CHAPTER 21
Hindi nag-aksaya ng panahon si Matt, matapos ang ilang linggong pamamalagi sa tahanan nila ni Myles ay balik-trabaho na agad sya.
Hindi din sya nag-aksaya ng panahon na komontak ng isang pribadong imbestigador para sa asawa.
Pinapunta nya ito sa kanyang opisina upang kausapin at nang maayos na ang kanilang pag-uusap ay binayaran na nya ito ng paunang bayad para sa gagawin nito.
Bukas ay masusubaybayan na nila ang kinikilos ni Myles. Huminga ng malalim si Matt, tinatanong nya ang kanyang sarili kung tama ba ang kanyang pinapagawa laban sa sariling kabiyak.
DALAWANG BUWAN ang mabilis na lumipas…
Muling nagpakita kay Matt ang imbestigador na binayaran, dala-dala ang mga litrato na nakuhanan nito.
Inilapag nito iyon sa kanyang harapan.
Habang nasa trabaho si Matt ay umaalis ang babae na mag-isa. Base sa mga nakuhang larawan ay nagpupunta ito sa bahay ng mga magulang nito, sa simbahan at nagtitirik ng kandila, at sa doctor nito.
Base sa mga iyon ay wala nang ibang ginagawa ang asawa. Wala naman kahina-hinala roon. Ngunit isang sobre ang muling inabot sa kanya ng lalake. Kuha iyon kani-kanina lang bago ito nagtungo sa kanya.
Nang maiabot sa kanya iyon ay bahagya syang kinabahan kahit na hindi pa iyon nakikita. Kinuha nya ang litrato sa loob ng sobre, nakita nya ang asawa kasama ang mag-asawang Cabaliero at masayang mag-uusap.
Ang mag-asawang ito ay ninang at ninong nila sa kanilang kasal kaya hindi ito kahina-hinala. Walang masama sa nakuhang litrato sapagka’t dumalaw lamang roon ang asawa at malamang ay kinamusta ang dalawang matanda ayon sa hiling ng mga ito noong araw ng kanilang kasal.
BINABASA MO ANG
AnGeL frOm tHe HeLL (kyrayle23)
Mystery / ThrillerNamatay sa isang car accident si Myles dahil sa sobrang kalasingan at lango sa ipinagbabawal na gamot...akala nya ay doon na magtatapos ang lahat para sa kanya, ngunit nagkakamali siya. Dahil sa siya ay makasalanan noong nabubuhay pa dito sa lupa,n...
