بسم الله
سبحان الله
طلع الدرج دخل الجناح جلس على الكنب : تعالي نتفرج فلم
جواهر : يلااا بس مو رعب تمام
محمد : إلا رعب ماراح يكون يخوف
هزت راسها : طيب بروح اسوي فشار
وقف : انتظري بسوي معك
دخلو المطبخ طلعت الفشار والزيت حطت بقدر وقفلت بعدت عن النار ضحك : ليه خايفه
جواهر مسكته : اخرا مرا انفجر بوجهي بس ماصار شي
بدت فرقعت الفشار ابتعدت زياده تقدم يمسك الغطاء مسكته : محمد انتبه
ابتسم : لا تخافين
قفل النار يطلع صحن للفشار يفرغ الفشار فيه تروح للثلاجه تاخذ العصيرات واخذت السنكات وضبطت جلسه حلوه
جلس يفتح حضنه : تعالي
جلست وهي مبتسمه بدأ يقلب على الأفلام شغل فلم رعب بدو يتفرجون كانت تغمض عيونها بخوف تكلم : أغيره
هزت راسها : لا عادي خليني نكمله
وصل لمشهد مرعب صرخت تحضنه بقوه : محمددد
ضحك عليها حس برجفتها : بسم الله جواهر ترا فلم وش فيك ترجفين
رفعت كتوفها : مدري يخوف
مسح على راسها : نروح ننام
هزت راسها : اي يلا
شألها ودخل حطها على السرير ينسدح جنبها : وش بتلبسين بكرا
ردت : مدري
محمد يقترب يسحبها لحضنه : البسي الي يريحك
حضنته وهي تبتسم سألها : عادي تفتحين شعرك
جواهر بستغراب : ليه
ابتسم : بلعب فيه
فتحت شعره غرس وجهه يشم ريحته ويلعب فيه : تبخين شعرك بريحة الورد
هزت راسها : اي
محمد خلخل أصابعه بشعرها يلعب فيه غفت بحضنه وهو يتأملها باس راسها : نوم الهنا وانتي بحضني
نام وهو يتأملها بحب
اليوم الثاني صحيت على صوت دق الباب ناظرت محمد الي فتح عيونه بتعب : يليل مايتركون عاداتهم
رفعت نفسها رجعها : خليك يدقون شوي و بيروحون
جواهر : محمد قوم افتح يمكن ماما هدير
هز راسه : لا هي تدق علي خليها تلقينها وحده من عماتي ولا هند النشبه
ابتسمت جواهر حضنته قعد يلعب بشعرها تكلمت : اعطيني جوالي
مد محمد يده يعطيها جوالها فتحته تدق على مهره ناظرها : اشتقتي لها
هزت راسها : اي مرهههه مشتاقه لها احس روحي بتطلع من الشوق
شد عليها : بحاول نروح لهم بأقرب وقت
رفعت راسها تبوس فكه من تحت : ان شاءالله
ردت مهره بصوت متعب : ارحبي جوجو
خافت جواهر : ماما فيك شي
مهره نفت : مافيني شي انتي كيفك
قامت من حضن محمد : الحمدلله انتي وابوي واخواني كيفكم
مهره بغصه : كلنا بخير
حست بغصت مهره : ماما فيكم شيي
سمعت شهقات مهره محمد رفع نفسه يجلس جنبها : وش فيه
جواهر بصراخ : مامااا علمينييي فيكمم شي
مهره انهارت : عزيز و سالم
سكتت مهره
وقفت جواهر و صرخت : ماما وش فيهم علميني
كملت كلامها : انحرق المجلس وهم فيه طلعوهم بالغصب ولحد الحين هم بالعنايه
طاح الجوال من اذن جواهر : لا لا مو وانا بعيده لا
جلست على الارض تمسك أذنها : كذب كذب مافيهم شي
قام يتوجهه لها جلس قدامها : وش فيه
زاد بكاها : ابوي وسالم مافيهم شي يامحمد مافيهم شي
سحب الجوال عرف الخبر من مهره ضمها بقوه وهي تبكي وتصرخ : محمد تكفى طمني الي سمعته كذببب كذبببب
الكل سمع صراخها كانو متجاهلين إلا نوره كل شوي تمسك وحده تقولها روحي شوفيهم هدير طلعت من جناحها مع عبدالله توجهو لجناح محمد وجواهر يدقون الباب بخوف
جواهر تمسك أذنها تقفل بقوه تصرخ من قلبها : بيرحون وانا بعيده بيموتون وانا بعيده
حضنها : حبيبي هدي هدي بحجز طياره نروح لهم هدي
سمع الباب يدق بقوه تكلم : افتح الباب واجي لا تأذين نفسك
وقف يركض فتح الباب شاف امه وابوه سألته : وش فيه
توجهه للغرفه واشر انهم يجون جواهر كانت تصرخ وتكذب الي سمعته حضنها يشد عليها : هدي الحين احجز ونروح اهدي
جلست هدير جنبهم : وش فيه
جواهر بانهيار : بابا وسالم بالعنايه ودوني لهم
انصدمو من كلامها رن جوالها برقم سلمان رد محمد : وش صار
سلمان : طمن جواهر ابوي وسالم بخير لا تجي
استفهم محمد : ليه ما تجي بحجز لها نطمن
سلمان : ابوي صحى ورفض انها تجي وسالم شوي تعبان لكن امورهم تمام حروق بسيطه لكن سبب تعبهم اختناق
محمد ناظر جواهر : بعطيك تكلمها حالها مايسر الخاطر
أعطها الجوال ناظرته : راحو
ردت على سلمان : تكفى طمني ولا تقول انهـ...
قاطعها : الحمدلله بخير جواهر اقعدي ببيت زوجك مافيهم شي صحيو امورهم تمام
جواهر برفض : لا أنا جايه
سلمان عصب : ابوي رفض قال ان جيتي بيوريك
جواهر : ليه طيبب ابي اطمن
سلمان بحده : اسمعي الكلام
قفل المكالمه دخل على الدكتور طمنه عليهم وعلمه انه بينقلهم غرفة عاديه بعد فتره راح لهم
سلمان دخل عليهم شاف حالتهم تكلم : هلا بالـمومياءات
ضحك عزيز : جواهر كيفها
سلمان جلس : محمد يقول حالتها ماتسر الخاطر
سالم : دق عليها نطمنها
دق سلمان ردت بخوف من اي خبر سمعت صوت عزيز و سالم : انتم ب بخير
عزيز : بخير بس بنوتي بخيرر
دمعت : أنا مو بخير
خاف عليها : محمد سو لك شي
ردت : لا بس ابي اجيكم
عزيز : ان جيتي زعلت طلعنا من العنايه احنا بخير جيتك ما بتفرق
جواهر : لا تكذب علي انتم بخير
رد : بخير سالم تكلم
تكلم سالم : جوجو مافينا شي حروق بسيطه جداً النار كانت تلعب معنا بس
ضحكت جواهر : كيف صار
رفع كتوفه : مدري شبت فجاءه ,, اسمعي مع السلامه. بعدين نكلمك
قفل المكالمه عبدالله حضنها : ها يابنتي تطمنتي
هزت راسها : اي الحمدلله بس لسى خايفه عليهم
مسح على راسها : ان شاءالله انهم بخير يلا قومي تجهزي
جواهر برفض : مو حابه انزل افضل اطلع من هنا
عبدالله مسك يدها : ليه يابنتي العزيمه لك انتي ومحمد
جواهر :عمي اخوي وابوي تعبانين وانا احضر عزايم مو حابه نفسيتي ماتسمح اصلاً
باس راسها : براحتك بس اقنعي نوره بذا الكلام
اخذ هدير وطلع انتظرتهم يطلعون طلبت من محمد يقرب اقترب حضنته تبكي تكلم : وش فيه حلوتي
زاد بكاها : ماكنت بسامح نفسي لو صار شي لهم
طبطب على ظهرها : حبيبي حتى لو رحتي ماراح يفرق شي ان كتب ربي لهم شي بيصير
أبعدته : محمد لو ماتو كان
قاطعها : اششش هم بخير امسحي دموعك ننزل نكلم جدتي انك ماتبين تحضرين تمام
هزت راسها مسح دموعها وقفها يتوجهه للدورة المياه يغسل وجهها باس عيونها : لا عاد اشوف الدمعه تنزل من ذي العيون
ابتسمت سحبها ينزلون وقفت : مودي لابسه بجامه
ناظرها يتفحصها : مايحتاج حلوه
شدها ينزلون : مودييي لاااا
نزل وهو يشدها يضحك عليها كانت تحاول تقاومه عشان ماتنزل ببجامتها وصل لآخر درجه التفت لها اختل توازنهم طاح على ظهره يحضنها بقوه عشان ما تناذي صرخت وهي تشوفه يفقد الوعي : محمدددد محمددد لااااا
حاول يقاوم عشان مايخوفها ابعتدت عن حضنه : محمددد
تكلم انت بخير
حاول يرفع نفسه قدر بس انهد حيله طاح جواهر بخوف : مودي حبيبي قوم تكفىىى
صرخت تنادي احد توجهت هند لدرج شافته : وش سويتي فيه انتي جايه تذبحينه
جواهر صرخت : بطلييي كلام مقرففف زيك روحييي نادي عمووو عبدالله بسرعهه
هند نزلت تركض: جواهر ذبحت محمد
طلعو الكل بخوف شافوها تصحيه وتبكي تكلمت عمته الكبير : انتي من يوم دخلتي ذا البيت مشاكل وراء مشاكل
جواهر بصراخ : مو وقته والله مو وقته جيبو شنطة إسعافات بسرعه في جرح بظهره
ركضت وحده من بنات أعمامه تجيب الشنطه : تفضلي واهدي
رفعت محمد سدحته على بطنه حطت راسه على فخذها فتحت بلوزته تشوف الجرح بدت تطهر ويدها ترجف مسكتها منال اخته : جواهر إذا موقادره اساعدك
هزت راسها : لا بس نادي ماما هدير تكفين
منال حنت على جواهر : تمام الحين بناديها
لاصقت الجرح رفعت عليها تسند راسه على صدرها: ياعيون جواهر قوم خلاص بطل مزح قوم وربي اسفه اسفه
جت هدير ناظرت محمد : وش صار
جواهر تشهق بخوف وبكي : كنا نازلين كان يسحبني وهو يركض التفت علي واختل توازنه وطاح
هدير هدت نفسها عشان جواهر : اهدي ياماما لا تخافين على محمد وهو تحمل الي اقوى منها
انهارت : أنا السبب أنا خليته يسحبني أنا تعبت من يوم دخلت حياته أنا تعبته
قامت تضرب نفسها تمسك راسها بيدها تحط اللوم عليها
حس بحركتها فتح عيونه شافها تأذي نفسها تكلم بتعب :جوجو
ردت عليه : محمد اسفه والله اسفه أنا السبب اسفه
رفع نفسه عن حضنها : لا تعتذري أنا الي ما انتبهت وطحت انتي مالك دخل مين قال انك السبب
قفلت أذنها : محمد مدري مدري
حاوط وجهها بكفوفه يمسح دموعها : ممكن نهدى مافيني شي
جواهر تشهق : إلا فيك ظهرك يامحمد انجرح بسببي
سحب راسها يغرس وجهها بصدره يحضنها : مو بسببك ياعيون جرح بسيط مو قاعد احس فيه ممكن نوقف بكي ونقوم
محمد حس انها مضغوط رفع وجهها : وش فيك لا تتعذرين بطيحتي وتعب ابوك وسالم جواهر فقلبك شي صح
ناظرر عيونها المتوتره وكانّها تخبي شي : علميني وش فيك
جواهر بتوتر واضح : مافي شي
محمد بحده : جواهر علمينيي وش فيه
جواهر ناظرت هدير : ماما
مسك فكها يلف وجهها له : أنا اكلمك هنا علميني
مسكت فكها بألم : محمد مافي قلتلك مافي شي افهمم
محمد : أنا بقره ما افهم علميني
جواهر بدموع : طالبتك محمد طالبتك خلاص تكفي بسس لا تسأل
حضنها : تمام بسكت تمام حبي يلا قومي
وقف يوقفها معه جواهر شدت عليه تألم من ظهره : محمد عورتك اسفه اسفه
عصب : تعتذرين قصيت لسانك
ساعدته يطلع للجناح جلسته على كنب الصاله : انت بخير
محمد يمثل التعب : لا تعباننن مرا
قربت جواهر بخوف عليه سحبها يجلسها بحضنه شهقت وهو ضحك : تعافيت
جواهر تنرفزت : محمددد
حاوط خصرها يحط دقنه على كتفها : عيونههه
ناظرته : وش قلة الادب ذي
ابتسم : احب اقل ادبي عندك شي
دخلت نوره عليهم جواهر حاولت توقف بس هو شاد عليها تكلمت : محمدد عيب قدام جدتك
نوره ضحكت على عناد محمد : والله ما بيذبحك حياء إلا محمد تعودنا على حركاته
محمد ضحك : شايفه ياجده تبي تقوم من حضني
جواهر حمرت تكلمت بخجل : محمدد ترا جالسه غصب
غمز لها : اي اكذبي اكذبييي انتي جالسه برضاك
جواهر كشرت : لا ياجده محمد كذاب هو الي مجلسني غصب
نوره ابتسمت : عادي يابنتي جيت اتطمن عليكم وشوي فيه ضيوف جايين
جواهر بتوتر : اسفه يا جده ماراح أتواجد
نوره : العزيمه مسويتها خصيصاً لكم تجين تعتذرين بتحضرين غضب
محمد حرك أنامله على خصرها وهمس : وافقي
هزت جواهر راسها : خلاص ابشري
طلعت نوره من عندهم حط يده على فخذها : وش بتلبسين
جواهر : خلني اوقف عشان اطلع فستان
محمد ميل راسه : كل ملابسك فساتين
جواهر : لا بس بناطيلي كلها اسود
محمد : تحبين اللون الاسود
هزت راسها حررها : قومي جيبي فساتينك وريني وش بتلبسين
وقفت ودخلت الغرفه سحبت الشنطه وحطتها وسط الصاله فتحتها طلعت فستان بيبي بينك و واحد ابيض سألته : ايت
محمد نزل على الارض جنبها : امممم جربي الأبيض
سحبته دخلت تلبسه طلعت : ها شرايك
محمد رفع نظره اعجب فيها : حلو بس الفتحه وش وضعها
كان مفتوح إلى وسط فخذها تكلمت : مودي عادي
ناظرها : لفي
حاولت تصرفه عشان مايشوف فتحت الظهر وقف يقرب منها مدت كفوفها توقفه : خلاص طيب
لفت وشاف فتحت الظهر رفع حاجبه : ناويه تذبحيني واحد من كتوفك برا وفتحه الين الفخذ وظهرك باين ناويه اموت غيره
وقفت قدامه : كلهم نساء عادي
حاوط خصرها : حتى لو بس بمشيها يلا روحي كملي تجهيز
ناظرت الساعه : محمد عادي تساعدني اخلص بدري
هز راسه : واذا ما ساعدتك اساعد مين
ابتسمت رجعت تلبس بجامتها رجعت الشنطه بالغرفه سوت ميكب مسكت الفير تفير شعرها كان يتأملها ويطلع اكسسواراتها صرخت بألم : يدييي
خاف عليها : وش فيها
قعدت تهف عليها : حرقتها بالفير
مسك يدها يقبلها : جعلها فيني
تأففت : اوففف كيف بسوي شعري الحين
مسك الفير : أنا بكمل
جواهر بترجي : تكفى لا تحرق شعري ولا تخربه
هز راسه يكمل شعرها خلص منه ناظرها وهي على الجوال : حلو
رفعت نظرها للمرايه : محمد كنت هير ستايل قبل كذا
هز راسه : ماحصليش الشرف
ضحكت : مرا حلو اجل تعال لبسني الاكسسوارت
ابتسم يساعدها لبسها قامت تلبس الفستان سحب لها السحاب باست خده : شكراً مودييي
ابتسم على رقتها معه لاحظت ابتسامته : يلا قوم البس على بال ما احط البخور
هز راسه لبست ثوبه يضبط الشماغ قدام المرايه وقفت وراه : مودي تعال أبخرك
التفت وتوجه لها بدت تبخره وتطلبه يمسك المبخره عشان تبخر شعرها ساعدها حطت المبخره على جنب سحبته لمرايه : نتصور
حاوط خصرها : اكيد
ميلت راسها تسنده على كتفه اخذت كم صوره لهم نزلت الجوال سمعت صوت نساء يتعالى توتر : محمد خلاص بنام
ضحك : ترا ما يأكلون
مسكت يده تقابله : محمد يخوف تكون حاضر عزيمه ما تعرف احد
سحب سماعتين سلك مد لها وحده : امسكي
استفهمت : ليه
ابتسم : عشان اسولف معك الين تطفشين مني
ضحكت تسحب السماعه تشبكها بالجوال : مستحيل اطفش منك
ابتسم يحضنها وابتعد : يلا انزلي خذي طريق عشان اطلع
هزت راسها تمسكه وقفت ببداية الدرج طلبت انهم يتغطون طلع محمد يغض بصره عن هند الي ما تغطت غارت جواهر عليه وقفت عند الباب : شفتها
تكلم : حتى لو شفتها محد يملي عيني غيرك يا حلو
رفعت نفسها بالكعب عرف وش تبي رفعها له باسته على خده : لا مو هنا
ناظرته : خلاص بلا دلع تكفيك وحده بخدك
قبل ثغرها : يلا الحين أنزلك
تأففت : لابسه كعب وما وصلت لطولك اقصر ولا لاعاد تزيد طول
ابتسم : قصيره كانك كوره و تتكلمين ادخلي لا أشوتك
ضحكت وهي تدخل جلست بعد ما سلمت على الضيوف
هدير سألتها : وين محمد
جواهر ابتسمت : طلع لرياجيل
