بسم الله
وقفت تتوجه للمغاسل غسلت وجهها ناظرت نفسها تكلمت : ماعمري كنت ضعيفه كذا متى صار كل ذا ليه صرت كذا ليه حالي يتدهور زياده ليه قاعد أكابر وانا احبه
شافت بكِت الدخان فكرت تاخذ منه رجعت للبنات الي كانو خايفين عليها جلست بهدوء تام وناظرتهم : وش ذا الصمت
رند : نبيك تسولفين انتي
جواهر : ما عندي سولفو انتم
بدت لينا تفتح مواضيع عشان تشغل جواهر من التفكير دخلت معهم بسواليف حست بهتان ( مطر خفيف ) ينزل من السماء استأنست : بنات هتاننن يونسسس
ضحكو على ردة فعلها هي من عشاق المطر زاد المطر ناظرتهم وفهمو قامو معها يلعبون تحت المطر الكثيف بينما هم يضحكون كان محمد يناظرها بحب ويفكر بينه وبين نفسه كيف قدر يخونها ويعذبها كان مبتسم ناظره سلمان : وش الي مسعدك
قرب من الباب وشاف جواهر تلعب تكلم محمد : اختك لاعبه فيني لعب ومذوبتني بشكل لو انك تساعدني انها ترجع وتبطل مكابره سلمان طالبك انك تقنعها
سلمان بغيره : وين عايشين تناظرها كذا
انتبه محمد ونزل نظره وهو يستغفر : وزت شيطان كنت بروح اخذ البكِت من المغاسل ولمحتها
سلمان : انثبر هنا أنا بروح اجيبه
جلس محمد بزاويه مقابله للباب يشوف ملامحها المبتسمه وشعرها المبلل ولبسها وضحك : سلبتي عقلي من صغرنا كبرنا و سلبتيني كلي لك
دخل سلمان رمى البكِت : خذ ولا تقرفني فيه
فتحه شافه ناقص : حركات الاطفال ذي بطلها اخذت منه
هز سلمان راسه بنفي : لا ما اخذت تعرف اني أكرهه
ما اهتم اخذ وحده وحطها بين ثغره يناظر جواهر يتذكر اول ايام بعد غيبوبتها وكيف كانت معه وهل بترجع زي قبل
شافها تبتعد للحوش الخلفي رفع حاجبه وتكلم : أنا بروح واجي
سلمان ما اهتم رجع نظره للجوال
دخل محمد وشافها ماسكه السقاره تشغلها وتبدا تدخن
اسرع لجهتها سحبها منها : ما يحق لك تدخنين
ابتسمت بستهزأ : كل شي يحق لك انت صح
سحبتها من يده ورجعت تدخن زادت عصبيته : قلت لك ما يحق لك هاتيها ياجواهر بالطيب
ناظرته : لا بالطيب ولا بالغصب ورني وش بتسوي يامحمد
اقترب واسحب السقاره من بين ثغرها : مايحق هي الي تكون هنا
بعدت عنه بقرف : وما يحق لك انت بعد تقرب مني
محمد بعصبيه : يحق بس لجواهر ترفض اي شي صح
ردت جواهر : جواهر تأمر اي احد وتمشي كلامها على الكل ومحد يقدر يخلف رأيها وقرارها
مسك ذراعها : الحلوه عارفه نفسها زين لكن أنا الي بنفي كل كلامك وش بتسوين
ضحكت على كلامه : شوف أنا بعطيك على جوك وبسوي نفسي خايفه منك قدامهم بس الحين انت قدامي أنا واذا ما بعدت بوط على نحرك
محمد ضحك : خوفتيني يابنت عزيز ما تقدرين تقربين ولا تتجرأين تسوينها
اقتربت جواهر منه تبي تضربه ألجم حركتها وهو يحاوط خصرها : اضربيني يلا
دفته بقوتها : ما راح اسويلك شي وبوافق ارجع لكن بشرط
تحمس لكلامها : وش شرطك ابشري بالي تبينها
ضحكت : تجيب لي نجمه من السماء ياحلو وقتها افكر اوافق
مسك يدها : وان كتبت نجمه بأسمك
ضحكت جواهر اكثر : وقتها تشوف حبي
