بسم الله
رند حطته بالشنطه اخذت جواهر أغراضها وراحت على بيت عزيز دخلت الصاله الي متوجده فيها غرفتها وقفتها شروق وهي تسألها : جواهر شفتي محمد تحت
جواهر ردت عليها : تعالي بقولك شي
سحبتها لغرفتها وجلستها على سريرها وقالت لها : اول شي اهدي وثاني شي هو بخير
خافت شروق : شقصدك فيه شي
جواهر تطمنها : صار له حادث وهو بخير اخوي سلمان متواجد معه
شهقت شروق وبدت تبكي من خوفها حضنتها جواهر وهي حاسه بغيره عليه لكن مالها حق تجرح بنات الناس عشانه
جواهر: ممكن تهدين وصح بسألك عادي ؟
شروق ردت : اي عادي
جواهر بتفكير : عمك هرب ؟
ردت شروق بتوتر : آخر مرا كلمته قبل كم شهر قال انه واحد من العسكر هربه بنفس الوقت الي مسكتيه فيه
جواهر : اسمعيني تقدرين تتعاونين معي ؟
ردت شروق : اي تعذبت بسببه ابي أتعاون معك جد ياجواهر بس تكفين احمي دلال معليك مني
جواهر استغربت : ليه وش بيسوي
تنهدت شروق والخوف يمتلكها : اكثر من مرا حاول يقتل دلال ومحمد عشاني مارضيت اقتل ابوك وامك
جواهر بخوف على امها وابوها : حاولي تتواصلي معه والعبي عليه وخليه يجي البيت هنا وقتها امسكه تمام
هزت راسها شروق وناظرت جواهر وكلمتها : ابي اطلق من محمد وأبيك ترجعين له ماني مرتاحه معه ابداً
جواهر ترد : لا يشورق ما ابي ارجع له
مسكت شروق يد جواهر : أنا ابيك ترجعين مو بكيفك
جت بتتكلم جواهر سمعت صوت هدير الي تصرخ وقفت وتفكيرها بسلمان فتحت الباب وركضت لمصدر الصوت دخلت بخوف : وش فيهههه
ردت مهره : محمد صار له حادث
تنفست وتكلمت : ادري ادري امنعونا عن الصراخ المفاجئ
تقدمت هدير لجواهر : ليه ما قلتي ها ليه ولا فاضيه تحبين غيره وتعذبينه قولي ياجواهر
انصدمت جواهر من الربط ضحكت : اي احب غيره ولا كتب علي ومتزوجته
ضربتها هدير : تعترفين بعد من هو تكلمي
لفت جواهر وراحت لغرفتها وهي تسمع مهره تناديها دخلت غرفتها وقفلت الباب دقت على فرح
فرح : هلا جواهر
ردت جواهر : فهد صاحي و لقى جواله
فرح بستغراب: اي ليه
جواهر : قولي ظلام طايح بمصيبه مع اهله
فرح : تمام بغيتي شي ثاني
جواهر : لا يعطيك العافيه معسلامه
فرح : معسلامه
قفلت ولفت على فهد : ظلام طايح بمصيبه
أنصدم فهد اشر على جواله : هاتي جوالي افتحيه اتصلي عليها واعطيني سمعتك
هزت راسها وسوت الي طلبه حس فيه محمد و قال لسلمان : السالفه عن اختك تصنت عليه وفهمني معك
سلمان : شدخلني جواهر مصايبها ما تخلص تبيني اخذ ذنب على الفاضي
فهد يكلم جواهر منصدم من الي سوته : غبيه ياجواهر الحين من وين اجيب لك واحد ولا اقول قولي أنا زوجك
شهقت جواهر : فهد انهبلت لا اتزوج عطيات وانت لا انكبك مع امك وخواتك
تكلم : وش اسوي بعدين عزام ماوراه شي ندبسه بالموضوع
جواهر : مابقي إلا عزام من اول قفى يعترف
ضحك فهد : وش اسويلك ازوجك حامد فاضي وعزابي اكبر منك ب سنه كذا
جواهر : ايواااا جبتهاااااا موافقههه بس ترا تمثيلللل وقوله كذا
ضحك : ابشري اكلمه وارد لك خبر بس كيف بتمثلين قدامهم
جواهر : شيخ عقد قرآن بعد مده طلاق خلاص
فهد : لو مارضى يطلقك الخفيف
جواهر : خلع عادي
فهد : خلاص بقفل ونامي وبكرا نتمم الموضوع
ضحكت جواهر : واضح بجننهم لكنهم يستاهلون
خاف من تهورها : جواهر هذي آخر مرا اساعدك تمام
ردت بعدم اهتمام : تمام يلا اجل معسلامه
قفلت وانسدحت على سريرها وهي تسمعهم يتجادلون اغلبهم دفاع عنها والأغلب ضدها تنهدت وفتحت شنطة اليد حقها وناظرت دبلتها حطتها بيدها وقعدت تفكر شوي نامت بعد تفكير طويلل
يتبع
