بسم الله
سبحان الله
وقفت تفتح الباب صرخت: وش تبي كيف سمحت لنفسك تقرب من وحده ماتعرف من هي كيف
سحبها لداخل يقفل الباب قفل فمها بيده: اششش لا اسمع نفس سامعه
دقت مهره الباب : جواهر وش فيك تصيحين
فتح فمها يهمس : ياويلك تعرف اني هنا
جواهر بصوت مرتجف : مافي شي ماما مافي شي قاعد العب
بي سي عادي
مهره ابتعدت عن الباب : تمام
محمد وزع نظره بالغرفه قرب لسرير حُب يشوف اسمه مكتوب : ليه اسمي هنا
جواهر سحبت البطانيه من يده عشان مايتذكر ويتعب : انت تكفلت ببنتي
استغرب :ليه تكفلت فيها زوجك وين
ناظرته ونزلت نظرها : الله يشفيه
مسك راسه بداء يتذكر صوت جواهر خافت عليه مسكت يده الي على راسه نزلتها : وش فيك
عصب سحبها يضربها بالجدار : علمينييي من انتييي
جواهر تألمت : مودي وش غيرككك علمنييي وششش ليههه
شد على عضدها يهزها بقوه يتألم من راسه وهو يتذكر انه حبيبته تناديه كذا : تكلمييي ميننن ميننن
جواهر صرخت تنادي امها ماتبي تذكره وتعذبه ركضت مهره لها تدق الباب
محمد قفل فمها يصرخ عليها : مين انتييي ريحينييي وقولييي
دفته تفتح الباب لمهره دخلت مهره تناظره بصدمه مسك راسه بقوه يطيح على ركبه يصرخ بألم جواهر ماتحملت منظره ضمته بقوه : اسفهه اسفهه محمد اسفهه اصحى معي لاتتذكر شي تكفى خلك ناسييي
أبعدها يناظر ملامحها الباهته تكلم بتعب : ج جواهر جواهر خليك خليك
اغمى عليه بين ذراعيها مسحت على راسه : عارفه تذكرتني بتصحى تنسى كل شي من جديد
مهره ساعدتها يسدحونه اخذت مغذيه تحط له عشان يصحى طلعت من الغرفه ومهره معها
مهره بحزن على حال جواهر : هو تذكرك صح
جواهر ابتسمت بحزن تجلس على الكنب : بيصحى ينساني ماراح يفرق شي جيبي لي حُب
راحت مهره تجيب حُب شافت عزيز شايلها يغير لها ناظرته :بعدين جيبها لجوجو تبيها
هز راسه بالموافقه رجعت مهره تواسي بنتها تكلمت :علمتي خاله هدير ؟
هزت راسها : لا مادقيت
سحبت جوال جواهر تدق على هدير : علميها
سمعت صوت هدير : هلا ومرحبا بجوجو كيفك
جواهر توترت : هلا بك الحمدلله انتي وعمو كيفكم ،، دقيت اعلمك بشي
هدير ابتسمت تاخد الجوال تحطه على اذنها : الحمدلله ,,, سمي اسمعك
جواهر بغصه : سم الله عدوك ,, محمد امس لقوه مرمي قدام المستشفى الي اشتغل فيه واتوقع احد هجم عليه بس المهم محمد نسى ذاكرته يتذكركم بس نساني أنا وبنته
انصدمت هدير عبدالله ناظرها تكلمت : هو بخير اعطيني اكلمه
جواهر : هو بخير بس مايتذكرني عشان اروح له ببساطه اقوله خذ امك تبيك لو تذكر تعب أنا راضيه ينساني بس مايتعب
هدير بغصه : بدور رحله اليوم اكون عنده
قفلت المكالمه تناظر عبدالله : احجز لي ولك محمد تعبان
استغرب عبدالله : وش فيه
علمته بكل شي عبدالله : بنمشي سياره باخذ عيالي وبناتي معي مستحيل اتركهم هنا روحي جهزي الشنط بسرعه
هزت راسها ركضت تجهز الشنط وهو راح يصحي عياله وبناته يطلعون من هنا بأسرع وقت
قامو يجهزون مع هدير ساعدت بنات عبدالله يتجهزون للسفر طلعو كلهم بسياره عبدالله بدت رحلة سفرهم يتوجهون لمحمد
