بسم الله
سبحان الله
سحبت جوالها نزلت تشيل حُب من عنده دخل المجلس وهي راحت لفوق دخلت البيت فزت مهره : وش صار
ابتسمت جواهر : خيطوه
مهره شألت حُب : عيون مهره والله ما أتركك ثانيه
جواهر ناظرت رند : شوي بطلع البلاستيشن تطلعين تلعبين معنا
رند مسكت راسها : مقدر جوجو راسي يعورني
قربت جواهر تسحبها دخلتها غرفتها : أدويتك وين
اشرت على شنطتها اخذت جواهر مسكن من شنطة رند :هذا بيفيدك اخذي منه كل ماتحسين بألم
رند اخذت منه شربت مويه تكلمت جواهر : إذا تبين تنامين نامي بغرفتي عادي
رند وقفت بالغصب : لا جوجو اصلاً توني صاحيه قبل ما اجيك بشوي
سندتها جواهر : تمام براحتك وين تبين تروحين
ابتسمت رند: بروح اجلس مع البنات برا انتي خلي محمد يطلع يلعب معكم ماراح العب
ساعدتها جواهر جلستها بين مهره وهدير : انتبهو لها
مهره بخوف من حالة رند : وش فيها
رند اشرت لجواهر : مافي شي بس مصدعه خلوها ترتاح شوي
هزو روأسهم جواهر دخلت غرفتها اخذت البلاستيشن وأربع يدات عشان يلعبون هي ومحمد ونايف وسلمان
أخذتهم حطتهم بالمصعد طلبت من العاملات يرتبون المكان لهم رتبو لها المكان ونزلو طلعت بالمصعد للسطح ابتسمت نفس ماطلبت اتصلت على محمد : مودييي
ضحك يسمع حماسها : عيوننن مودييي وكله امريني تدللي وش بغيتي
صرخت بوناسه: ييياييييي حيوان استحيت اسكت المهم تعال السطح واسحب نايفييي وسوسو معكك
ابتسم : ابشريييي كم عندي جوجو
ضحكت : وحده بس
محمد بحب : وحده ومافي زيها بعد الحين جايك
قفل المكالمه يعلمهم طلعو يتسابقون من يوصل اول ضحك محمد وهو يوصل قبلهم شاف جواهر معطيه الباب ظهره ضمها يشيلها : وصلتتتت لأجائزتيييي
جواهر صرخت : يمههه
ضحك كشرت : نزلني ياحيوان بزررر انت
شافت سلمان ونايف باقي يتسابقون : اقسم بالله بزرانن وش تسون
محمد نزلها يبتسم يبين عضلاته : باقي يتسابقون شرايك فيني وانا افوز عليهم
ابتسمت : شطورررر واحلىى معضلللل بعددد
قرب يبوسها قاطعه نايف يدخل بينهم : وفزتتتت على سلمانن
مسك محمد اذنه : انت وش تبي هنا انقلع
ضحكت جواهر : امشو نلعب بلا هواش
جلست صرخ محمد يركض هو ونايف من يجلس جنبها جلس محمد يمد لسانه : أنا وجوجووو وانت وسلمان
نايف ناظرها يضرب رجله على الارض: جواهر مالي دخل هو غشاش
ضحكت على منظره : لا خلاص مودي بيلعب معي بفريقي وانت مع سلمان
سلمان ناظرهم يجلس : اطفال المفروض أنا وهي نلعب وش جايبكم هنا
جواهر رفعت يدها : أنا جايبتهم
ضغط يبداء اللعبه ركض نايف يجلس ويلعب معه محمد وجواهر كانو متقدمين على نايف وسلمان الي كل شوي يتهاوشون
وقفت جواهر تنط : فزنااااا
ضحك محمد يشيلها على كتفه وهي تمد لسانها على سلمان ونايف قامو يلحقون محمد الي نزلها يضمها ويركض جواهر كانت تضحك جت العامله تنادي : ماماااا جواهر رندددد موتتت
نزلها محمد انصدمت تركض تحتت سلمان لحقها وقفته :خوات محمد خلك برا وبطمنك
دخلت شافتهم يصيحون قربت ترفعها : قومي رند اصبري بس ذي اليومين وترتاحين
اشرت لعنود : جيبي شنطتها داخل
ركضت تجيب الشنطه رجعت لجواهر فتحت شنطة رند طلعت احد أدويتها صرخت مهره بصدمه : لا لا يارندددد لا
جواهر فهمت انه هدير ومهره عرفو مرض رند : اصصص لا احد يعرف اصصصص
سكتو شربت رند أدويتها بدت تصحيها فتحت عيونها بتعب واضح مهره وهدير ضموها يبكون انصدمت تكلمت بتعب :ليهه ياجواهر تعلمينهم ليه
جواهر تحلف : اقسم بالله ما علمت ماعلمت
مهره قاطعت جدالهم : ورم دماغ صح رند
هزت راسها : اي ماكنت ابي
قاطعتها : نفس مرض خالتك الكبيره يارب تطلعين منه سالمه
جواهر انصدمت تشوفهم ينهارون بكي استفهمت : كان عندنا خاله اكبر من خاله ساره ؟
هدير بغصه: اي ماتت بسببه
رند انصدمت انهارت بخوف : لا مابي اموت لاااا ماودعت ماما ولا خواتي تكفين جواهر لا
جواهر نزلت لمستوها تضمها : لا رند لا تخافين تكفين انتي لا تخافين قوي نفسك بتهزمينه وتقومين تعيشين حياتك مع سلمان طبيعي كلها عمليه انتي بالمراحل الاولى ماراح يصير شي
رند منهاره ولا عارفه تتكلم خايفه تترك سلمان وحده بعد ماعاشو احلى ايام حياتهم سلمان ما استحمل دخل بدون كلام ابعد جواهر يضم رند : فيك شي حبيبي انتي بخير صح مافيك شي
جواهر لمت أدوية رند وحطت الورقه بالشنطه رمتها على مهره تخبيها اخذتها تحطها وراء حُب
كان يبعدها ويرجع يضمها مو فاهم سبب بكاءها ولا تعبها
ابعدته : سلمان تراني احبك انتبه لنفسك تكفى انتبه لنفسك
استغرب يمسح دموعها : قلتلي بتسافرين مع جوجو طيب عادي رووحي ليه خايفه حبي ليه
ناظرته بحزن على عدم فهمه : خايفه عليك بس مافي شي انتبه لنفسك احبك سلمان احبك
باس عيونها : اعشقكك ممكن ماتبكي مره ثانيه
رفعها ياخذها غرفته :نروح ننام شوي واضح عليك التعب
هزت راسها تحاوط نحره دخل الغرفه حطها على السرير رجع يقفل الباب رجع لها ضحك عليها وهي تدور توكتها طلع من الدرج الي جنب السرير صندوق توكات ناظرته بغيره : ولدد وش ذا تخونني
ضحك سلمان : لا حبيبي جبتها لك عشان إذا بتنامين عندي اعطيك
ابتسمت : احسببب لو فكرت بس بوحده بهدم الدنيا عليك ياحلو
ضحك يقرب منها : لا والله تبين احوس روجك وكلامك بعد
ابعدته تسحب الصندوق : اشوف اربط شعري احسن
ناظرها يتأمل تفاصيلها وهي تلم شعرها وتطلع خصل خفيفه من قدام حطت كفها على عيونه : في ايش ذايب
سلمان انسدح يسحبها : ذايب ف رندييي
ابتسمت تضمه جلس يلعب بخلصها وهي تفكر بعمليتها صدمته بكلامها : سلمان لو مت بتتزوج بعدي
ضرب فمها بخفيف : وش ذا الكلام خليني اسمعه مره ثانيه وشوفي وش بيصير
تنهدت : منجد سلمان لو م..
قاطعها يقبل ثغرها يسكتها لان سؤالها ازعجه
ابتعد اول ماحس بدموعها تكلم وهو ياخذ نفس : قلتلك وحذرتك ياويلك اسمعها مره ثانيه
مسح دموعها يطبطب على ظهرها : اسف رنودي
هزت راسها تغرس وجهها بصدره تنام وهي حاسه بمشاعر غريبه تضم بقوتها كانها بتعوض عن الايام الجايه وانها بتبعد عنه بمسافه قصيره لكن ماتدري يمكن تبعد لسنين طويله ومافيها رجعه
نام وهو يلعب بخصلاتها
