Written by:Marielle M. De Castro
Hindi man sigurado
Kung aabot ka ba sa dulo
Kasama ang iyong pangako
Na hindi ka susuko
Kaya humakbang na ako
Upang mas mapalapit sayo
Isa dalawa tatlo
Pagsisimula ko
Ngunit bigla akong napahinto
Napaisip muli ako
Tama ba ang desisyong ito?
Na ako'y susugal sayo
Susugal na ikaw ay hindi hihinto
Na hindi malilito
Na hindi susuko
Na ako lang ang mahalin mo
Susugal ako
Kahit natatakot sayo
Natatakot na bigla kang magbago
Na bigla ka nalang umurong palayo
Susugal ako
Kahit hindi sigurado
Na ika'y lalaban kasama ko
Na hindi kailan man mang-iiwan sa dulo
Apat lima anim pito
Sumugal na nga ako
Hindi na nagdalawang isip pa
Lahat ay aking itinaya
Ngunit sa pagsugal na ito
Mukhang ako'y natalo
Bigla kang nagtapon ng mga baraha
At muling nagbalasa
Sa bagong baraha na hawak mo
Hindi na ako ang iyong kasama
Kasama sa iyong mga plano
Dahil mukhang may bago ka na
Ang tanga ko ba?
Dahil ako'y umasa
Na ako'y iyong ipaglalaban
At hindi susukuan
Marahil ang tanga ko nga
Dahil inisip na susugal ka
Na susubukan mo
Kahit hindi sugurado
Ngunit you play safe sa iyong laro
Dun ka sa sigurado
Na ika'y mananalo
Kaya ika'y nagpalit at nagbago
