بسم الله
كل الي صار تحت أنظار خالاتهم وبعض من البنات
دمعت مهره على بنتها الي تعرف معاناتها وحبها لمحمد من الطفوله ونطقت : أنا عارفه لا بحياتك لحالك مرتاحه ولا حياتك مع حبيبك مرتاحه
رند بفضول : وش الي صار لجواهر والأسماء الي تكلمت عنها منهم
مهره : شي يخصها وهي ما تحب تذكره ممكن خلاص قومو نشيل السفره
بدو يتجمعون يشيلون السفره مع بعض وضحك وسواليفف
عند محمد الي مع جواهر مشغول يتأملها وهي تبكي حاول يهديها بس زادت
جواهر بخوف : تكفىى لا تسويها مره ثانيه لو... لو تعودت عليك وصار نفس الموقف وتخيلتك ماراح ادافع عن نفسي وشهقت ببكي
محمد وهو يحضنها ويضحك : تتوقعين بتركك ثانيه ياظلام ؟
جواهر : مدري مدري يمكن !
محمد بتفكير وهو يشوف ضل يتحرك إلى وراء البيت : اششش جوجو حاول تحبسين دموعك ما أتوقع احنا بأمان
حضنته بخوف : لا تقومم لا خلك عندي
جلس جمبها وهو يطلع أسلحته عنده فرد احتياطي رمه على جواهر الي مسكته ومسحت دموعها
ناظرها وتكلم : تجهزي
رفعت راسها : كل وقتي جاهزه
رفع الفرد حقه بخوف عليها وعرفت خوفه رفعت جوالها الي كان على الارض بدت تسجل عشان يكون دفاع لهم ضد اي شي
دخل شخص غريب ما عمرهم شافوه نطق : انتم ما تعرفوني لكن اهلكم يعرفوني حق المعرفه اذكرو اسم " عايض بن عمر "
ناظرو بعض وهو يكمل : صح أهاليكم ضروني لكني أنا الحين بضرهم فيكم
رفعت جواهر مسدسها وهي تمليه رصاص : اسفه بس وقت اللعب انتهى
رفع جواله وتكلم عايض بضحك : طلقه وحده علي فضايحك وفضايح زوجك وفضايح اهلك تنزل هههه
رجفت بخوف وهي تقوله : وش المطلوب ؟
محمد وهو يسحب جواهر وراه : افضح واعلن بعد ما علينا من احد
تكلم بضحك : جواهر بنت عزيز تتعرض ل... بدوامها وينقذها فهد وتقرر تصير استخبارات معه
انصدم محمد من كلامه وناظر جواهر
بدت تثبت المسدس بنقطه معين وتتكلم : أضف اليها تقتل عايض بن عمر وتنهي مسيره الابتزاز
كمل كلامه : محمد بن عبدالله متزوج بالسر من ورا اهلها بدافع انه يبي ينهي عم زوجته شروق لكنه يحبها
انصدمت جواهر من كلامه وضحكت : لو الدجال قدام صدقته ولا صدقتك
رفع الجوال وهو يوريها صور انصدمت وشدت على المسدس بقوه
محمد : من انت وش وراك
عايض : اسألو أهاليكم عني خصوصاً عزيز وبسعى اني اكسر بنته
انسحب عايض من قدامهم شرد عقل جواهر من الصدمه طلقت وراه لكن ما جاته الطلقه سمعت ضحكاته سحبت جوالها وهربت من قدام محمد
توجهه محمد وراها يحاول يفهمها دخلت الصاله الكل كان خايف من طلق الرصاص طاح المسدس من يدها وهي واقفه بنص الصاله
دخل محمد وراها وهو يتكلم ويردد كلامه : بسس افهميني وسوي الي تبينه اعطاك المعلومه معها إجابه تكفين جواهر افهمي
مهره بصدمه : وش فيه
جواهر وهي تقرب من امها بصدمه وجهها مبين خوفها وخذلنها طاحت عند امها وبدت تنهار رفعتها مهره بخوف وهي تكلمها : اشبككك تكلمييي وش سو لك تكلمييي
جواهر برجفه : ماما مينننن عايضض بن عمرر
انصدمت مهره ناظرت خواتها المصدومات معها وتكلمت : وينه وين شفتيه قرب منك تعرض لك كلميني
تقدم محمد وهو يرفع جواهر الي مو قادره تقوم صدت عنه وقالت : اتركيني وأبعددد عني ابعدد
رد بخوف عليها : مهمه وبنهيها بعد يومين اصبري علي
ردت : ماني صابره ماراح اصبر وانت مع وحده غيرررر ماراح اصبررر
أنصدم كل الي حولها من كلامها سحبت مهره جواهر وجلستها على الكنب ناظرته بقهر : ليه تسوي كذا عارف انها تحبك ليه ليه
رد على مهره : ياخاله مهمه مهمه بس انهيها بعد يومين وكل شي يرجع
صارخت جواهر : وش الي يرجععع وانا زوجههه ثانيييه هاذا اذ ما كان تزوجتها علي يلااا قولييي وش الي يرجععع احلم احلممم
رفعت جوالها بيدها الي ترجف اتصلت على عزيز وقالت : يبه فض المجلس من رياجيل خالاتي أنا جايه
قال : ابشري وش بلاه صوتك
ردت : مافي شي خل اخوان محمد موجودين
استغرب بس ما جادل لبست عبايتها وسحبت مهره بيدها
