي على احد او اصبتي احد
هزت راسها بنفي وهي تتألم فتحت سحاب المريول الجانبي لجواهر رفعت بلوزتها شافت جرح متوسط العمق شهقت بخوف : جواهر ممكن تنسدحي على جنبك الثاني
هزت راسها جواهر وانسدحت على جنبها الثاني جلس محمد جنب جواهر : وش فيه
ريتان : ج جرح عادي
سحبت المطهر تحط لجواهر الي تحاول تخفي الالم شاف محمد ملامحها واعطها يده : امسكي كل ما حسيتي بألم اضغطي عليها
مسكت يده بقوه تضغط عليها وتدمع خلصت ريتان لاصقت جرح جواهر التفت على محمد : محمد عادي تغير لها الجرح الين يتعافى
رد محمد : اي عادي اغير لها
جواهر ترفع نفسها من الارض : ما يحتاج اعرف اغير لنفسي
محمد وقف وهو يسندها : بالنسبه لي يحتاج ما علي منك
جواهر تأففت وقفت تتحرك للفصل تاخذ أغراضها ساعدها وصلت دقت الباب بحترام سمعت صوت المعلمه : ادخلي
فتحت الباب ولفت على محمد بغيره : عينك على الارض
ابتسم : اصلاً ماتشوف غيرك
دخل وهو منزل نظره اخذت جواهر أغراضها ورجعو البنات ياخذون اغراضهم طلعت من المدرسه ركبت السيارة مع محمد ناظرها : تحتاجين مستشفى
هزت راسها برفض : ما يحتاج سيارتي من اخذها
محمد يشغل السياره : رند اخذتها
رفعت نظرها وهي تشوف رند تركب والبنات كاملات : الحمدلله ما جاهم شي
محمد : بس حلوتي جاها
ناظرته جواهر : بيفرق عن الي بظهري
مافهم محمد : ما فهمتك
ابتسمت : ولا شي مو مهم
مسك يدها حطه على صدره : بس ذا يقول انه مهم حتى لو خدش بسيط
سحبت يدها وهي تسند راسها خلخل أصابع يده بين اصابعها تكلمت : وش تبي
ابتسم : ولا شي الي يمسك يد حبيبته يبي شي
ناظرت جواهر وهي ساند راسها : محمد تكلم عيونك تقول انك تبي شي
محمد بضحكه ذوبت جواهر : حتى عيوني مركزه فيها وعارفتها وتقولين ما احبك
ابتسمت : طيب لا عاد تضحك كذا
غمز لها : تغارين
جواهر تصطنع العصبيه : ما بقي إلا أنت اغار عليك خايفه على الناس ينصرعون من ضحكتك
ضحك زياده : صح صح صدقتك
بعد مده وصلو البيت نزلت وشافت سيارتها مو موجوده : يليل وين راحو المفروض وصلو قبلنا
محمد يطمنها: معروفه رند دوده تلقينها راحت تفطرهم
رفعت جوالها تتصل ردت لينا : هلا جوجو
جواهر : وينكم
لينا : بالمطعم بنفطر وبنرجع بيوتنا
جواهر بعصبيه : الحين أنا المصابه دلعوني ماتروح تفطرون وتتركوني
لينا بضحك : لو تركتي الرومانسيه ومحمد كان جيتي معنا
قفلت جواهر بوجه لينا دخلت البيت مع محمد توجه معها يسندها شافوها مهره وهدير الي ما تحركو من مكانهم شهقت مهره بخوف : قلنا مدرسه مافيها اصابات
ابتسمت جواهر : كلها جرح بالرقبه وجرح بجنبي عادي
اشرت مهره لمحمد يجلس جواهر وبدت ترفع بلوزتها : اوفف منك ياماما وش صار لك
ابتسمت تطمن امها : الي برقبتي من طالبه الي بجنبي ما اتذكر ولا حسيت إلا بعد مده وهو ينزف
محمد ينزل بلوزة جواهر : خلاص خليها ترتاح
وقف يسندها دخل الغرفه وانسدحت على السرير انتبه لشأله الي جنبها ابتسم وبانت سعادته لف بيطلع شاف الفستان سألها : حقك ولا حق رند
رفعت راسها تشوف :حقي ليه
سأل بغيره : تلبسينه بالعزيمه
هزت راسها : اي
مسكه يحركه يمين ويسار: اول شي بيكون مخصر و ضيق عارفك تحبين هاذا الستايل وثاني شي قصير ثالث شي مفتوح من كل جهه وين عايشه
ابتسمت جواهر : عايشه ببيت عزيز لسى
رجعه مكانه : ماراح تلبسينه عندهم
ضحكت جواهر : محمد روح نام افضل لك عارف اني بلبسه غصب عن اي احد
انصرف من غرفتها رجعت تمددت وفتحت جوالها اخذت وقت ونامت
