بسم الله
سحب جواهر وطلع الغرفه ناظرهم الكل بصدمه من الي قاعد يصير وجت ببالهم انه معها من امس
شهقت مهره : شتسوييي فغرفة بنتييي انت
ناظرهم ببرود وتكلم : زوجتي عادي في مشكله
ناظر جواهر الي نزلت راسها ومحمره من كثر الموقف وشهقت امها حست انها خانت ثقتهم رفع راسها بيده
ونطق : ما عمرك تنزلين راسك دامك زوجتي سامعه
طاحت دمعتها وشافها مسحها وهو معصب انهم شكو
سحبت مهره جواهر لداخل الغرفه وقفلت الباب بالمفتاح دق محمد الباب بقوه وهو خايف على جواهر من مهره
مهره وهي تجلس على السرير بصراخ : تعالي جنبي علميني ياجواهر بدون كذب ممكن متى دخل عندك ؟
جواهر وهي ترجف وكلامها مقطع من الخوف : أنا نايمه لقيت جالس على الكرسي حقي صحيت وقعدنا نسولف بسس
مهره بغضب : لا تكذبين قلت لك متى دخل عندك
جواهر وهي تفرك يدينها ببعض : مدري صحيت لقيته عندي
مهره : جواهررر لا تكذبيننن عارفه كذبتك امس وغزيل تشبكها ببعض وتفضحكم أنا خايفه عليكم
جواهر بدفاع عن نفسها : والله الي رفعها سبع ونزلها سبع اننا كنا نسولف مع بعض بس ذا الي سوينه وانتي تعرفين البلاء الي فيني مستحيل يماما
قربت من الباب وامها مشغوله بالكلام وفتحت الباب لمحمد الي دخل بعصبيه يسحب جواهر وراه
ويتكلم مع خالته : وش بتسوين يعنيي بجواهر لو لمستيها ما تقعد ثانيه عندك أنا الي جيت اسولف معها وانتم عقولكم ويننن طايرههه
ناظر جواهر : حبيبتي جيبي عبايتك ويلا
رفضت تطلع معه وبدو يتجادلون مع بعضهم دخل عزيز البيت وهو يتنحنح عشان يلفت الانتباه وقال : بدخل طريق
الكل توجهه يستر نفسه
هدير : ادخل يابو مسلم
دخل يتوجهه لغرفة جواهر الي صادره منها الصوت فتح الباب
وانصدم بوجوده وهو يدور سأله : انت وينك لي فتره ادورك
مهره وهي تكلم عزيز : ولا شي خليته يساعدني باشياء بالمخزن والحين طالع
محمد لف على عزيز : كنت عند زوجتي وخالتي أنا ماخليتك محامي خاص عني أنا ماغلطت ولا البنت غلطت
لف عزيز على جواهر : من متى كان عندك ؟؟
جواهر وهي ترفع راسها : م م مدري بس صحيت لقيته بغرفتي
لف عليه يسأله
محمد : من الساعه 8:30 ليه
عزيز بخوف على بنته : ما علي من الوقت طلعتو قدام غزيل
رد محمد : مدري ما انتبهت
مهره بعصبيه: اي و الاخت على طول ابتسمت لقت فرصه
عزيز سحب مهره تكلم معها بهدواء : عيوني اطلعي وبيني الوضع عادي ما صار شي وترا واثق فيهم
طلعت مهره وهي مطمنه عليهم
جلسهم وتكلم بهدوء : انتم مملكين والكل عارف بس المفروض لو كان عندك وسمعتي صوت غزيل لحالها معليك من الباقي ما خليتي يطلع أنا عارف وفاهم بس عقل غزيل وماشاءالله
قاطعه محمدة وتكلم : هل بمشي حياتي كلها بعقلية الناس وامشي وراهم ماراح نعيش ياعم ولا راح اعيش جواهر الحياه
الي هي تبيها
مسك يد جواهر وهو يطبطب عليها بحنيه : وجواهر ماكنت تدري بوجودي أنا جيت اتطمن عليها وقعدت عندها الين صحت و سولفنا شوي وبعدها قعدت تفكر كيف تطلعني بغت ترميني من الشباك
ضحك عزيز على تفكير بنته : بنتي حبيبتي حابه تذبحين الرجال وتصيرين أرمله
توجه لها عزيز وحضنها وهو يطبطب على ظهرها : لا عاد اشوف دموعك عارف بكل شي والحين بطلع وتفاهمو مع بعض انتي وهو تمام ياعيون ابوك
هزت راسها جواهر بموافقة طلع ابوها وهي ناظرت محمد وبعصبيه : شفت كله عشان قلت لك نط من الشباك واذا نطيت وش كان بيصير اللهم كسور خفيفه واذا كبرت ارتجاج عادي
ناظرها بصدمه : اجل إذا كبرت ارتجاج لا لا حلو اتفق مع فكرتك ياعيوني بس أنا غبي مدري كيف ما فكرت فيها المره الثانيه انط
صرخت جواهر : في مرااا ثانيههه بعد اقسم بالله لاذبحك ان شفتك عند باب غرفتي
ضحك على صرختها ويطمنها : لا لا معليك مدام فيها ذبح ماعاد بدخل الصاله الي فيها غرفتك عشان ما تذبحين
ضحكت ووقفت وسألته: نطلع ؟؟
هز راسه بموافقه وقف معها وسحبها وطلع والكل التفت لهم
تكلم لجواهر وهو يناظر فيها : صرتي مشهوره بثواني لو ادري جبت لهم كاميرات يصورونك هههه
جواهر ضحكت بصوت عالي وتضربه على كتفه : كلب من اول فيني ضحكه وابي اضحك اما كلامك تافهه !!
محمد بثقه : عارف اني الي ضحكتك ليه تنكرين ؟
قرصته بقوه وصرخ من الالم : اوففف منك ياجواهر مو معقوللل احترمييي اني زوجككك وحبيبيككك ممكن
ضحكت : رديت حقي سورييي
سحبها له : ما اخذ حقي منك يعني ؟؟
ضربته بعنف وهي تبعده وتتكلم برجفه : سمحت لك تحضني بس ما تتمادا معي وقلت لك صح ولا لا
رد وهو يقرب منها للمره الثاني : مو كل شي بمزاجك جواهريي
حاولت تبعده بس هو عاندها صرخت بخوف : لا لا تكفى طالبتكك لا تقرب خلها بمزاجي طالبتتتككك محمددد تكفىىى
بدت تترجى اسماء هو يعرفها وبعضها صدمه له
مسك يدها يسحبها للحوش الخلفي عشان محد ينتبه لهم
