بسم الله
جواهر سارعت خطواتها لغرفتها استغربت لينا من وضعها طلعت جواهر الدرج بسرعه ودخلت قفلت على نفسها الباب لاحظت وجود لؤي كلمته : لؤي حبيبي اطلع بنام
لؤي رد : انتي دايم تنامين وانا العب وش فرق ذحين
قفلت جواهر البي سي ومسكت يده : فرق وكثيرر بس ابيك ما تنساني وتدعي لي تمام يا صعنون
رد لؤي : طيب ماما جواهر تصبحين على خير
فتحت له الباب وطلع شافت لينا داخله الصاله قفلت الباب قبل توصل لغرفتها لاحظت لينا حركة جواهر وعرفت المصيبه الي بتسويها دقت الباب بقوه وخوف : جواهر لا جواهر تكفين لا تعذبينا افتحي الباب تكفين
جواهر فتحت درج الادويه واخذت كميه كبيره ""⚠️""وهذا غلط مو راحه ابداً ""⚠️""رجعت للباب وجلست وهي تلم نفسها وتسند راسها تكلمت : لينا ماعاد يفيد وقوفك ارجعي وين ما كنتي
صرخت لينا : ليههه ياجواهررر ليهه قلت لك كل شي بينتهيي ليههه تكفين جواهر افتحي افتحي
خافت من صمت جواهر ونزلت تركض لفهد وهي تصرخ : سوتهااا سوتهااا يافهددد تكفىىى الحقهااا
أنصدم محمد وركض مع فهد لغرفتها اما عزيز مو قادر يستوعب يلوم نفسه مليون مرا جلس على الارض بقلة حيله
يمسك راسه وينادي بأسمها ويكرر : ياعين ابوك وش عرفني بعذابك ليتني ما تهورت وضربتك جعلني اذوق عذابك
عند باب غرفة جواهر فهد ومحمد يدقون بقوتهم وينادون عليها جواهر طايحه بين الوعي ولاوعي تسمعهم وتنزل دموعها اكثر
تذكر محمد موضوع الشباك : فهددد فيه شباك بالحوش الخلفي يطل على غرفة جواهر بدون شبك ولا حدايد تعال ساعدني ادخل عندها
ركضو للحوش الخلفي المسافه بعيده صرخ بقهر وحاول يجيب سلم جابه وحاول يطلع وصل وفتح الشباك بقوته
شافها طايحه على جنبها صرخ ودخل رفعها يضرب خدها بخفيف : جواهر ياعيون محمد لا لا تكفين خليك والله اني لأبعد بس لا تعذبينا تكفين جواهر اصحي
شالها بين أياديه وهي مثل الجثه فتح الباب حطها على الكنب وصرخ على الكل يتصل بالإسعاف حاول يصحيها لكن يشوف انفاسها تقل صرخ بقوته وسحب مفتاح السياره وركب وركبها بالمقاعد الخلفيه و اسرع للمستشفى وصل وشألها ودخل يصرخ : حالهه طارئههه
توجهت ممرضه له وسألتها : وش فيها نقدر نعالجها
محمد بغصه : اخذت كميه من الادويه
خاف لما شافهم تجمعو حولها بسرعه وسحبوها لداخل غرفة ورفضو دخوله جلس على الارض بصدمه كان بيتصل على احد من اهله او اهلها يوقف معه دور جواله ومالقى تقدم للممرض وتكلم : لو سمحت ممكن جوالك ؟
استغرب الممرض وأظهر محمد بطاقة تعريفه : ابي اتصل تطمن ماراح اخذه
سلمه الممرض الجوال اتصل محمد على سلمان رد عليه
تكلم محمد : سلمان تعال للمستشفى الي ف ........
رد سلمان بخوف وقلق : محمد تكلم من الحين جواهر ماتت
محمد : لا ياسلمان جواهر داخل ما ادري وش فيه ولا احد طلع لحد الحين ابيك تجي وتجيب جوالها وجوالي ممكن ؟
سلمان تطمن : طيب طيب بس اتطمن على امي واجيك
رد محمد بخوف : وش فيها
رد سلمان : بعد ما شافت جواهر بحالتها قعدت ساكته مده وبعدين صرخت و طاحت عليهم و الحين قالو صحيت اتطمن واجيك يلا معسلامه
قفل سلمان واعطى محمد الممرض جواله : اسف آخرتك
ردت الممرض ببتسامه : الله يقوم مريضكم
وانصرف
عند سلمان
توجهه لداخل البيت يشوف حال مهره وعزيز الي طلع ومحد يعرف وين هو لحد الحين
شاف مهره تبكي بحضن روايد وكلهم يناظرونها بدموع وحزن
سلمان بحزن : امي فيك شي خلاص وقفي بكى نفقد واحد ولا اثنين
شهقت مهره بخوف : سلمان لا لا تقول جواهر راحت سلمان تكفى قول غيرها طمني عليها
ردت سلمان : ما ودي أطمنك ويجينا خبرها بس انها لحد الحين معنا أنا بروح لها وأطمنك تمام يالغاليه
مسحت دموعها ورجعت لحضن اختها :روح الله يستر عليك وطمني بكل شي
