Written by:Jasmin Milar
Edited by:Marielle De Castro
Aking sinta sambitin
Ang dalawang salitang nagdurugtong sa mga puso natin
Na syang pangunahing paksa
Sa pagsulat ng Tula
Ito ang mga katagang Mahal kita
Na wala ng iba
Unawain, bigyang pansin ang aking saloobin
Intindihin ang aking sasalaysayin
Di na gagambalain pa Kaya iyo nang simula't basahin na
Sa pagkurba ng aking mga labi
Ikaw ang rason sa namumutawing ngiti
Rason sa pagpasok ng maaga
Dala ang positibong pananaw at sigla
Ikaw ang nagbibigay lakas sa unos na dinadanas
Sa magulong mundo't tinatahak na landas
Pumikit,magbalik tanaw
Kung paano natin sinabayan ang mundo sa paggalaw
Ngunit teka ,tila kay bilis ata
Ang usad ng aking Tula
Sa paglalahad kung paano naging ganito
Kaya Mahal ako'y muling magsisimula
sa kung paano naging tayo
Natatandaan ko pa noon kung paano ang ating mga mata'y nagtama
Mga matang naghahanap nang kalinga
Nung mga panahon na wala pa ko sayong nararamdaman
Nagagawa pa nga sayong makipagtitigan
Ng walang kilig at pagkadisgusto lamang Ang bumubuo sa aking isipan
Pero marami nang nagbago sa kasalukuyan
Malayong malayo sa nakaraan
Kung saan ang mga titig mo
Ang sya ng bumubuo sa araw ko
Naalala ko pa kung saan may iba akong pinagtutuunan
Ibang tao na naging rason ng aking kasiyahan
Malayong malayo sa kung anong meron tayo ngayon
Dahil ikaw na ang aking inspirasyon
Kung saan ngayon sayo na nakalaan
Ang buong atensyon at nararamdaman Tumingin sa kalangitan
Tila may nagbabadyang kalamidad kung iyong pagmamasdan
Ang pagkulog ay iyong obserbahan
Pakinggan at tignan ang bawat patak ng ulan
Ito'y ihalintulad sa aking tunay na pagmamahal na sayo'y pinararadam
Kung paano ito nangyari ay hindi rin alam
Tila isipan ay biglang binagyo
Tila tinamaan ng kulog at nagbigay ng isang malaking pagbabago
Noong una ay naguluhan
Nagulumihan at pilit pinigilan
Pilit itong iwinaksi sa aking sistema
Isinantabi at ipinagwalang bahala
Nag aalinlangan kung ito ba'y sasabihin sa iyo
Hanggang sa dumating ang araw na nagtapat ka sakin mismo
Na ikaw rin pala'y saakin ay may gusto
Kaya natuwa ang aking puso
At ang magulong isipan biglang gumawa ng desisyon
Na gumawa nang aksyon
Hanggang sa naging tayo
Ang dati lamang na ikaw at ako
Nararamdama'y patuloy na lumalalim at lumalago
Lumiwanag ang dating madilim na mundo
Alam namang ito ay may kalakip
Kaya sana sa pagkalunod ay iyong masagip
Sa pagsugal ay wag sayangin
Mga bagay na ipinagwalang bahala para ikaw ay mahalin
Mahal,hiling ko sana'y di matulad sa pait at alat
Ng mga tula't sanaysay na aking sinusulat
Na sana di magkaroon ng wakas ang istoryang satin tumatakbo
Na syang nangyayari sa aking mga obra na palaging may wakas sa dulo
Ipangako na mananatili ka sakin ,Sinta
Muli ,sambitin ang mga katagang Mahal kita
Tumingin sa Kanan at kaliwa
Ano man ang instruksyon nila
Sayo Lang itutuon Ang aking mga mata
Asahan mong ito'y di mangangaliwa
Puso ay sayo lang
At sa isipan ay ikaw lamang
