စင်ဂယ်လ်ခွေး အဆုံးသတ်စနစ် [စင္ဂယ္လ္ေခြး အဆံုးသတ္စနစ္] Mm Translation

(83.2)ဘော့စ်ရေ... ဦးနှောက်ပူပူလေးစားပါဦး/ေဘာ့စ္ေရ... ဦးေႏွာက္ပူပူေလးစားပါဦး

(Unicode)

Chapter (83.2)–ဘော့စ်ရေ... ဦးနှောက်ပူပူလေးစားပါဦး

ယခုအချိန်တွင် အဆင့်မြင့်ဇွန်ဘီဖြစ်သော သူ့အနာဂတ်ညီလေးသည် သူ၏ အထက်တန်းကျောင်း အတန်းဖော်များနှင့် အခြားအသက်ရှင်ကျန်ရစ်သူများထံမှ ၀န်းရံခံထားရလေသည်။

ချင်းလောင် မျက်တောင်ခတ်လိုက်ပြီး သူ့၏ အသက်မပါသော မျက်ဝန်းထဲ၌ လှည့်ဖြားလိုသော အရိပ်အမြွက်လေး ပေါ်လာသည်။

လျိုယုံသည် သိပ္ပံနှင့် နည်းပညာတက္ကသိုလ်၏ မျက်နှာချင်းဆိုင်မှ convenience store ထဲတွင် ပိတ်မိနေသည်မှာ နှစ်ပတ်ပင်ရှိခဲ့လေပြီ။

ဗိုင်းရပ်ပျံ့နှံ့လာချိန်တုန်းက လျိုယုံသည် သူ့ကောင်မလေးနှင့် convenience store ထဲ၌ စျေးဝယ်ထွက်နေတာဖြစ်ပြီး ဆိုင်ထဲ၌ တခြားစျေးဝယ်သူများလည်း ရှိကြသည်။

ထိုစဉ် သွေးတွေပေကျံနေသည့်လူတစ်ယောက် ရုတ်တရက်ကြီး ပြေး၀င်လာလိမ့်မယ်လို့ ဘယ်သူသိမှာလဲ။ ထိုလူက 'နေရာတိုင်းမှာ အပြင်ဘက်၌ မကောင်းဆိုးရွားတွေ လူတွေကို သွေးရူးသွေးတန်း လိုက်ကိုက်နေတယ်'ဟု ပြောလေသည်။

ဆိုင်မန်နေဂျာကလည်း convenience store ကို အချိန်နှင့်တစ်ပြေးညီ ပိတ်လိုက်သည်။ ဒီတော့ သူတို့သည် ကျောင်းကန်တင်းမှ လင်လျန်တို့လို တူညီသောအခြေအနေသို့ ရောက်ရှိခဲ့လေသည်။

အဲဒီ့နောက် အခြေအနေကို စောင့်ကြည့်နေကြစဉ်မှာပဲ အပြင်ဘက်မှ အခြေအနေအကြောင်း သတင်းထုတ်ပြန်ချက်ကို ရခဲ့ကြလေသည်။

ကံကောင်းထောက်မစွာဖြင့် convenience store ဆီ လာခဲ့သည့် သွေးတွေပေနေသောလူ၌ တခြားသူ၏ သွေးတွေသာ ပေနေခဲ့တာဖြစ်ပြီး ဒဏ်ရာမရထားပေ။

မဟုတ်ပါက သူတို့၏ဆိုင်ထဲရှိ လူတစ်ဒါဇင်လောက်သည် နှစ်ပတ်တာအတွင်း လုံခြုံစွာ နေနိုင်မည်မဟုတ်ပေ။

နှစ်ပတ်အတွင်း သူတို့သည် သိပ္ပံနှင့် နည်းပညာတက္ကသိုလ်မှ ထွက်ပြေးလာသော ကျောင်းသူ၊ ကျောင်းသား တစ်ဒါဇင်ကျော်ကို ကယ်တင်ပေးခဲ့သည်။

အခုဆိုလျှင် အစားအစာရဖို့ convenience store ထဲ၌ အပြေးအလွှားဖြစ်နေရလေပြီ။ ဒီအတိုင်းဆက်သွားပါက ဆာလောင်ပြီး သေကြရတော့မည်ပင်။