بسم الله
سبحان الله
رجعت تنزل بشويش وقفت تبحث عن هدير بينهم شافتها وراحت لها حاوطتها هدير : ايش الوضع
جواهر رفعت حاجبها : اي وضع
هدير : بتسافرون ولا لان عزيز دق على عبدالله وطلب انه يجيبك فترته حملك
جواهر : بقعد مع مودي الين اقرب ل 7 وبروح لاهلي
هدير : حلو عشان اعتني فيك انتي ومحمد سوا
هدير وجهت كلام لنوره : فيه خبر
نوره ابتسمت : عساه خير ان شاءالله
ناظرت هدير جواهر المبتسمه بخجل : جوجو حامل
نوره بفرحه بانت بملامحها : يالله ان تبارك وتمم لها يارب اسعدنا بطفل
جواهر ابتسمت : امين
هند انصدمت : متى ذا صار
جواهر ماردت ومع انها كانت ماتبيهم يفتحون الموضوع قدام هند عشان ما يجرحونها
ناظرت هند وعيونها مليانه دموع : الف مبروك
جواهر مقدرت تشوف هند كذا وقفت توجهت لها حضنتها :مو كل شي نبيه ناخذه ربي بيرزقك الي افضل من محمد بمرات انسي محمد وبتشوفين الي يحبك وتحبينه
هند أبعدت جواهر : ماعاد ابي محمد أنا كنت احبه بس خلاص
جواهر ابتسمت ماكنت تدري عن نية هند المخفيه وراء كلامها : الله يرزقك بشخص يحبك ويصونك
رجعت جواهر جنب هدير دخلو بسواليف كثير والتجهيزات الي بتصير بعد ولادتها رفعت جوالها ترد على محمد : عيوني هلا بغيت شي
محمد : جواهر عند مهمه اسبوع بسافر وبرجع
جواهر : بمدينتي ولا مدينه ثانيه
محمد : لا مدينه ثانيه وعزام وفهد متواجدين معي كانو يبغونك لكن رفضت
جواهر عصبت :اوف محمد كنت ابي اروح مهمه
محمد ضحك: شوفيني نازل بنزل لؤي عندك وبمشي المره الثانيه بخليك معي بمهمه
قفلت المكالمه بتكشيره نزل هو ولؤي وبعد ما تغطو وقفت اقترب يحضنها : استودعتك الله انتبهي لنفسك
ناظرته : لازم تروح عادي اسحب عليهم تعرف اني اخاف انام لحالي
ضحك: خوافه ,, لازم اطلع على المهمه ياويلك ما تنتبهين لنفسك
شألت الخاتم الرجالي الي بيدها حطته بيده رفعت نفسها تبوسه : احبك انتبه لنفسك وارجع عشان تشون بنوتتك او ولدك
ابتسم مستغرب بس تطمن انه له مو لغيره : ابشري بنتبه لنفسي عشان ام حُب وبنتها
جواهر : عارف بالاسم بعد
ضحك : رند من اول قفى اعترفت على كل شي حتى سوالفك عني
جواهر : رند حيوانه اوريهاااا
محمد بحنيه وحزن : وريها بعدين الحين انتبهي لنفسك
باست خده : ابشر يابو حُب
نزلها وتوجهه يسلم على امه وجدته طلع وهو ما يبي يبعد عنها حرك السياره
جواهر حست بغصه لؤي حضنها : أنا بدال محمد
ضحكت جواهر : انت الاساس
رجعت جنب هدير تعطي لؤي جوالها يلعب جلسته بحضنها تكلم : ماما جوجو ماراح اعور البيبي
ضحكت : لا ياعيوني عادي انسدح
كانت ترد وعقلها معه خايفه عليه ومن إصابته الي توها ما تعافت
هدير اشرت : هيي جوجو معنا
جواهر ترمش عدت مرات : اي اي معكم
هدير : حلو اجل تبين تروحين معنا
جواهر : وين
هدير : بنطلع نمشي بالقريه شوي نتمشى
جواهر : لا احس تعبانه بطلع انام يلا لولي تطلع معي ولا تروح مع خاله هدير
لؤي : بروح مع خاله هدير
وقفت تمسك يده تحطها بيد هدير : انتبهي له أنا طالعه
اخذت جوالها تطلع فتحت الجناح وقفلت دخلت الغرفه شافته حاط الصرافه وكاتب رساله محتوها : عارف لو قلت لك بتعصبين بس هذي صرافتي اسحبي منها قد ما تبين وابي ارجع القى حُب تجري قدامي سامعه
ضحكت على الرساله ارسلت له : ماندري هي حُب ولا خالد ننتظر نعرف قريب بس ارجع بالسلامه ,, صرافتك ماراح احركها معي صرافتي
