စင်ဂယ်လ်ခွေး အဆုံးသတ်စနစ် [စင္ဂယ္လ္ေခြး အဆံုးသတ္စနစ္] Mm Translation

(81.2)ဒီနေရာက 'ဂေးဘား' လား/ဒီေနရာက 'ေဂးဘား' လား

(Unicode)

Chapter (81.2)–ဒီနေရာက 'ဂေးဘား' လား

ချင်းလောင်သည် ဘားကောင်တာကိုမှီရင်း ဆက်ပြောပြန်သည်။

"အမ်... ဒီဘားမှာ ယောက်ျားလေးတွေချည်းပဲ တွေ့မိသလိုပဲနော်။ သူတို့ထဲက ဘယ်နှယောက်လောက်ကများ ဧည့်သည်ဖြစ်နိုင်လဲ။ ဒီနေရာက 'ဂေးဘား' လား..."

Bartender: "ဟစ်...."

ချင်းလောင်သည် ကျောကိုမတ်မတ်ပြင်ထိုင်ကာ မျက်မှောင်ကြုပ်လိုက်သည်။

"မင်းက ဘာဖြစ်နေတာလဲ။ ငါသိချင်တာ တစ်ခုခုရှိရင်တောင် မင်းကိုမေးလို့ မရဘူးလား။ မင်းကိုရော system တစ်ခုက ပိုင်ဆိုင်ထားတာလား။ တစ်ချိန်လုံး ရယ်စရာကောင်းတဲ့ မျက်နှာကြီး လုပ်မထားစမ်းပါနဲ့ကွာ..."

"ဟစ်.... ဟစ်...."

—  တောင်းပန်ပါတယ်။ ငါက 'ဟစ်.... ဟစ်....' ကလွဲလို့ ကျန်တာမပြောတတ်တဲ့ အဆင့်နိမ့်ဇွန်ဘီလေးတစ်ကောင်ပါကွာ။ ကျေးဇူးပြုပြီး တွန်းအားမပေးပါနဲ့ ကျေးဇူးတင်ပါတယ်...

စောင့်ကြည့်နေရင်း ရုပ်တရက်ဆိုသလို system လေး ခေါင်းကိုက်လာသည်။

— သူကတော့ မျှော်လင့်ချက်မရှိတော့ဘူး။ သူ့ host က တကယ်ပဲ စိတ်ပိုင်းဆိုင်ရာ ချို့ယွင်းချက်ရှိနေပြီ။

အလွမ်းသီချင်းသံများက ဘားထဲ၌ တဖြည်းဖြည်းချင်း လွင့်ပျံလာခဲ့သည်။

သီချင်းဖွင့်ပေးရန် တာ၀န်ယူထားရသည့် ဇွန်ဘီသည် နာရီဝက်လောက် အကြိမ်ပေါင်းများစွာ နားဒုက္ခပေးပြီး နောက်ဆုံးမှာတော့ ညာဘက်ကခလုတ်ကို ဖွင့်လိုက်ပုံပေါ်သည်။

"ဓူဝံကြယ်ရဲ့မျက်ရည်တွေ ××× စကားမပြောတတ်ဘူး ×× ထင်ပါရဲ့လေ ×××"

"ငါတို့ရဲ့ ××× ခြားနားလွန်းတဲ့ ×× အသိုင်းအဝိုင်းနှစ်ခုကြား ×××..."

ချင်းလောင်သည် နားထောင်နေရင်း သက်ပြင်းကျယ်ကျယ်ချပြီး ဘားကောင်တာပေါ် တံတောင်ဆစ်ထောက်ကာ ညင်သာစွာပြောလိုက်သည်။

"25 ရေ... အရသာခံ အကာအကွယ်ကို ဖယ်ပေးဦး... ငါသောက်ချင်တယ်"

"အိုး..."