Cinderella is Married To A Gangster! (Complete)

Chapter 41: Escape

Chapter 41:
"Escape"

Hawaii.

We are currently strolling hand by hand at the beach, para lang kaming newlyweds ni Blaze na dito sa Hawaii naisipang maghoneymoon. May mga katulad din kaming naglalakad lakad, yung iba naman ay nakaupo sa buhanginan habang nagku-kwentuhan.

Kami lang naman ni Blaze ang mukhang ewan dito. Paano naman kaming hindi magmumukhang ewan, mukhang bored na bored na ang expression ng mukha nya habang nagsi-sightseeing kami. Kung hindi pa kami magkaholding hands baka isipin ng ibang tao na magtropa lang kami na naligaw sa Hawaii.

Sa paglalakad lakad namin may nakita akong locals and foreigners na nagsu-surfing.

"Blaze! Mukhang masaya yun oh, i-try natin" Turo ko sa mga nagsusurfing.

"Ayoko" Tipid na sagot nya, ni hindi man lang nya tinignan yung tinuturo ko sa kanya.

"Kung ayaw mo i-try sige ako na lang"

Kung ayaw ni Blaze, ako na lang ang mag-e-enjoy para sa aming dalawa.

"Okay"

Lumapit kami sa mga nagsu-surfing at nagtanong kung saan pwedeng magrent ng surfboard na agad naman nilang itinuro. Ang sabi pa nila pwede kaming maghire ng magtuturo sa amin kung beginner pa lang kami sa surfing.

After naming makipag-usap sa may surfboard rental sinabi nila sa amin na maghintay na lang kami saglit at parating na din ang magiging instructor ko. Nakaupo kami ni Blaze sa ilalim ng malaking beach umbrella nung biglang may lumapit sa amin.

"Good Morning Mam, are you Miss Keira Aerondale?" Bati sa akin nung lalaki.

Ito na ba ang instructor ko? Naka-shorts lang sya at mukha lang syang normal na turista sa beach. Sasagot na sana ako pero inunahan ako ni Blaze.

"Mrs Keira Aerondale"

Tinitigan nya din ng masama yung magiging instructor ko na agad namang humingi ng pasensya.

"Sorry about that Sir"

Hindi na nagsalita pa si Blaze pero tinignan nya na lang ng masama si Kuya, na para bang winawarningan nya ito.

Para hindi na lumala ang tensyon niyaya ko na si kuya na simulan na ang surfing lesson namin, naiwan naman si Blaze sa ilalim ng malaking beach umbrella. Kahit na hindi ko sya nakikita alam kong binabantayan nya kami.

"Grabe, nakakatakot naman yun" Mahinang sabi ni Kuya habang naglalakad kami.

"Kuya pinoy ka din pala?"

"Yes Mam, buti na lang at hindi ako mano-nosebleed ngayon" Nakangiting sabi nya.

"Nosebleed talaga?"

"Opo, kahit na matagal na ako dito, feeling ko kapag kausap ko yung mga guest naming foreigners na-no-nosebleed pa din ako. Pero alam mo Mam baka magnosebleed nga ako ngayon dahil sa asawa mo"

"Ha? Bakit naman?" Nagtatakang tanong ko.

"Eh kasi Mam kahit na nakakatakot yung asawa mo ang gwapo parin nya!"

"Eh kung ako na lang kaya ang magpadugo ng ilong mo?"

"Si Mam naman, hanggang tingin lang naman ako, ikaw puro tikim, lamon pa nga ata"

Agad na namula ang mukha ko sa sinabi ng Instructor ko, kung ano ano kasing kahalayan ang sinasabi nya sa akin. Tikim? Lamon? Ano to parang ulam lang?

"Hay naku. Ituro mo na lang sa akin kung paano to para masimulan na" sabay turo ko sa surfboard.

Itinuro naman sa akin ni Kuya ang basics. Kung paano ang tamang pagdapa at pagtayo sa board pero bahala na daw ako sa balancing dahil pagdating dun wala na syang magagawa, sa akin na daw nakasalalay ang lahat.