بسم الله
سبحان الله
صحى محمد على صوت جوال جواهر ناظرها وهي نايمه ابتسم سحب الجوال شاف مهره تدق
رد عليها : هلا خالتي
مهره : متى ناوين تجون ترا طولتو مرا والمكان امتلى
تذكر محمد عشاء عزيز : طيب الحين اصحي جواهر ونجي
قفلت مهره المكالمه حط الجوال على الطاوله اقترب يحضنها ويمسح على شعرها : جوجو قومي تأخرنا
فتحت عيونها : على ايش
ابتسم يناظر عيونها : على عزيمة ابوك
جلس على السرير وسحبها انسدحت على صدره : مالي خلق
ابعد شعرها عن وجهها : يلا عاد قومي تجهزي
وقفت طلعت فستانين : ايت واحد
ناظرها : الاسود بس احسه مخصر بزياده
ابتسمت : عادي افضل انه مخصر
دخلت تاخذ شاور قعد يلعب على الجوال ينتظرها طلعت
ناظرها : خلصتي
هزت راسها : اي
دخل وهي استشورت شعرها سحبت شنطة الميكب تحط خفيف خلصت مكياجها انتظرت محمد طلع وهو يكلمها : وش البس
جواهر تلبس حلقها : ثوب إذا فيه اسود حلو نطقم
ابتسم : عندي
شافها تعاني مع سلسالها وأساورها : اساعدك
هزت راسها : اي تعال
رفع شعرها ولبسها سلسالها طبع قبله على كتفها
ورجع يلبسها أساورها وقفت : شكلي حلو
ابتسم : اكيدددد يجنننن وش ذا الجمال ياحظييي بسسس وربي فزتتتت فيكككك
حمر وجهها : مودييي
ضحك : عيونههه
توجهت تطلع ثوبه : البس
لبس ثوبه سألها : شوفي شماغي الابيض موجود
فتحت الشنطة : اي موجود امسك
لبس شماغه وناظرها : شرايك
ميلت راسها تحط سببتها على خدها : اممم وش ناقصك
طقت أصابعها : عطر
ابتسم لها سحبت العطر تعطره باست خده تكلم : احبك
ابتسمت : اموت فيك يلا تأخرنا
لبست عبايتها وكلمها : نشيل شنطننا ننام عندهم وبكرا نمشي ولا حابه تقعدين هنا
جواهر تقفل شنطة اليد حقها : اي شيلها نمشي من بيت اهلي
جمعت اغراضهم ساعدها قفل الشنط طلبو احد ينزلها نزل جواهر وركبها السياره : اركب الشنط ونحرك
ركب الشنط وركب السياره صورت يده وهي بيدها نزلتها
اخذ يدها يبوسها : تمنيتك ونلتك الحمدلله
ابتسمت سندت راسها على ذراعه غمضت عيونها بتعب : فيني نوم
محمد ضحك : نامي واذا وصلنا صحيتك البيت شوي بعيد من هنا
هزت راسها ونامت كان ماسك يدها ومبتسم لوجودها معه كل شوي يناظرها يعتبرها اعظم انجاز له
وصلو وقف السياره دخل يده تحت نقابها يحطها على خدها : جوجو يلا وصلنا
صحت وابعدت عنه سحب يدها يبوسها : يلا ننزل
هزت راسها : اي يلا
اخذت شنطتها اليد نزل وانتظرها مسك يدها دخل الحوش شافت لؤي يركض لها : ماما جواهر جاتتتت
احتضنته بحب : هلا بحبيبي
بأسها بقوه : اشتقت لك
ضحكت : كذاب امس كنت معك
هز راسه: لا كنتي مع محمد
محمد شاف الحوش اغلبه رجال همس : جواهر وقفي
باست لؤي و وقفت : وش فيه
ناظرت للحوش : ماكنت ادري
هز راسه : طيب عادي يلا ادخلك عند خالاتي
توجهه يطلع معها دقت الباب بدو خالاتها يغطروفون وشغلو اغاني مسكت يده بتوتر قربت مهره تحضنها : الف مبروك باذن الله تكون حياة سعيده لكم
ابتسمت : يبارك فروحك يا احلى ام
محمد قاطعهم : أنا بنزل
هزت راسها : تمام
ابتسم يأشر على ثغره فهمت وقبلته بسرعه زادة ابتسامته : انتبهي لنفسك
نزل محمد توجهت تحط عبايتها وتضبط شكلها دخلت تسلم على جدارها وعماتها وبعض من أقاربهم شافت البنات ركضت لهم تجلس بينهم
جواهر : ما وحشتكم
رند : لا والله البيت هدواء وراحه
جواهر كشرت : اسكتي بكرا بسافر والبيت بيصير هادي اكثر
ورد قاطعتهم : كيف فهد
ابتسمت جواهر : تبين اتصل عليه
هزت راسها ورد تكلم جواهر : تعالو غرفتي عشان ناخذ راحتنا
قامو مع جواهر دخلت دخلو وراها جلستهم رفعت جواله تتصل على فهد رد
جواهر : سلام عليكم يافهيد
ضحك : وعليك السلام ياجده وش بغيتي
جواهر : اطمن بس
فهد ابتسم : بخير الحمدلله انتي وكفيك و وردتي كيفها
ورد وقفت بحماس تبتسم ردت جواهر : أنا بخير ورد مو بخير زعلانه
ناظرتها ورد تأشر على نفسها وهمست ؛ أنا مو بخير
فهد بخوف : وش فيها لعنبو الي ضايقها
جواهر بشر : خطبو فيها ناس وافقت غصب وباقي شهر على ملكتها
ناظرت ورد بصدمه سمعت صارخ فهد : هاتي رقم ابوها قسم اني لأملك عليها الليله
جواهر ابتسمت : الحين ارسل رقمه
قفلت من فهد وارسلت رقم عمها ورد لسى مصدومه
جواهر حركت يدها قدام ورد : الووو هل ورد معنا
ورد مسكت أيادي جواهر : منجد فهد بيكلم ابوي
ضحكت جواهر تحضن ورد : اي ياوردته
ورد كانت مستانسه تنط وهي حاضنه جواهر : اخيراً ياجواهررررر الحمدللهههه
دخلت مهره عليهم : وش فيكم وش ذا الصوت
ورد نطت تحضن مهره انصدمت مهره بادلتها : يديم فرحتك ياعيوني وش صاير
ضحكت جواهر : قريباً تعرفونننن
بعدت ورد عن مهره : اخيراً اخيراً
مهره مافهمت بس دعت ربي يتمم فرحتها طلعت من عندهم تقابل هدير سألتها : وين جواهر
مهره اشرت على الغرفه : داخل ليه
هدير بحزن : جد محمد تعب ولازم نسافر الحين
دخلت مهره مرا ثانيه : جوجو
وقفت جواهر : عيونها
مهره بغصه : بتسافرون يلا
انصدمت جواهر وهي مو مستعده : ماما مسخنه محمد قال بكرا
دخلت هدير تلبس عبايتها : يلا جوجو لازم نتحرك الحين
جواهر حست بغضه :بس محمد قال بكرا
هدير قربت تحط أياديها على كتوف جواهر : جد محمد تعب لازم نتحرك يلا حبيبي سلمي على اهلك وخذي أغراضك
جواهر هزت راسها : تمام
اخذت شنطها الباقيه لبست عبايتها حضنت صحباتها ودموعها تنزل بهدوء قربت لمهره تحضنها بقوه وتنهار بحضنها : ماما ما ابغى اروح تكفين ما ابي بقعد عندك
حضنتها مهره بقوه تشد عليها : لازم تروحي مع محمد ان ربي كتب زرتك هناك انتبهي لنفسك تمام
هزت جواهر راسها : ط طيب ماما تكفين كلميني كل يوم ولاينقطع تواصلك معي
باست مهره خد بنتها : ابشري وتتذكري انتي مع محمد وان شاءالله يكون قد الثقه لو مد يده عليك او زعلك دق علي او على عزيز تمام
جواهر : تمام ماما
طلعت بعد ماودعت الكل بحزن نزلت شافت اخوانها وابوها يوصون محمد حضنت ابوها تبكي بحضنه اقترب اخوانها يحضنونها
تكلم سلمان بغصه : إذا الكلب محمد سو لك شي ونزل دموعك دقي علي
هزت راسها : تمام حبيبي
مسلم : ان شاءالله الجيه الثانيه معك ورع يناديني خالو
زاد بكى جواهر : ما ابي محمد طلقني
ضحك محمد : ماراح أطلقك كلها سنه جربي ويمكن نصها
سالم ضحك : مسلم بتكحلها عميتها اسكت جواهر حبيبي
انتبهي لنفسك ولا اوصيك مد يده مدي يدك وردي الضربه بمليون ضربه
ضحكت تأشر على خشمها : على ذا الخشم
حضنها وسلم عليها ركبت السياره وهي تبكي صح أبعدت سنتين بس كانت قريبه بنفس المدينه تشوفوهم الحين بتبعد لمدينه ثانيه ماتعرف احد ولا احد يعرفها
ركب السياره يسمع شهقاتها : ممكن تهدين
حرك السياره اخذ نص المسافه يسمع بكاها : جوجو خلاص طلعنا من مدينتكم خلاص يانظر عيني
ناظرت بعيونها المحمره : رجعني لأهلي محمد تكفى رجعني لهم طلقني وخلني معهم
وقف السياره بعصبيه من حالها استغرب عبدالله وقف وراه نزل محمد من السياره نزل و قفل الباب ضرب يده فالباب ارتجفت بخوف منه حاول يهدأ عشان ما يخوفها توجه لبابها فتحه وسحبها حضنها بقوه وقفل الباب : لا تحرقين قلبي عليك تبين ارجعك برجعك بس بدون طلاق سامعه
انهارت اكثر : محمد رجعني لاهلي تكفى رجعني ما ابي ابعد عنهم تكفى
عبدالله ناظر هدير : نتحرك ولا
هدير : انتظرهم واذا تحركو تحركنا
محمد يشدها اكثر : ابيك جنبي راضيه تتركيني لحالي
سكتت ومحمد حس بدموعها تزيد مسك دقنها يرفعه له : كلميني راضيه
سحب نقابها وطرحتها رماهم داخل السياره تكلمت : مو راضيه بس ابي اهلي ابيهم
ناظر لثغرها المرتجف سندها على السياره : جواهر لا تخليني أتهور
زاد بكاها : رجعني محمد رجعني امانه
حط كفه وراء راسها يتقرب لثغرها يسكت شهقاتها من البكي ضربت على صدره بس هو مكمل كانت تضربه عشان يبعد بس رافض البعد
