بسم الله
فزت من فتحت الباب وزاد بكاها يوم شافت ثوبه دم وفيه خدوش بوجهه وخشمه ينزف قفل الباب وهو يتقدم لسريرها
محمد بعصبيه : ليه تقولين كذا !
جواهر : مدري مدري قلتها وبس بتصير ضدي انت بعد
محمد وهو يطمنها : ماراح اكون ضدك ياعيني انتي أنا معك ولو كان العالم كله ضدك لكن دخلتي نفسك بمشاكل غنيه عنها
جواهر وهي تشهق من كثر البكي : محمد عادي تقرب ؟
محمد قرب منها مو فاهم ليه طلبت كذا أنصدم يوم رمت نفسها بحضنه وهي تبكي زياده حضنها غرست وجهها بصدره تبكي زياده من حنيته عليها حس قلبه ينحرق
رفع وجهها بكفوفه بحنيه وتكلم : خلاص يبعد عيني خلاص لو ادري ان بيصير كذا ماقلت انه جوالي
ناظرت وجهه بدت تتكلم : مين سوى فيك كذا ليه خشمك ينزف
سحبت المنديل تحاول توقف دمه نزلت راسه وهو مبسوط باهتمامها فيه
كررت سؤالها : مين سوى كذا علمني
محمد وهو يطمنها : جاسم , تكلم بالموضوع قدام الكل ما تحملت وتهاوشت معه
تكلمت بخوف : ابوي ع..
ماكملت إلا وابوها داخل عليهم
محمد : لو جبتي سيرة مليون مو احسن
ضحكت وناظرها ابوها و قفل الباب ودخل جلس جنبهم
نطق : وش العلم ؟
ماقدرت تكذب على ابوها وقررت تعترف ردت : ابد كنت اوريهم شي وانا مبسوطه وجت رساله بجوالي وسحبه محمد من يدي وقال انه جواله والخلفية صورتي وتعرف غزيل وكذبها وانا ما تحملت واعطيتها كذبه العن من كذبتها
تكلم ابوها : عارفين نقالة علوم بس وش الرساله الي تخلي محمد يسحب جوالك ؟!
محمد ناظر فيها بمعنى أتدخل ولا هزت راسها بموافقه
تكلم : زوجتي الاستخبارات ظلام تعرفه صح
أنصدم عزيز وقال : منجدكككك
خافت جواهر مسكت يد محمد بخوف
كمل عزيز : هاذا الي كنت ابيه كنت أتمناها من اخوانك طلعت بنتي جوجو حبيبتي
تكلمت جواهر : بابا ماراح تزعل مني ولا تعصب ؟ خوفوني اغلب العساكر وقالو انك شديد وخفت اعلمك
ضحك عزيز : لا ماراح اعصب اصلاً كنت شاك فيك من اول نفس الحركات الكلام اللهم الصوت ومستحيل اتعامل مع بنوتي تعامل عسكري
حضنت ابوها وهي تقول : الحمدلله ماطلعت ضدي
ناظرهم محمد بغيره : في مكان لي ؟
ضحكت وهزت برأسها : اي اي
حضنها وهو يضحك
دخلت مهره عليهم يوم كلمت مسلم وعلم ان ابوه راح لجواهر بالمشكله الي صارت تحسبه بيضرها لان الحقيقه لحد الحين ماعرفوها لقته يضحك معها و محمد حاضنها
مهره باستغراب : فيكم شي
رد عزيز : لا بس عرفت كل شي وموافق على علاقتهم وأدعمها بعد
ناظرت مهره جواهر وتقولها : ما توقعتها منك تسوين كذا
ناظرتها جواهر باعتراف : أنا مخبيه شي يجي الوقت المناسب والكل بيعرف والي قلته كذب
ناظرت عزيز الي يطمنها بنظراته سحبت جواهر وقالت لعزيز : خذ محمد واطلع عند الرياجيل
ناظرها محمد وتكلم : ابي زوجتي طيب شوي تعالي وخذيها
ضحك عزيز وقال : خلي جوجو شوي وتعالي معي
مهره : تمام دقيقه وجايه تمام
هز راسه محمد وطلعو مهره وعزيز وقفلو الباب اخذ مهره يبي يبين لها الحقيقه ومايبيها تتكلم لجواهر
جواهر وهي عند الباب بتطلع محمد لف
وقال : تعاليييي تعاليي وين رايحه
جواهر : مو امي قالت روحي المجلس حق الحريم ؟
محمد : قالت إذا جت بتسحبك بعدين تعالي بحضنك
جواهر : بلا قلت ادب وش تحضني وين عايشين احنا ؟
محمد : جوجو حبيبي عادي
جواهر : بس ما
قاطعها وهو يضحك محمد : وعد ما اتمادى
قربت وهو فتح يده حضنها وهي تضحك بخجل فك شعرها
يلعب فشعرها وهي مستحيه منه اول مرا يلعب بشعرها
الطويل وهي صاحيه ومسك خصرها ويرفع دقنها بيده الثانيه
تكلم : هاذا كله خجل ؟ تراني زوجك ماعاد بشوف ذا الخجل
ردت : ابعد يدك
بعد يده وهو يضحك ويرجعها لحضنه : خليك كذا الين تجي امك
ضحكت وهزت راسها بموافقه احساسه كان غير مبسوط انها لما بكت طلبت تحضنه وكانت مطمنه بحضنه وهي تحس انها ملكت الدنيا ومافيها حب طفولتها تحاول لحب عمرها تشد على حضنه وكانها تعلن حبها له اكثر ضحك وباس راسها
دخل عزيز ومعه مهره شافو منظرهم وضحكو وتذكرو ايام حبهم
بعدت جواهر بخجل من امها وابوها محمد ضحك على احمرار وجهها
مهره : يلا ماما تعالي معي
جواهر هزت راسها بالموافقه بدون كلام
عزيز قاله: ما يحتاج أعزمك صح
محمد : ما يحتاج ابد جاي معك اصبر بس
لف على جواهر بسرعه قرب منها وباس خدها شهقت بخوف وخجل
تكلمت جواهر : انهبلتتت وش سويتتت
ضحك : خلاص خلاص اسف
جواهر بزعل : انقلع لا اشوفك
طلع هو وعزيز وهم يضحكون
سحبت مهره جواهر الي ترددت تروح مع امها
