காதலில் விழுந்தேன்!!

59

ராஜி:

" மதி சாப்பிட வா. 2 நாள் ஆச்சு நீ இங்க வந்து. ஒழுங்கா சாப்பிட உனக்கு கத்துக்குடுக்கனும் போல. "

" நான் அப்புறம் சாப்பிடுறேன் டீ. நீங்க இப்ப சாப்பிடுங்க."மதி

" யம்மா மதன் வேற நூறு தடவ ஃபோன் பண்றான் நீ சாப்பிட்டியான்னு. அவனுக்கு நான் பதில் சொல்லனும் . வா."- நான்.

" அவனுக்கு நான் எப்படி போனா என்ன?? "

" நீ இப்படிலாம் சொன்னா அவ கேக்கமாட்டா. போய் சாப்பாட இங்க எடுத்திட்டு வந்து குடு"- ஷங்கர்.

கஷ்டபட்டு அவள சாப்பிட வைக்கிறதுக்கே எனக்கு இப்போலாம் நேரம் போதல.

" நீ போய் ஷங்கருக்கு சப்பாடு போடு. நான் சாப்பிட்டுக்குறேன். "

" அவன் சாப்பிட்டா .. ம்ம் அவர் சாப்பிட்டுப்பார் டீ. "-நான்.

முன்னாடிலாம் அவர் தான் சமைப்பார். இப்போ நான் தான். ஒரு மாசமா நான் தான் இதெல்லாம் பார்க்குறேன். முதல்ல நீ செய்யவேண்டாம்னு முரண்டு பிடிச்சாரு. அப்புறம் விட்டுட்டார். ஆனா அவர சீக்கிரம் இழந்திடுவேனோங்குற பயம் என்னை சுத்தி சுத்தி வருது .

ஏன்னு கேக்குறீங்களா??

நான் சாப்பிட்டேனான்னு முன்னலாம் ராணி அக்கா ட்ட டெய்லி கேப்பார். ஆனா இப்ப சுத்தமா என்ன கண்டுக்குறது இல்லை.

என்னாச்சுன்னு தெரில.

" என்னாச்சு ராஜி??" மதி

" ஒன்னுமில்லை டீ. சாரா எப்படி இருக்கான்னு யோசிச்சேன்.ஈவ்னிங் போல அவளுக்கு கால் பண்ணி பேசலாம் டீ. "நான்

" நீ பேசு. நான் பேசல டீ. கல்யாணம் ஆனத ஒரு வார்த்தை கூட யாருமே என்கிட்ட சொல்லல. "-மதி

" தப்பு தான் டீ. ஆனா நடந்து முடிஞ்சத பத்தி எதுமே பேசமுடியாது மா. உன் அளவுக்கு எனக்கும் அவ மேல ரொம்ப கொவம் இருக்கத்தான் செய்யுது.என்ன பண்ண முடியும். நம்ம யாருக்கும் மணவாழ்க்கை சரியா அமையல. நம்ம ராசி அப்படி போல. "- சொன்னதுக்கு அப்புறம்தான் ஒரு விஷயத்தை உணர்ந்தேன்.