بسم الله
سبحان الله
مهره كانت تمسح على راس جواهر تتأملها وهي نايمه : الله يبعد عنك الحزن والقهر الله يسعدك بكل خطوه
محمد كان يدورها دق باب غرفة مهره : خاله
مهره : ادخل
دخل وهو يطالع لجواله يتصل عليها : شفتي جواهر
مهره ابتسمت : اي بحضني نايمه
رفع نظره قرب يشيلها مهره رفعت كفّها تبعده رفع حاجبه :باخذها
مهره : لا خلها وانقلع للمقلط نام مع عزيز هناك
محمد حط كفه يحرك أنامله على وجهه جواهر حست فيه :محمد
محمد بهمس : عيونه وقلبه وروحه وكله
أبعدت كفه : مابي اسافر بقعد عند مهرتي
ابتسم : ماراح نسافر بس بأخذك تنامين بحضني
هزت راسها : لا ابي انام بحضن ماما انقلع
ضحكت مهره : الطرده جتك من جواهر
محمد باس خدها : دامها من جوجو راضي
طلع يتوجهه للمقلط ينام
اليوم الثاني
صحيت جواهر وشافت امها نايمه ضمتها تكمل نومها بعد فتره صحيت مهره سندت راس جواهر على المخده طلعت من الغرفه جواهر ماحست كانت نايمه بعمق وتعب
محمد كان مع مهره بالصاله
محمد : صحيت
مهره هزت راسها : لا روح صحها سويت لها سلطة فواكه الي تحبها
محمد توجهه لغرفة مهره دخل شافه ترجف وهي نايمه وملامحها خايفه قرب منها : جوجو
فزت تصرخ : لا يقرب تكفى لا
حضنها بقوه : بسم الله على قلبك كابوس ياعيوني تطمني
تطمنت حس بأنتظام انفاسها رجع يسند راسها طلع لمهره :رجعت نامت عادي ولا
رفعت كتوفها : مدري بس روح اقعد عندها
رجع لها رفع راسها يسنده على صدره يمسح عليه سمع كلامها المبعثر الغير مفهوم حس بخوفها وهي تحلم او بالصح جواهر داخله بكابوس مقدر يصحيها فتحت عيونها تشهق بخوف صرخت : بيذبحوني ويذبحوني الي ببطني بيذبحونا
ضمها محمد : اششش كابوس جوجو كابوس
كانت ترجف رفع نفسه : قومي خالتي مسويه لك سلطة فواكة يلا
وقفت غسلت وجهها مسك يدها يطلع يسندها جلسها على الكنب جلس جنبها يحاوط كتوفها أعطته مهره صحن السلطة جلست تسولف مع جواهر كان ياكلها اشرت جواهر :مودي خلاص شبعت
محمد بهتمام : لا لا جوجو باقي لقمتين أكليها يلا
فتحت فمها يأكلها خلص حط الصحن يصفق : شطورهههه
ضحكت تبوسه بخده : احبك
ابتسم : اعشقك
مهره ضحكت على منظرهم
مرت اشهر بين عناد جواهر مع محمد وصلو لنهاية الشهر الثامن بأيام
كانو نايمين صحى محمد يشوف الساعه انصدم اقترب لجواهر يهمس لها : جوجو قومي حبي تأخرنا
فتحت عينها : على ايش
محمد : ملكة فهد و ورد
رفعت نفسها بحذر تمسك بطنها : طيب بقوم الحين
حست بألم غريب : محمد
ناظرها : وش فيك
جواهر بتعب : مدري بس ألم غريب
محمد : كل يوم كذا تقولين
جواهر : طيب خلاص ساعدني
ساعدها محمد على الوقوف بدت تتجهز وكل شوي تجلس ترتاح كان يساعدها بقدر المستطاع خلصت بدأ هو يتجهز خلص سحبته للمرايه : عارفه وش ابي
محمد ابتسم : صوره كل بداية شهر ونهايته عقبال الصوره الجايه حُب معنا
ضحكت تاخذ صوره سحبت عبايتها تلبسها طلعت هي ومحمد ركبو السياره يتحرك
ناظرته : محمد ليه ماحملت بدالي
محمد يناظر بصدمه يضحك : خلاص ان شاءالله المره الجايه احمل بدالك
ناظرته برفعة حاجب : اي اضحك على عقلي تعال شيلها من بطني حطها ببطنك
حط يده على بطنها : جوجو حبيبي عدي اليوم على خير
كشرت : يعني أنا نكديه واغرب كل ايامك صح
مسح على بطنها : على فكره ماقلت كذا انتي احلى اضافه بحياتي وأيام
جواهر سندت راسها على الشباك تحس بألم بس تتحامل على نفسها
