လက်ထဲက Sonogram(ultrasound picture)လေးကို ကြည့်ကာ ဂုဏ်ရဲရင့်လျှံတစ်ယောက် မယုံနိုင်ခြင်းများစွာနှင့် စိတ်လှုပ်ရှားနေမိရသည်။
သားဖွားမီးယပ်ပါရဂူကြီးက ခရီးကပြန်လာလာချင်း စမ်းသပ်ပေးကတည်းက အမြွာကိုယ်ဝန်ဖြစ်နိုင်ကြောင်း ခန့်မှန်းပေးခဲ့ပေမဲ့ သိပ်မသေချာတာမို့ မျှော်လင့်ချက်သိပ်မထားခဲ့။
ကိုယ်ဝန်၁၄ပတ်မှာတော့ အသေချာဆုံးအချိန်ရောက်ပြီမို့ ultrasoundရိုက်ခဲ့ပြီး အမြွာဆိုသောအဖြေကို တိတိကျကျကို ရခဲ့ပြီး နှစ်ယောက်လုံးမှာ မယုံနိုင်ခြင်းတွေနဲ့တူ စိတ်လှုပ်ရှားပျော်ရွှင်မဆုံး ဖြစ်နေရတာပင်။
"အခုအနေအထားအရ ကလေးတွေက ကောင်းကောင်းမွန်မွန်ဖွံ့ဖြိုးနေပုံပါပဲ၊နောက် ၄ပတ်လောက်ဆိုရင်တော့ ကလေးတွေရဲ့genderသိဖို့ ultrasoundထပ်ရိုက်လို့ ရပါပြီ"
"ဟို သားတုန်းကလိုပဲ ဒီတိုင်းမွေးလာမှပဲ သိလိုက်တာ ပိုကောင်းမယ်ထင်ပါတယ်"
"ဟင် မောင်ကလည်း ဒီတစ်ခါတော့ ကြိုသိရအောင်ပါ၊ နှစ်ယောက်တောင်ဆိုတော့ ကိုယ်လည်း သိချင်တယ်လေ"
"Ultrasound က ခဏခဏရိုက်ရင် ခင်ဗျားအတွက်ရော၊ကလေးတွေအတွက်ရော စိတ်ပူရတယ်လေဗျ"
"ဘာမှမဖြစ်ပါဘူးဆို၊ နှစ်ယောက်ဆိုတော့ ကလေးအနေအထားတွေကအစ ပိုသိဖို့လိုတယ် မောင်ရဲ့၊
နော် ဆရာကြီး ကူပြောပေးပါဦး"
"အင်း ဟုတ်တယ် ကိုရဲရင့်ရဲ့၊ side effectsလည်း ဘာမှမရှိပါဘူး၊
အစိုးရိမ်မလွန်ပါနဲ့ဗျာ၊ ကျွန်တော်အာမခံပါတယ်"
အိုမီဂါလေးက လက်မောင်းကိုလှုပ်ကာ ပူဆာနေသလို၊ ပါရဂူကြီးကလည်း တိုက်တွန်းနေတာမို့ နောက်ဆုံးတော့ ၄ပတ်နေရင် ultrasoundရိုက်ဖို့
ရဲရင့်လက်ခံလိုက်ရသည်။
အမြွာကိုယ်ဝန်လွယ်ထားရတဲ့ အိုမီဂါလေး စိတ်ချမ်းသာပျော်ရွှင်ဖို့ကသာ သူ့အတွက်တော့ အရေးကြီးဆုံးပင်။
"ဖြည်းဖြည်းဆင်း ချော်လဲဦးမယ်"
"အဟွန်း ဘာမှမဖြစ်ပါဘူး ရဲရဲလေးရဲ့"
ဆေးရုံလှေကားအဆင်းကို စိတ်ပူနေသူကို ရဲရဲလေးလို့ခေါ်ရင်း ကျီစယ်လိုက်တော့ မကျေနပ်သလိုကြည့်ပေမဲ့ ဘာမှမပြော။
ဒီတိုင်းတောင် အရိပ်တကြည့်ကြည့် အလိုလိုက်သူက ခုလိုကိုယ်ဝန်ဆောင်ချိန်မှာ ၁၀ဆလောက် ပိုပြီး အလိုလိုက်၊ဂရုစိုက်မယ်ဆိုတာတော့ တွေးမကြည့်တောင် သေချာလွန်းလှပါသည်။
