"အဆိုပါ စိတ်ရောဂါဝေဒနာရှင်၏ ပစ်ခတ်မှုကြောင့် လူ၃ဦးသေဆုံးပြီး ၅ဦးမှာ ဆေးရုံသို့ အရေးပေါ်ကုသမှုခံယူနေရပါသည်။
ဖြစ်စဉ်အသေးစိတ်ကို ဆက်လက်စုံစမ်းနေကြပြီး ကျူးလွန်သူတရားခံကိုလည်း အခင်းဖြစ်ပွားရာနေရာ၌ အရှင်ဖမ်းဆီးထားနိုင်ပြီးဖြစ်ကြောင်း သိရပါသည်"
အော်ပရေးရှင်းအခန်းအပြင်၌ ဆေးထိုးအပ်တန်းလန်းဖြင့် ထိုင်နေသူသည် tvဖန်သားပြင်မှ သတင်းတင်ဆက်သူပြောသမျှကို အသက်မဲ့နေသော မျက်လုံးများဖြင့် ငေးနေရင်း မျက်ရည်များလည်း စီးကျနေလျက်ရှိ၏။
နာရီပိုင်းသာရှိသေးသော်လည်း စိတ်၏ထိုးနှက်မှုများကြောင့် အိုမီဂါလေးမှာ ဖြူဖျော့နွမ်းလျလျက် ထိလိုက်တာနဲ့ ပဲ့ကြွေလုမတတ်အနေအထားမို့ ဘေးမှ မိတ်ဆွေအပေါင်းအသင်းများ၊ကိုယ်ရံတော်များမှာလည်း မထိရက်မကိုင်ရက်ဖြင့် နှစ်သိမ့်စရာများလည်း ပျောက်ရှနေကြသည်။
"နွေ....ရဲရင့်က ပြန်လာမှာပါ၊ ကျည်ဆန်က စိုးရိမ်ရတဲ့နေရာတွေကို ထိမသွားဘူးလို့ ဆရာကပြောတယ်လေ
မင်းလည်း နားလည်နေတာပဲ၊စိတ်ကိုလျှော့နော်"
"Jade.."
"အင်း"
"သူ ဘာမှမဖြစ်နိုင်ပါဘူးနော်"
"ငါ ရာနှုန်းပြည့်ပြောရဲတယ် နွေ၊ သူ မင်းဆီကို ပြန်လာမှာ၊
အဲ့ကောင်လေးက မင်းကို စိတ်ချလက်ချထားသွားမဲ့သူမဟုတ်တာ မင်းအသိပဲလေ
အခုတောင် ငါ မင်းနားမှာရှိနေတာကို ခံစားမိပြီး သတိလည်လာနေပြီလားမသိဘူး"
Jadeအရွှန်းဖောက်တော့ မျက်ရည်တွေကြားက အပြုံးတစ်စဖြစ်ထွန်းသွား၏။
ဟုတ်ပါသည်၊ရဲရင့်က ဒီပုံစံအတိုင်းနဲ့တော့ နွေ့ကိုထားခဲ့မည်သူမျိုးမဟုတ်။
ရဲရင့်ဖြစ်နေလို့ပဲ သူယုံကြည်ပေးရမည်။
"ဟော ထွက်လာပြီ နွေ"
"ဆရာ"
"ခွဲစိပ်မှုအောင်မြင်ပါတယ် နွေ၊ ကံကောင်းတာက ကျည်ဆန်က ပခုံးစွန်းနဲ့ နောက်ကျောဘက်ကိုပဲ ထိသွားပြီး တခြား စိုးရိမ်ရမဲ့နေရာတွေကို မထိသွားတာပါပဲ။ ခွဲစိပ်မှုက အားလုံးအဆင်ပြေပါတယ်
သူ သတိရလာဖို့ပဲ စောင့်ကြတာပေါ့"
