بسم الله
سبحان الله وبحمده سبحان الله العظيم
دخلت المجلس وراحت جهت ابوها بدون تفكير ارتمت بحضنه وتكلمت : يبه تعبت تعبت تكفى يبه تكفى خلهم يتركوني بحالي
خاف عليها وشد عليها وتكلم : ما عليه ياعين ابوك محد بيضرك وراسي يشم الهواء واخوانك حولك سامعتني
قربو اخوانها الثلاثه لاحظو وجود محمد ومهره سالهم مسلم : وش السالفه
مهره بنظرات قهر على بنتها : تكلم يا محمد قول وش سويت فيها ويجي الزفت يفضحك بسهوله قدامها ليه ما تكلمت من اول
محمد : لو فهمتو مني بهدواء بينحل كل شي اهدو
جواهر بتعب من كثر التفكير والقهر والغيره عليه : علقتني ليه قولي بتعذبني عذبني بدون لا تعلقني فيك عذبني بتجاهلك اظهر زوجتك الاولى بس لا تعلقنييي
أنصدم عزيز وحضن بنته اقوى وهو يهديها اخوانها لفو على محمد بصدمه كيف قدر
سلمان اقترب منه بدأ يضربه بقوته كلها بدت مهره تصرخ تفرق بينهم بعدت جواهر عن ابوها وتحاول تبعدهم عن بعض طاحت بقوه على الارض ماقدرت تستحمل ألم راسها
ابتعد سلمان وهو ياخذه اخته من الارض ويرفعها تألمت زياده بعدت سلمان وطلبت ينزلها نزلها
وقامت تمشي جهة البيت وقبل تطلع تكلمت : ما بها حل ينتهي موضوعنا اليوم قدام الكل اقولك طلقنيي واتركني بحاليي طالبتك
محمد وهو يوقف : ماني تاركك واعلى ما بخليك اركبيه
سكتت جواهر ولا ردت دخلت الصاله كل العيون توجهت لها
وجهها الحزين
ركضت جهتها رند وهي تحضنها جواهر وهي تبعدها : تكفين خلاص ما ابي ابكي يكفي
سحبتها رند بدون كلام دخلت الغرفه جلست على سرير جواهر وسحبت جواهر جمبها وحضنتها وتكلمت : ابكي طلعي الي بقلبك وانا باخذ حقك سامعتني
جواهر بدت تنهار ماقدرت تستوعب الي صار اهتز جوالها برسايل متتاليه فتحته بخوف و رجفه لقت محمد مرسل ارتاحت لكن ارتفع نظرها لمحادثه فوق محادثة محمد
صرخت بخوف وهي تردد : لا لا خلوني بحالي لا لا تكفونن لا
سحبت رند الجوال وشافت المحادثه انصدمت صور لجواهر ومكتوب تحتها : ان ما تركتي محمد احلف لك صورك تنتشر بثواني ارسلي ورقة طلاقك تنحذف الصور
مسكت جواهر تهديها وتردد : ماراح يسون صدقيني أوعدك جواهر انتبهي معي ماراح يسون شي ولا يقدرون سامعه خليك معي
جواهر تبكي بكاء هستيري وترجف : رند بيدمرونيي كيف وصلو لصوري كيف لو عرفو اهلي خلي اهلي أعمامي بيذبحوني والله يذبحوني ابوي واخواني بيوقفون معي الخوف من أعمامي تكفين خليه يطلقنيييي خليها تحذف صوري وتبعد تكفيننن
