بسم الله
طلع وعيونه محمره مسكه عزيز : ليه تسوي فيها كذا انت قد الي سويته كيف تدخل عليها كذا وهي طلقيتك ومانعني ادخل على بنتي ليه !
محمد بقهر : ما منعت احد هي منعت من عندها وانا دخلت ببطاقتي اظهرها ويدخلك لا تتعب نفسك تكلم بسلطتك مو بكلام اب
هدير عارفه محمد معصب سحبته : ماراح تطلع من هنا إلا معي سمعت !
محمد بغصه يبي يطلعها بأي طريقه : يمه مقدر يمه تكفين خليني اطلع دخلت البنت في مشاكل هي غنى عنها عذبتها كل الي يصير لها بسببي
جلست هدير على الكراسي وجلست على ركبها مسكت يده : ياعين امك انت كل شي مكتوب صح غلطت بس ماكنت عارف انها بتاخذ جوالك تسحب المعلومات كلها اسألك ياعين امك جوالك الاساسي ولا الثاني
محمد دمعته تنزل استغرب من سؤال امه : لا الثاني
تنهدت وهي تحمد ربها : الحمدلله ما اخذت الاساسي ترا ممكن تنكبك شروق وترسل كل شي لعمّها
خرجت الممرضه : المريضه مو موجوده ولا له اثر هل احد منكم اخذها من الغرفه
انصدمو كلهم لفو على محمد
عزيز بعصبيه : وين بنتي تكلم وين اخذتها كيف تتجرا تاخذهااا !
محمد بتشتت وخوف عليها : ما اخذتهااا كيف طلعتتت من الغرفه مدري كيف أنا طلعت وهي تبكي وطردتني
وصلت رساله بجوال مهره من بنتها صرخت بخوف عليها : جواهر ما تسويها وتهرب مستحيل
سحب محمد الجوال بدأ يقرأ الرساله محتوها : مهرتي عيون بنتها تكفين لا تظلمونه أنا بقرارت نفسي اني ابعد فتره مدري تكون طويله قصيره وقت ما ارتحت رجعت مع السلامه استودعتكم الله ...
عند جواهر الي اتصلت على فهد : تمت طلعت من الغرفه اخذت سياره وين ألقاك ارسل الموقع
فهد يحاول يرجعها لعقلها : منجدك ظلام متاكده من الي بتسوينه بتبعدين عن اهلك ترا الأمر مو سهل
جواهر : اقدر ولو ما قدرت بقدر اهم شي مايشوفون ضعفي
فهد ارسل الموقع : توجهي عندي ونشوف الوضع
فتحت الموقع للسواق بخوف منه تحسه مو طبيعي وصلت الموقع نزلت عرفت انه بيت فهد وخافت منه
اتصل عليها : وصلتي
خافت : اي فهد هذا بيتك مقدر ادخل بكلمك من برا وأسلم عهدتي واخذ الجديده وانصرف
ضحك : لا تخافين امي وخواتي بالبيت اتطمني وبخلي وحده منهم تدخلك وبيكونو موجودين
انفتح الباب وسمعت صوت انثى : تفضلي
ردت : زاد فضلك بيت فهد ؟
ردت اخت فهد : اي تفضلي استخبارات ظلام
دخلت وهي خايفه اتطمنت يوم شافت اخواته وامه
جلست بالمجلس وهي تفرك يدها خوف وتوتر
تكلمت ام فهد : يلا هلا ومرحبا جواهر لا تخافين اعتبريني امك
