بسم الله
عند جواهر صحت على صوت دق بالباب وسمعت صوته : جواهر إذا صاحيه ابيك بموضوع ضروريي
ردت جواهر وصوتها تعبان : اي صاحيه ثواني اطلع لك
محمد : لا تطلعين فكي الباب بكلمك واطلع
جواهر انصدمت : ها لا لا خلك عندك اطلع لك
محمد: مهمه سريه
تأففت جواهر : اوففف طيب طيب انتظر
قامت تلم شعرها وحطت الشأل على الكومدينه وسجبت عبايتها تلبسها لبست نقابها وفتحت الباب دخل محمد خلت الباب مفتوح استغرب : قفليه
ردت : لا حرام خلوه يكفي الي صار
جلس على كرسي الكومدينه وهي جلست على سريرها خايفه منه
محمد شرح لها المهمه وانهاء كلامه : نحتاج ورد و رند و لينا وريتان معك
استغربت : ليه
محمد : مافي كادر نسائي موافق على المهمه ونحتاج تعلمينهم على الاسلحه
جواهر : علمتهم قبل كذا يحتاجون تدريب بسيط
محمد : عارفه انتم الوحيدين معكم اسلحه ولازم تنتبهون زين
هزت راسها جواهر وتكلمت : تمام متى نبداء
رد : يمديك بكرا تبدين
جواهر : خلاص تمام تفضل بدون مطرود
محمد وقف لكن توجهه لباب قفله وقرب من جواهر الي خافت وبعدت : محمد تكفى لا تقرب امانه
مسك أياديها بحب : مالك نيه بالرجوع
بعدته وهي ترجف : لا مالي نيه لا تكرهني فيك تكفى
محمد قرب اكثر دفته : لا محمد امانههه ابعدد
انتبه للي سواه ابتعد : اسف اسف جواهر
ابتعد وهي ترجف : ليه تسوي كذا ليه
رد محمد وهو يبعد : جواهر أنا مدري كيف سويت كذا آسف
جواهر عصبت وتكلمت : اطلع برا يامحمد اطلع وصدقني انت بقربك ذا كسرتني كنت بوافق ليهه ليهه تكرهني فيك
رد محمد : اسف والله اسف جواهر تكفين مدري وش قاعد يصير معي احس فيني شي غريب حتى تفكيري تغيررر
ردت وهي خايفه يقرب : وش الي فيك يامحمد تكلممم عشان ابررلك الي سويته
محمد : مدري بس فيني تعب غريب
رفعت نظرها : فيك شي تكلم
محمد بتوتر : شاك برائد مو طبيعي الي يصير لي من بعد ما اخذت حبوب الصداع حتى يوم اجي ادخن اتعب زياده
انصدمت جواهر : من متى تدخن
محمد : جربت مع رائد بعد ما بعدتي تعودت عليه مو قادر اتركه
جواهر بخوف : محمد امانه ما عاد تاخذ منه شي ولا حتى منديل سامع و تكفى اترك الدخان
رد وهو يبعد ويفتح الباب : ابشري بحاول وآسف علي سويته
طلع وجواهر رجفتها ما وقفت توجهت تدق على البنات يجتمعون بس تذكرت ورد مسافره تأففت ودقت على ورد تشوف تقدر تنزل ولا
ورد ترحب : يأهلا ببنت العم ليه ما جيتي
جواهر استغربت : هلا بك وين اجي انتي الي لازم تجين
ورد ردت بصدمه : قولي والله عمي عزيز ما علمك
ردت جواهر : عمك آخر مكالمه يوم كنت بالمستشفى من بعدها ما طلعت من غرفتي إلا مرا وما شفته
ورد : اي مستشفى وش صار
جواهر تطمنها : ما صار شي أنا بخير المهم احتاجك بمهمه
متى بتشرفين
ردت ورد وهي تضحك : موجوده لي اسبوع او اقل مدري بس وش المهمه
جواهر : نرجع الثانويه مع بعض
ضحكت ورد : قداممم معك معك يابنت العم
جواهر : خلاص حضري عندي ودقي على البنات جمعيهم عندي ضروريي تجوني
ورد : طيب طيب بدق ونجيك جوجتي حبيبتي عادي اطلب طلب صعنون
