AnGeL frOm tHe HeLL (kyrayle23)

CHAPTER 20

CHAPTER 20

                              Hindi makatulog ng gabing iyon si Matt, marahil ay nanibago sya sa bago nilang tirahan ng asawa. Kahit pagod galing sa mahabang byahe ay hindi sya dinalaw ng antok.

                         Naubos na rin nya ang dalawang bote ng beer na binili nya sa 7-11 na naroon sa kasunod na iskinita mula sa kanilang bahay nang mailipat nya kanina si Myles sa kanilang higaan dahil nakatulog na ito sa sofa nang magbalik sya galing sa banyo upang maglinis at magbihis, ngunit hindi pa din sya makatulog.

                        Alas dos na ng madaling araw, may bumabagabag sa kanyang pagkatao. Ngayon na narito na sila ni Myles sa Pilipinas ay kailangan na nyang umpisahan ang pag-iimbestiga tungkol sa asawa.

                  Mahal nya ito ngunit parang may mali rito na nais nyang malaman. Ngunit nasisiguro nya at ipinangako sa sarili na patuloy nya itong mamahalin anuman ang malaman nya tungkol rito.

                Asawa nya ito at pinakasalan, nangako na hindi ito iiwan at handing alagaan hanggang sa pagtanda nila sa hirap man o ginhawa, iyon ang mga pinangako nya sa harap ng altar nang iharap nya ito roon kaya karapatan din nyang malaman ang lahat-lahat sa pagkatao nito.

               Mahirap sa kalooban nya na nagsasama sila sa isang bubong bilang mag-asawa na laging binabagabag ang kanyang kalooban para rito.

                Naisipan nya na kumuha ng private investigator upang bantayan ang lahat na ikinikilos nito.

Kinabukasan…