بسم الله
سبحان الله
استغرب أبعدها يدخل هو وعزام شافو محمد يضرب عادل أبعده فهد : ولد اصحى وش فيك ناوي تنسجن
صرخ محمد : ابعدد فهد خلني اربيه كيف يتجراء يقرب لممتلكاتي
ابتعد فهد يسمح له بعد فهمه للموضوع عزام ناظره : فهد امسكه
فهد ابتسم : خله الحين بنزل معه ارض المعركه
هجم على عادل مع محمد جواهر كانت ترجف خول دخلو الامن يبعدونهم عن عادل ابتعدو وهم لسى غيرتهم ما طفت
محمد التفت لها سحبها لحضنه : عشان كذا رافضه الدوام هنا صح
هزت راسها وهي بحضنه طبطب على ظهرها : كل مره بتداومين بجي معك
دخلت ريتان بعد ماعرفت السالفه سحبت جواهر من حضن محمد تتفحصها : جوجو حبيبي انتي بخير
جواهر ابتسمت : أنا بخير
ريتان ضمتها تمسح على ظهرها : الحمدلله ،،، المهم بترجعين للدوام
ابتعدت عن ريتان : وش شايفتني لابسه
ريتان ضحكت : بدلة رقص
ضربتها جواهر : بنتتت
ريتان : طيبب طيبب وييي
كملت جواهر كلامها : بكرا تعالي عندي الظهر كذا
ريتان استغربت : ليه
جواهر : بنسوي عزيمه بمناسبة قدوم حُب بتجين تكفين قولي تم
هزت ريتان راسها : اكيدد تم
محمد : جواهر تكملين الدوام ولا ترجعين البيت ترتاحين
لفت عليه : مدري احس بكمل
ريتان : لا ارجعي ارتاحي وبعد بكرا تعالي عادي
هزت راسها : تمام ،، ريتان
ريتان : عيونها
جواهر ابتسمت : انتبهي لنفسك تمام
ريتان حضنت جواهر : تمام ياعيوني يلا روحي
غيرت ملابسها تطلع مع محمد وعزام وفهد ركبو السياره
توجه عزام لبيت عزيز وقف قدامه نزلو الاثنين
جواهر وقفت محمد جنبها : آخر واحد ام عيال
ناظرها بصدمه يشوفها تركض استوعب يركض وراها ضحكاتهم ملت البيت دخلت لصاله : فزتتتت عليكك
ضحك على فرحتها : اي بس بالواقع ام لحُب
ناظرته : صح تذكرت بروح اشوفها اشتقت لها
ركضت لغرفة مهره فتحت الباب ماشافت احد دورت البيت مالقتهم رفعت جوالها تتصل شافت صوره لأهلها مرسله من رقم مجهول :ظلام اليوم بيفقد واحد منهم يترأ مينن يكون
طلعت من المحادثه اتصلت على مهره
ردت مهره : هلا عيوني رجعتو
جواهر بخوف : وينكممم ماما وينكممم
مهره استغربت : بالمطعم القريب من البيت ليه
قفلت المكالمه ناظرت محمد : مفتاح سيارتي جيبي بسرعه
راح محمد باستغراب صرخت : محمد بسرعههههه
ركض يدخل غرفتها سحب المفتاح سحبها ينزلون ركب السياره يشغلها : وين نروح
جواهر تعبي مسدسها رصاص : المطعم بنهاية الشارع بسرعه
ساق السياره بسرعه وقف قدام المطعم وصلت رساله ثانيه :جربي تدخلين المطعم ياظلام بتشوف دم ابوك على الارض ويمكن اضيف بنتك او امك جربي
محمد جاء بينزل مسكت يده : لا محمد لا
ناظرها يشوف عيونها على الجوال مليانه خوف سحب الجوال يشوف وش الي مخوفها ينصدم بالمحادثه ناظر للسياره الي كانت تلحقهم : اوريك فيهم
حرك السياره يبعد عن المكان ضيع السياره الي تحلقهم نزل :كنت حاط شماغين وثوب بسياراتك وين حطيتيهم
جواهر : وراء بالشنطه ليه
آخذهم وقفها قدامه : شيلي عبايتك بسرعه
شألتها وهي مستغربه لبسها الثوب سحب الشماغ يرفع دقنها له يلثمها ابتعد ناظرته وهو يلثم نفسه :ماراح يصير لاهلي شي صح
ابتسم يملي مسدسه رصاص : ان شاء الله مايصير لهم شي
رجعت تركب السياره ركب يمسك يدها : جاهزه
هزت راسها : ايـي
ابتسم يرجع للمطعم وصلو وقف السياره : اسمك غيريه قبل ننزل
جواهر : محمد ماعرف عطني اسم
ناظرها : وش تبين اسم ولدنا
جواهر : كنتي ابي خالد بس الحين ابي سهم
ابتسم : خلاص سهم يلا انزل وعارف كيف تغيرين نبرت صوتك
هزت راسها : اي عارفه
نزل وناظرها نزلت تحط المسدس بجيبها تكلم محمد : يلا سهم تبي ندخل هنا ولا لا
جواهر : اي يلا
دخل وجواهر وراه انتبهت لاهلها همست : محمد اهلي هناك
التفت يأشر على طاوله جنبهم : تبينا نجلس هناك
جواهر : اي خلنا هناك
جلست قدام اهلها ومحمد معطي اهلها ظهره ناظرت سلمان الي يناظرها بشك رجع يكلم رند : يشبه جواهر
رند تلتفت : مين
اشر بنظره لجواهر : هناك قدامنا
ناظرت بصدمه : هي جواهر
سكتو يسمعون محمد يتكلم ما جواهر : سهم بالله قوم اطلب مالي خلق اقوم
جواهر رفعت حاجبها : شغال عند ابوك قوم انت أنا مو فاضي
محمد : مو فاضي ليه
جواهر تناظر طاوله فيها ثلاث اشخاص واحد يصور اهلها عرفت انه بيرسل لها قفلت الإشعارات فهم محمد انها كشفتهم تكلم : نبدأ
اشرت له : ثواني
ارسلت لسلمان : مسدسك معك
استغرب من رسالتها : اي ليه
جواهر : اول ما تسمع طلق فضي المكان وساعدنا
قفلت جوالها تناظر محمد : بتأكد من شي.
وقفت تتوجه لهم سوت نفسها دايخه ميلت على طاولتهم تتأكد من وجود مسدساتهم : معليش كنت دايخ
واحد منهم : انتبه لطريقك ياصبي لانذبحك
ابتعدت ترجع لمحمد : الان
رفعت مسدسها تكلمت بصراخ : الكل تحت الطاولات الان
وجهت مسدسها تطلق عليهم وقفو يبادلونها محمد توجه لاهلها يوقف قدامهم يحميهم على طلبها يطلق معها رفع سلمان نفسه يساعدهم انتهت منهم جلست بتعب ورجفه :متى انتهي من ذي العصابه وافتك
جلس محمد على ركبه قدامها يحط كفوفه على كفوفها :قريب ان شاءالله قريب
رفعته تضمه : ان شاءالله
ابتسم يبادلها بشده وخوف أبعدته راحت تتطمن على الناس الموجودين تطمنت مافيه اصابات رجعت لاهلها تضمهم واحد واحد
جواهر : ماما فين حُب
اشرت مهره على عربيه أطفال : هنا
جواهر توجهت ترفعها بين أياديها تبوسها بقوه ناظرها محمد : مالي نصيب زي حُب
هزت راسها : لا حُب بس لها نصيب انت لا تفكر حتى
اقترب يبوس بنته رفع راسه يبوس راس جواهر التفت لهم :نرجع البيت ؟ وراكم شغل بكرا
كلهم وافقو يرجعون
جواهر تحط حُب بالعربيه : أنا باخذ بنتي تمام
مهره : تمام خذيها اصلاً باقي بنروح أنا وعزيز مشوار وكنت بحطها عند رند بس خلاص جيتي خذيها معك
جواهر رفضت : مافي مشاوير شفتو الي صار قبل شوي يلا على البيت
توجهت هي ومحمد لسياره هو يدف عربية حُب نطق :جوجو
ركبت السياره : وشو
محمد حط حُب بحضنها : بكلمك بموضوع بس خليني احط العربيه بالشنطه
تأففت : اوفف بس يكفي مواضيع اليوم ممكن توصلني البيت ارتاح !
حط العربيه بالشنطه : ابشري بعدين بفتحه معك
ركب يسوق السياره ما اخذو مده وصلو البيت شألت بنتها تدخل للبيت طفى السياره ينزل منها ناظر لعيونها النعسانه :هاتي حُب
مدت بنتها له شألها بنته بيد والثاني يرفع جواهر فيها طلع لغرفتها ينزلهم تكلمت جواهر : بروح اجيب سرير من غرفة ماما واجي
هز راسه طلعت وهو توجه لدولاب يطلع ملابس له غير ملابسه مستغرب من تأخرها دخلت عليه تحط السرير جنب سريرهم حطت حُب فيه رمت نفسها تبي تنام ابتسم : بطلع اشوف شي عند سلمان جي
هزت راسها طلع وقفت تغير ملابسها لبست بجامه مريحه رجعت تنسدح غفت عينها بتعب بعد مده طويله رجع من عند سلمان دخل يبي يكلمها شافها نايمه نوم عميق ابتسم
يوسطها انسدح يضمها كان يبي يفتح شعرها خاف يقومها من النوم اكتفى بتأمل ملامحها غمض عيونه يحمد الله على وجودهم حوله نام وهو يحمد ربه بعد فتره قصيره صحى على بكاء بنته ناظر جواهر النايمه ابتعد يأخذ بنته لحضنه يهزها بخفيف شاف لسى قاعد تبكي وقف يروح غرفة الملابس عشان ما تصحى جواهر جلس يلف فيها الين سكتت رجعها لسريرها تنام ورجع لمكانه يرجع لنومه
