بسم الله
سبحان الله
الحمدلله
فتحت جوالها تسولف مع صحباتها وتعلمهم الي صار مر الوقت وهو نايم جت الساعه 3 عصر
جواهر : محمد
رد عليها بتعب : صحيت
جواهر خافت : تعبان نام وبكرا روح
هز راسه : لا أنا تمام
رفعت نفسها وسندت راسه : يلا حبيبي قوم اغسل وجهك تعوذ من الشيطان البس ثوبك وروح
حاول يرفع راسه : مصدع وراسي يألمني
جواهر بخوف : بسم الله عليك اعطيك مسكن ؟
رد : اي جواهر اعطيني
جواهر : طيب قوم وارجع انسدح على مخده الين اجيبه تمام
محمد بتعب : خلاص خليك لا تقوميني
سألته : ليه ماتبي تروح ؟ لازم يامحمد
محمد : بروح بس مدري وش احس
جواهر بخوف عليه : روح ومعك سلمان روح زورها
رفعته جواهر معها : تراك ثقيل كتمتني لا عاد تروح النادي
ابتسم من كلامها ورفع نفسه وقفت جواهر ومسكت يده : نوقف الحين ولا تبي شوي
محمد سحبها يحضنها : ابي اقعد شوي بحضنك
ابتسمت تبادله : طول النهار وانت بحضني خلاص يكفي قوم قبل يجي المغرب يلا
ابتعدت عنه تكلم : مابي ابعد عنك ثانيه زي ما بعدت عن بنتي وفقدتها
ابتسمت : قضاء وقدر الله يجبر قلبك ياعيوني يلا حبيبي قوم
وقف محمد : يمديك تجيبين ثوبي من عند هدير
هزت راسها : عادي ياعيوني
دخل دورة المياه وهي توجهت لهدير تاخذ ثوبه
دخلت شافت هدير جالسه تبكي تكلمت جواهر : هدوره وش تسوي
مسحت هدير دموعها : شوف عينك وش اسوي
حضنتها جواهر : ممكن انك تقوين محمد معي
هدير تبعد عن حضن جواهر : ان شاءالله
جواهر تمسح دموع هدير : وين ثياب محمد بيروح يزور دلال
هدير اشرت على شنطه : هناك بس مو مكويه
ابتسمت جواهر : عادي أنا بكويها له
توجهت تفتح شنطته اخذت ثوب لمحمد شافت شماغه واخذته نادتها هدير : لا تكوينه اعطي حياه تكويه
جواهر رفعت حاجبها : وليه أنا وين رحت بكويها عشان أتعود
ابتسمت هدير : الله يوفقكم
طلعت جواهر توجهت لغرفتها حكت راسها : كيف اكوي
اخذت الكوايه تناظرها طلع محمد سألها : وش تسوين
ناظرته : قلت اكوي ملابسك بس ما عرفت ممكن تساعدني
ضحك على منظرها : خلاص حبي خلي حياه تكويه
تأففت : اوفف كيف بعدين اكوي لك
حط المنشفه على الطاوله : مايحتاج بجيب عامله
كشرت جواهر : ما ابي عامله ابي نعتمد على بعض
ابتسم وقرب يضرب أرنبة انفها : تحبين تسوين كل شي بنفسك خلاص أنا بكويه ترا اعرف
ناظرته : طيب علمني
ابتسم محمد أعطها الكوايه مسك يدها يحرك يدها على الثوب : كذا بشويش وبعدها ارفعي يدك بس
جواهر : اهااا طلع كذا بس وانا مصعبه الموضوع خلاص انتظرني اخلص اعطيك
ابتسم محمد و سند كتفه على الجدار يناظرها وهي حايسه بالشماغ خلصت ونطت بسعاده : سويتهه صححح
ضحك محمد : شطورهههه
حضنته وباست خده : هاذي مكافأه مني لمودييي
ابتسم كيف تطلعه من حزنه بثواني بعدت وهي تعطيه ثوبه وشماغه : يلا بسرعه عشان تروح مع سلمان
اخذ اغراضه ولبسهم
ابتسمت جواهر : عادي تتعطر صح ولا أبخرك مدري ما اعرف
هز محمد راسه : اي عادي فين العطر
اخذت العطر وعطرته : خلصت تلقى سلمان تحت ينتظرك هو عارف اي مقابر تمام
هز راسه وباس راسها : تمام انتبهي لنفسك
طلع من البيت ركب مع سلمان : عارف وين بنروح
هز سلمان راسه : اي عظم الله اجرك
محمد رجع لحزنه : جزاك الله خير
