ဂုဏ်ရဲရင့်လျှံလက်ထက်မှာ ပိုတိုးလာသည့် စီးပွားရေးလုပ်ငန်းတွေ များစွာရှိသည်။
နိုင်ငံတကာနှင့်ချိတ်ဆက်ပြီး တိုးချဲ့လာတဲ့ စီးပွားရေးလုပ်ငန်းတွေပိုများလာလေ ဂုဏ်ရဲရင့်လျှံ၏ မိသားစုအတွက် အချိန်ပေးနိုင်ချိန်တွေ ပိုနည်းလာရသည်ကတော့ ခါးသက်သည့် အမှန်တရားတစ်ခုပင်။
အနောက်နိုင်ငံတွေထိ ချဲ့ထွင်နေတဲ့ လုပ်ငန်းတွေအတွက် ဒီနောက်ပိုင်းမှာ သူမကြာခဏ ခရီးတွေထွက်ရသည်။
တစ်လလုံးမှာ သူ့ရဲ့အိမ်မှာနေချိန်က ရက်သတ္တပတ်၁ပတ်မျှသာ ရှိတာမျိုးတွေဖြစ်လာသည့်အခါ အိုမီဂါဖြစ်သူနွေအရုဏ်ဦးရဲ့ သည်းခံနိုင်စွမ်းတွေ ကုန်ဆုံးသွားပြီဆိုတာတော့ အလုပ်ကြိုးစားနေသည့် အယ်ဖာကြီးမှာ မသိလိုက်ရှာပေ။
"သခင်လေးနွေ စိတ်လိုက်မာန်ပါမလုပ်ပါနဲ့၊ သခင်လေးဂုဏ်က ဒီညဖလိုက်နဲ့ ပြန်လာတော့မှာပါ
ကျွန်တော်ကိုယ်တိုင် သခင်လေးရဲ့PAနဲ့ ဆက်သွယ်အတည်ပြုထားတာပါ"
"သူပြန်လာလာမလာလာ ကျွန်တော့်ကိစ္စမဟုတ်ဘူး အိမ်တော်ထိန်းကြီး၊
ကျွန်တော် စိတ်လည်းမဝင်စားတော့ဘူး၊ သူလည်း သူ့ဘဝနဲ့သူပဲနေလိမ့်မယ်
ကျွန်တော်တို့သားအဖလည်း ကိုယ့်ဘဝနဲ့ကိုယ်ပဲ"
တဒိုင်းဒိုင်းဆွဲချလာသော ခရီးဆောင်အိတ်ကြီး၂လုံးနဲ့အတူ ၃နှစ်ခွဲအရွယ် ကောင်းမြတ်လွန်းလျှံလေးသည်လည်း မျက်လုံးအဝိုင်းသားနဲ့ ဘေးကလိုက်ပါလို့လာသည်။
အမြဲ နူးညံ့ပြီးပျော်နေတတ်သည့် မွေးဖခင်၏ တင်းမာခက်ထန်နေမှုကို ပထမဆုံးအကြိမ်ကြုံလိုက်ရသလို သူ့ပါပါးစိတ်ဆိုးနေတာ တော်ရုံမဟုတ်ဘူးဆိုတာလည်း အလိုလိုခံစားနားလည်နေတာမို့ ကစားနေကျအရုပ်တွေထည့်ထားသည့် လက်ဆွဲအိတ်လေးကိုဆွဲကာ မွေးဖခင်သွားရာနေရာကို လိုက်ဖို့ အဆင်သင့်ဖြစ်လို့နေတာပင်။
"မဟုတ်သေးပါဘူး သခင်လေးရယ်၊သခင်လေးရဲ့ heatကာလလည်း နီးကပ်နေပါပြီ၊
အိမ်မှာပဲ နားနားနေနေ'နေတာ ပိုသင့်တော်တဲ့အချိန်ပါ သခင်လေး"
"ရတယ် ဘာမှမလိုဘူး၊ ဟိုတစ်ယောက်ပြန်လာရင်လည်း ပြောလိုက်
သူပေးထားတဲ့အမှတ်အသားကိုပါ ခွဲစိပ်လိုက်မှာ၊ သူနဲ့ကျွန်တော်နဲ့ အားလုံးအပြတ်ပဲလို့"
