Written by: Marielle M. De Castro
Hiling ko na sanay' kasama
Kasama kang tumanda
Habang buhok ay ubos na
At balat ay kulubot na
Hiling ko na sana'y ikaw na talaga
Hindi panandaliang saya
Kundi pang matagalang biyaya
Hindi kailan man mawawala
Ngunit mukhang tutol si bathala
Dahil hindi tayo pinag-isa
Kaya pinalaya ang isa't isa
At nabuhay nang hindi magkasama
Nagkaroon nang sariling pamilya
Ngunit ikaw parin sinta
Kahit alam kong hindi ito tama
Ikaw parin ang nais makasama
Wala akong magawa
Ito na yata talaga
Ang plano ni bathala
Para sa ating dalawa
Kaya iyong tandaan na ikaw ang aking una
Ngunit hindi ang huli na syang dapat kasama
Ang sakit sinta
Na hindi tayo tinadhana
