بسم الله
جواهر : تعرفون ليه جمعتكم
ردت لينا : مصيبههه
ريتان : شكلها كذا صح جوجو
جواهر بضحك : لا بنرجع ايام الثانوي بس بمهمه
ردت رند : لو ادري ذا الموضوع المهم كان قعدت مع سوسو
ورد ناظرتها : مين سوسو وحده جديده بالعائله ماعملتني عنها جواهر
ردت جواهر : اخوي سلمان تزوج رند
ضحكت ورد : افااا سلماننن صار سوسوو
جواهر بخيبة امل : شايفه الدنيا كيف تسوي المهم نرجع لموضوعنا
ريتان : بنات مالي دخل لو كان في مكان على الجدار اني ابي اجلس فيه
ضحكت جواهر : بصدمك زياده ترا بنفس الفصل ونفس معلماتنا الي درسونا زمان
لينا تحمست : الله اشتقت احس وناسههه يارب جولاتنا معنا
هزت جواهر راسها : اكيد كيف فهد بيتواصل معنا
بدأ الضحك والسوالف ورند تعلمهم ايش صار قبل يجون ضحكو على وجه جواهر الي حمر من كثر الحياء رمت على رند المخده : امك رحمه وخالتك مهره وش نتوقع
ضحكت رند على جواهر : شف شف من يستحي ترا محمد طايح على وجهه بس انتي تكابرين وزياده واضحه بعيونك مكابرتك صديقيني طايحه معه
تأففت جواهر : ممكن نسكر على سيرته تجيب القرف
هزت راسها رند : طيب خلاص لا تبكين شرايكم نطلع الحوش سلمان ومحمد بالمقلط ماراح يطلعون
جواهر بحماس : قداممم اصلاً الجو غايم واضح بيجي مطر شرايكم منها نقعد الين يجي مطر ونلعب فيه
وافقو على رأي جواهر ورود طلعو يتسابقون ويضحكون مع بعض وصلت جواهر قبلهم
لينا : غشاشههه عشانك استخبارات تعرفين تركضين بسرعه
ريتان صفقت لينا على راسها : شدخل مدري كيف صرتي دكتوره نفسيه
ناظرتها لينا : قدها
ريتان تستفز لينا : اي قدها وقدود وش بتسوين
بدت ريتان تركض و وراها لينا طاحت جواهر من كثر الضحك عليهم و ورد تحاول تبعدهم عن بعض : أطفالللل اقسم بالله قلنا بنرجع ثانوي مو ابتدأئي
لينا : طيب شوفيهها
زاد ضحك جواهر وتحاول تتنفس : اهخخ خلاص مقدررر بطني
قومتها رند من الارض : غبيه لا تضحكين كذا تتعبين
جواهر وقفت مع رند : لا تخاصميني هم الي ضحكوني
جلست على الكرسي تحاول تتنفس جتها ريتان : هااا وش فيك الحين
اشرت جواهر انها انكتمت ومو قادره تتنفس
ريتان بخوف : طيب حاولي عادي تصير لا تخافين
ورد خايفه على جواهر : انادي محمد يوديك الوحده الصحيه
اشرت جواهر برفض حطت يدها على صدرها تحاول اكثر اخذت نفس بسيط ورجعت تكرر الين تنفست وحست بدوخه وخشمها نزف خافت رند : جواهر وش فيك
هزت كتفها : مدري رند جيبي مناديل بسرعه
جابتها وبدت تحاول توقف نزيف خشمها وتكلمت : احس بدوخه مدري وش سببها
رند بخوف : قلتلك لا تضحكين كثير كذا بروح انادي محمد ولا سلمان
جواهر : لا لا محمد ولا سلمان معليك بتروح ما ابي احد منهم
سمع محمد جدالهم وناظر سلمان : وش مسويه ام المصايب
ضحك سلمان : حرام عليك اختي ام مصايب تلقاهم يتناقشون في شي تافهه
محمد : إذا شي تافه ليه يرددون اسمها
خاف سلمان : لا يكون صاير شي ؟
محمد بعصبيه : شايفني جالس معهم وش يدريني دق على رند شوف
سلمان يدور جواله : جوالي بالسياره
رمى محمد جواله : خذ جوالي دق على اي زفت
سلمان : بدق على حياه منها تغازلك آخر الليل
محمد عصب : لا تدق عليها هات أنا بطلع
عند جواهر بدت تفقد وعيها حاولت تركز وما تفقده ناظروها بخوف رند توجهت لداخل تاخذ شراشف صلاه ورمتها على البنات : اسفه جواهر هاذا آخر حل
راحت للمقلط دخلت : سلمان محمد اي زفت فيكم يشوف جواهر وش فيها
محمد خاف من كلامها ركض ناحية جواهر جلس قدامها : وش فيك ؟ اكلتي ضربتي راسك بمكان وش فيك ليه دايخه
حاولت تبعده : مافيني شي
رد محمد : عنادك وبعدك ما يفيدك تكلمي وش فيك
جواهر تعاند : خليني بحالي بقعد اعاند فيك الين اموت
لفت على ريتان : تقدرين تروحين لحياه تجيب كمادات من الفريزر
هزت راسها : طيب
مسكت نفسها عشان ما تفقد الوعي قدام محمد بس تبي تكابر وتبيه يبعد خاف اكثر عليها : جواهر حبيبتي صحتك ما تستاهل هذا العناد بطليه لو يوم
جواهر حست بهلوسه وكلام تطلعه بدون ارادتها فهمت لينا انها كتمت كثير وبدال ما تطلع حزنها عقلها سبب لها هاذا الشي
قربت منها : جواهر كم مرا قلت لك إلا الكتمان يحرقك من داخل تكلمي لو مع نفسك بس لا تكتمين
جواهر رفعت نظرها : لينا ما قدرت ولا راح اقدر ما اعرف أوصف ولا اتكلم
لينا : شوفي شصار كتمانك تحول لأذى بصحتك الله يستر
وصلت ريتان وحطت الكمادات على راس جواهر نزلت راسها وهي تدمع ماتبي تتكلم ولا تبكي
حس محمد فيها : على الي صار أنا اسف ولا بكررها وان كررتها بتكونين حلالي فاهمه
أنصدم سلمان : وش سويت
جواهر خافت على محمد من سلمان : قصده الي صار بالدرج ما يقصد شي
سلمان بحده : اسكتي خليه هو يتكلم
محمد : وش بتسوي يسلمان
سلمان عصب : لو ما تكلمت بذبحك مكانك سامع
محمد ببرود : تعال اذبحني ما بتعذب إلا اختك
حطت جواهر يدها على اذنها ماتبي تسمع شافتها لينا وتكلمت : روحو المقلط اذبحو بعض قدام جواهر لا ماراح تتحمل
انسحب محمد للمقلط وقف سلمان صوت جواهر : سلمان
سلمان بخوف : لبيه ياعيون سلمان فيك شي تبين شي
جواهر بغصه : تكفى ما تسوي لمحمد شي ولا تقرب منه ولا تهاوشه امانه
بأس راسها : ابشري بسمع كلمك ذي المره بس
توجهه للمقلط وجلس بدون كلام
جواهر وقفت تحاول تتوازن مسكت نفسها كثير حست بانهيار جلست على الارض افكار وذكريات سيئه بكت من ألمها وعذابها وذكرياتها الي تهاجمها
قربت لينا ترفع راس جواهر : طلعي الي بقلبك بدون لا تأذين نفسك تمام
اقتربت ورد تحضن جواهر : لو دريت انها السنتين بتغيرك كان دخلت بعينك وطلعت مكانك
جواهر تتكلم بقهر ودموع : ليه ما طلعتي مكاني ياورد أنا تعبت تعبت من كل شي مشاعري ما اعرف احددها ابيهه جنبي وبقربي وبنفس الوقت ما ابي اشوفه ما ابي قربه ماعرف وش ابي أنا مدري وش ابييي
ورد : انتي عارفه وش تبين بس تكابرين وكثيرر جواهر ما شفتي عذابه طول السنتين كيف كان بدونك هو يبيك بس انتي الي تكابرين
جواهر بعدت ورد : خلاص تكفين خليني أكابر يا ورد خايفه عليه خايفه عايض يكمل عليه ويعذبني زوددد تكفون خلاص لا تجيبون السيره خلوني اكتم ولا اتكلم تكفون
