بسم الله
سبحان الله
مرت 7 ايام من توتر جواهر وحزنها انها بتفارق مهره كانت تجهز شنطها بحزن وكل ما شفت مهره بكت بحضنها قبل الزواج طلعو مع بعض يصنعون ذكرى لهم ويحتفلون رجعو البيت وكل واحد راح ينام
صحت جواهر على همس محمد : جوجتي يلا قومي
فتحت عيونها بتعب : اوف محمد وش تبي
ابتسم : ما ابي شي بس قالو اصحيك عشان تروحين تجهزين ونروح القاعه قبل المصوره
رفعت نفسها تحاوط عنقه وهمست : اخيراً بنعلن للكل حبنا
ابتسم يبوس خدها : الحمدلله الي حقق احلامي معك
وقف يشيلها معه : يلا خذي شاور على بال ما اروح الحلاق واجي تمام
نزلها على الارض : تمام
دخلت دورة المياه ( اعزكم الله) وهو طلع كانت تشوف نفسها بالمرايه مبسوطه تنط من وناستها وترسل قبلات لنفسها اخذت شاور طلعت تغني : والله وتحقق منايه شوفو حبيبي معايا
ضحك محمد : رحت وجيت توك تطلعين
ابتسمت : مو عروسه لازم ادلع
وقف وهو يبتسم حضنها : عروستي وحلوتي يلا اجهزي اوصلك الصالون
هزت راسها برفض : لا ما بروح حجزت وحده مع خالاتي بتجهز هنا وبعدها نروح
باس راسها : على راحتك متى ما خلصتي دقي علي اجي اخذك نروح القاعه تمام
مسكت أياديه : تمام يلا روح المجلس تلقاهم حايسين
محمد : استودعتك الله انتبهي لنفسك الين اجي
جواهر : خلاص روح ملزق
ضحك وطلع من الغرفه طلعت فستانها الي بتلبسه وقت التجهيز ابتسمت ولبسته صورت فيه كم صوره طلعت لخالاتها استغربو تكلمت هدير : ماراح تروحي الصالون
هزت راسها : لا حابه انبسط معكم هنا وصح ترا امس خليت محمد يشتري سماعه كبير عشان نشغل اغاني ونستانس
وقفت مهره تحضن بنتها : مبروك ياعيون ماما
حضنت امها : خلاص ماما تبيني ابكي
ابتعدت وسألتها: متى مسافرين
جواهر ردت : ان شاءالله بكرا نجيكم وننام عندكم واليوم الثاني بنمشي من هنا على مدينته
مهره استغربت : ماحجزتو سفره لدوله
جواهر : مو حابه يكفي ببعد عنك
سحبتها رند تجلسها عند الميكب ارتست : خلاص يكفي حب وحنان اخلصي عشان المصوره على الساعه 5 بتكون بالقاعه
تأففت : لازم اروح بدري
صفقتها رند على راسها : متى بتروحين
جواهر تحط احتمال : 10 او 9
رند اشرت للميكب ارتست تبداء : اسكتي واخلصي
سحبت روايد السماعه تشغلها كانت جواهر مبسوط وتصور كل لحظه معهم خلصت مكياج راحت تسوي شعرها وعيونها بدت تدمع قربت مهره تمسح دموعها : وي وي وش فيك
جواهر بغصه : ما ابي ابعد عنكم عارفه اهل محمد بعيدين عن هنا وعن خالاتي وش اسوي
مهره حضنتها : عادي ياعيوني ادق عليك وهدير ما بتقصر معك وعمك عبدالله
ابتسمت تناظر مهره : ماما متوتره خايفه حاسه في شي بيصير ما ادري وش الله يستر بس
حضنتها : توتر بس مابيصير شي ولا تخافين محمد ما بدلناه
ضحكت جواهر بدت تسوي شعرها تناظر جوالها الي امتلى رسايل محمد من ستريكات فتحتهم وقعدت تضحك على توتر سلمان وبرود محمد سمعت رند صوت سلمان : سوسو صح
هزت جواهر راسها : اي تعالي شوفي متوتر اكثر من العريس
ردت رند وهي تضحك : أنا وهو متوترين اكثر منك انتي ومحمد
جواهر بتوتر قفلت جوالها : رند أنا خايفه مو متوتره خايفه ما ادري وش بيصير الله يستر وتعدي الليله على خير
رند : نكد يمشي بدمك مو خوف استأنسي بس
ابتسمت تحاول تستأنس معهم خلصت شعرها وراحت تشوف المرايه مسكت الطرحه سألت : ما اقدر أشيلها وبالقاعه اركبها
مهره : لا خليها الحين دقي على محمد وخذي رند وسلمان يساعدونكم دامهم خلصو معكم
رند سحبت فستانها : اي أنا رايحه كذا ولا كذا ومرا وحده بلبس فستاني هناك
جواهر لبست عبايتها ورمت الطرحه حقت العبايه على وجهها نزلت تنادي محمد طلع سألها: ليه ما اتصلتي
ردت : مو لازم قدني نزلت يلا قول لسلمان يلحقنا هو ورند
محمد هز راسه : تمام
دخل يكلم سلمان ورجع لها ساعدها يرفع الطرحه عن الارض وتكلم : جواهر الطرحه لونها ابيض خايفه تتوصخ ليه ما ركبتيها بالقاعه
جواهر منكوبه من الطرحه وفستانها الي لسى فوق : ماما قالت لا وبعدين اطلع جيب الفستان من فوق نسيته
ناظرها بصدمه : ناسيه فستانك
هزت راسها : اي من التوتر
ضحك وطلع يجيب الفستان ركب بالسياره وتحرك وصلت الساعه 4 ودخلت مع محمد وشافت سلمان ورند واشرت لهم يدخلون معها وصلت غرفة المخصصه لها وفي صاله كبيره مخصصه لتصوير ابتسمت : زي ما ابي
حضنها محمد : باقي ساعه على ما توصل المصوره تبين اجيب اكل
هزت راسها : لا احس ما يحتاج
ابتسم : يحتاج بروح أنا وسلمان نجيب لك انتي ورند عشان ما تطيحون
تكلمت وهي تشيل العبايه : تمام روح
طلع سلمان و محمد
رند تقدمت لجواهر : وين شنطة القاعه
اشرت جواهر على شنطه : هناك
فتحتها تطلع الاغراض وترتبها : عشان ما تصير حوسه خلينا نرتب وين الدبل
جواهر : وحده بيدي والثانيه بيد مودي
رند ضربت على جبينها : والي اشترينها للتصوير
حكت جواهر راسها : نسيتها
رند مسكت راسها : لا اله إلا الله من جدك جواهر الحمدلله ما نسيتي نفسك كل ذا خوف ترا محمد مو احد غريب
ضحكت جواهر : ادري محمد بس مدري نسيتها حتى الفستان كنت بنسى عنه
رند جلست على الكراسي : الله يارب تعدي ذي الليله على خير
قعد يجهزون ويسولفون دخل محمد وسلمان وهم يتناقرون
ضحكت جواهر : وش فيكم بعد
سلمان بعصبيه : قلت له بعد الزواج بآخذك وهو رافض
محمد برفعة حاجب : وين عايشين تاخذ زوجتي
ضحكو جواهر ورند على سببهم التافهه
ناظرها بعصبيه : ما يضحك من جد جواهر ترجعين معنا البيت وانت دور لك صرفه
جواهر ردت : سلمان والحجز الي دفعته
سلمان : عادي أعوضك غيره
حضنته : بس اليوم بكرا تلقاني عندك عشان العشاء الي بيسوي عزيز
بادلها الحضن وهو يدمع : حلو ذي اقعد اصفق فيك طول السنين ويجي محمد يتزوجك بارده مبرده اصفق مين بعدك
محمد بعده عن جواهر وهو يمد لسانه : اخذتها منكممم
سلمان عصب قربت رند تحضنه : بزر زي زوجته معليك منه
سلمان ناظر رند يحضنها : اتفق معك يقهرون المهم معلينا منهم تعالي وريني كشختك
ضحكت جواهر : توك كنت معصب
سلمان ناظرها :معكم اي مع رنودي لا
محمد يسحب جواهر : روح اكل مع رندك أنا باكل مع زوجتي
دخل يحط الاكل على الطاوله
جواهر : محمد ما ابي مالي نفس
سحبها يجلسها على رجله : بتاكلين وانتي ما تشوفين الدرب
فتح الاكل : تاكلين بنفسك ولا اكلك غصب
ردت مكشره : ما ابي اكل
بدأ ياكلها وهي رافضه : لا تعانديني اكلي
تقبلت وبدت تاكل من يده بعد ثواني : شبعت
هز راسه برفض : لا والله عصفور ياكل لقمتين ويشبع اكلي بس
اكلها وهي متغصبه على الاكل بعد بمده قصيره : عافيه على قلب حبيبتي
باست خده : يعافيك
اشر على ثغره : مرا ثانيه هنا
وقفت تمد لسانها : احلم
وقف يسحبها : خليني احقق الحلم
اقترب يقبلها ارتجفت وهي تحس بأنفاسه تضرب وجهها حاولت تبعده بكفوفها الي على صدره بس قوته اكبر قبلها بعد رفض كثير منها حست بفراشات تملى قلبها انقطعت انفاسها مسكت تشيرته تشد عليه تطلب انه يبعد
دخلت المصوره عليهم ورجعت لوراء تقفل الباب شدت اكثر ابتعد وصارو ياخذون انفاسهم تكلم بابتسامه : حققت حلمي ولا ما حققته
تأففت : اوففف قليل ادب الحين من وين لي روج اعدل الحوسه ذي
حاوطها : اسف بكلم رند تتصرف
رفعت نظرها : كلمها و تراك طولت زياده حاول تخفف طول
ضحك : انتي القصيره ياحلوه
سمعت صوت رند : قلنا بالبيت عادي قدام المصوره
التفت جواهر : وشو
رند : ما حسيتو بالمصوره دخلت تكلمك وشافتك انتي ومحمد
جواهر انصدمت مسكت وجهها بإحراج وتكلمت بعدها : يليللل رند دبري لي روج
رند ضحكت : جبت روجك احتياط عارفه محمد قليل ادب
جواهر ناظرت محمد :وانت الحين كيف امسح الي بشفايفك
رفع كتوفه : مدري
ابتعدت تاخذ مناديل تسألها : جبتي مزيل المكياج حقي
رند اشرت على الشنطه : اتوقع اي يمكن هناك
فتحتها واخذت المزيل قربت وقفت على اطراف أصابعها عشان تمسح الروج حاوط خصرها يرفعها له مسحت الروج : لا عاد تعيدها
ابتسم : أشوف بعدين
تكلمت : نزلني
نزلها وابتعدت : رند نادي المصوره
راحت رند تناديها دخلت على جواهر وهي تمسح روجها وترجع تحط محمد كان يتأملها تكلمت جواهر : وش تبي تناظر
ابتسم : انتظرك تخلصين عشان احوسه مرا ثانيه
خلصت رفعت نظرها وشافت المصوره : هلا مصوره غلا متى وصلتي
غلا تنزل الكاميرات ومعها طاقمها : لي ربع ساعه هنا
محمد ناظر جواهر وهمس: مو وقتها تجي الحين
أبعدته جواهر : نبدأ تصوير
غلا هزت راسها : يلا
بدت تتصور مع محمد اتجهت تلبس الفستان انكبت بالحبال الي وراء تحاول تربطها تأففت : محمد ناد رند تساعدني تربط الفستان
دخل محمد : ليه رند
شهقت : محمددد
مسك الحبال : ترا عادي
ساعدها تربط الفستان تكلمت : خايفه يطيح شده اكثر
محمد بخوف : خايف جروحك تعورك ولا تنكتمين
جواهر ابتسمت : عادي ماراح اتعور ولا انكتم شده اكثر
شد محمد الفستان وربطه : كذا تمام
هزت راسها : ايي تحس لو اخذت منفوش زي العرايس كان احسن
تكلم وهو يساعدها : لا ذا حلو و بكثيررر كيف ماسك على خصرك ما احلو إلا عليك
ابتسمت وطلع يتصورون وهو يستغل التصوير عشان يقرب لها رند كانت تساعدهم وتعطيهم وضعيات جواهر كانت تناظر رند بحقد وتكلمت : قسم لوريك بزواجك
ضحكت رند : عادي متعوده على قرب سلمان
خلصت تصوير مع محمد وصلو اهلها وصحباتها بعدها المعازيم خلت رند تنادي خالاتها وعماتها تتصور معهم
اخذت صوره لذكرى معهم ونادت صحباتها وبعدها امها وهدير كانت مبسوطه
دخلت مهره تناظر بنتها : اميره
ناظرتها جواهر : طالعه على مهرتي صح هدوره
هزت هدير راسها : اي يا حظ محمد بس
اخذت صوره معهم وطلبت من امها تنادي عزيز وأخوانها وبعدها هدير تنادي محمد وعبدالله
نادت مهره عزيز وعيالها دخلو وهم يناظرون اختهم بحب تكلم عزيز : عشت وشفتك عقبال ما اشوف عيالك
ابتسمت لابوها وقالت له عن سلمان ضحكو عليه
تكلم سلمان : ترا اختي اكيد بخليها ترجع معنا البيت صح
تكلم مسلم : أختنا صح بس خلها تروح مع زوجها
ناظر سالم لسلمان : نخطفها من محمد
ضحك عزيز : مهابيل
جواهر اخذت صور كثير معهم و شرحت لهم كيف تبي الزفه هز روسهم : ابشري كم عندنا جوجو
ابتسمت وهي تحضن كل واحد فيهم طلعو وراحت مهره لهدير : نادي عبدالله ومحمد جواهر تبيكم
هدير طلعت ودقت على عبدالله ومحمد دخلو
عبدالله ابتسم وقرب يبوس راسها سحبت يده تبوسها تكلم : الف مبروك يا بنتي
ابتسمت تناظر لمحمد : يبارك فيك يا احلى عم تعال ابي صوره جماعيه
وقفو جنبها يتصورون طلع بعد مده من عندها جلست بالغرفه تلعب بجوالها تقدمت المصوره تعطي جواهر اللابتوب: تفضلي هاذا العرض قبل الزفه
نزلت جواهر جوالها تتفرج للعرض ابتسمت وهي تشوف صورهم وهم صغار و سو نفسها وهم كبار كانت تبتسم وعيونها تلمع تكلمت المصوره : ما اتفقنا يا عروسه
مسحت دموعها : تسلممم يدك على التصوير والعرض يجننن
حضنتها جواهر وتكلمت غلا : ماشاءالله جمالك هو الي ضبط التصوير وحبكم الي واضح بالصور
جواهر ابتسمت : ياعيونيي من ذوقكك والله
بعد مده رنت رند على جواهر : اسمعي كلمي اخوانك وابوك ومحمد بعد 10 دقايق يدخلون بنعرض العرض وبعدها الزفه تمام
ردت جواهر : طيب الحين
دقت على محمد تعلمه
بعد العرض دخلو اخوانها بزفه خاصه لهم وبعدهم دخل محمد وقف على المنصه معهم توترت جواهر مسك يدها عزيز : يلا ننزل
جواهر بتوتر : لحظه اصبر خايفه اطيح
ابتسم : معليك ما بتطيحين بس توتر يلا
مسكت المسكه بيد و يد عزيز بيد أعطت رند جوالها اشتغلت الاغنيه الي بتنزف عليها نزلت مع ابوها بتوتر ابتسمت وهي تشوف محمد مبتسم كانت المصوره تكمل تصوير الزفه وصلت لمحمد مسك عزيز يدها يحطها بيد محمد تكلم : بنتي امانه برقبتك وان فكرت تزعلها رجعها لي
اشر محمد على خشمه : على ذا الخشم ابشر باذن الله ما أزعلها
باس راس عزيز وابتعد قربت جواهر تبوس راس ابوها طلع عزيز مع اخوانها مسك محمد يدها يطلع لعند اخوانها ابتسمت اكثر وشافت دموعهم حست بغصه وقفت بالوسط بين اخوانها وابوها ومحمد اخذت صور معهم طلعو اخوانها وطلع محمد لفوق رقصت شوي مع اهلها وطلعت
