Cinderella is Married To A Gangster! (Complete)

Chapter 42: Darkness

Chapter 42:
Darkness

"Stay here and lock the door. I'll be right back"

Yun ang huling sinabi ni Blaze bago sya umalis. Ang sabi nya maglalakad lakad lang daw sya saglit para tignan kung may malapit bang bahay or establishment na pwede naming hingian ng tulong.

But that was one and a half hour ago, hanggang ngayon hindi pa din bumabalik si Blaze. Nag-aalala ako para sa kanya pero nag-aalala din ako para sa sarili ko lalo na at mag-isa lang ako dito tapos wala man lang dumadaan na ibang kotse.

"Blaze asan ka na ba kasi?"

Nagpatugtog na lang ako gamit ang cellphone ko para mabawasan ang kabang nararamdaman ko.

Nakakatatlong kanta pa lang ako nung marinig ko ang pag-patak ng ulan sa bubong ng kotse. Agad na sumagi sa isip ko si Blaze. May nahanap kaya syang pwede nyang silungan? Paano kung nabasa na sya ng ulan?

Habang tumatagal mas lalong lumalakas ang ulan hanggang sa magkaroon na din ng kulog at kidlat. Napapatakip na lang ako ng tenga kapag kumukulog pero hindi ko naman maiwasang hindi pagmasdan ang paligid ko sa tuwing kumikidlat. Nakikita ko kasi ang lahat kapag may kidlat kaya naman napasigaw ako nung may maaninag akong nakatayo sa gitna ng daan di kalayuan sa pwesto ko.

Nung muli na namang kumidlat agad kong tinignan yung lugar kung saan may nakita akong tao kanina. Nakahinga ako ng maluwag nung wala akong makitang tao. Mabuti naman kung ganun, konti na lang at magpapanic na sana ako.

Nagpatugtog na lang ulit ako. Sinasabayan ko yung kanta nung hindi sinasadyang mapatingin ako sa gilid.

"Aaaaaaahhh!" Sigaw ko. May tao kasing nakatayo sa gilid ng kotse. Kinalampag nya ang bintana ng kotse kaya mas lalo akong napasigaw.

"Buksan mo nga to Keira! Basang basa na ako! Aish!"

"B-Blaze?"

Inaninag ko munang mabuti kung si Blaze nga ba talaga ang nasa labas, at nung makompirma kong sya nga talaga yun agad kong binuksan ang pinto ng kotse.

"Naku basang basa ka na Blaze!"

Mabuti na lang at dala dala ko yung beach towel na ginamit ko kanina kaya ipinunas ko ito sa kanya.

Nagsimula naman nyang hubarin yung pang-itaas nyang damit at medyo naistatwa ako nung makita ko ang katawan nya.

Bago pa man ako magkasala ng tuluyan, iniwas ko na ang paningin ko. Pero na-co-conscious pa din ako. Kahit na hindi ko na sya nakikita, nararamdaman ko naman na malapit lang sya sa akin.

"Keira" tawag sa akin ni Blaze ng mahina.

"A-ano yun Blaze?" sabi ko ng hindi tumitingin sa kanya.

"I'm feeling cold"

"H-ha?"

"Hug me"

Niyakap ko si Blaze katulad ng gusto nya pero parang gusto ko na kaagad bumitaw. Pakiramdam ko kasi napaso ako dahil sa sobrang init ng katawan nya. Nararamdaman ko din ang mainit na hininga nya sa leeg ko at medyo nakikiliti ako dahil dito.

"A little more and I'm gonna lose control K-keira, now is a good time to push me back"

Hindi ko masyadong naintindihan ang sinabi nya kaya hinayaan ko lang syang yakapin ako kaya naman medyo nagulat ako nung maramdaman ko ang labi nya sa tenga ko.

"B-Blaze, a-anong ginagawa mo?" Kinakabahang tanong ko.

"If I told you to trust me. Will you trust me Keira?"