"လ၀န်း တကယ်ပဲပြန်ချင်ပြီလား .... "
မဟာသွေး၏ အမေးကို ခေါင်းအကြိမ်ကြိမ်ငြိမ့်လျှက်အဖြေပေးလာသည့် လ၀န်းမကိုကြည့်လျှက် သူ ပြုံးသွားမိတာ အမှန် ။
ပြန်ချင်တော့မှာပေါ့ ဒီနားပတ်ဝန်းကျင်မှာ သူအနှံလျှောက်လည်ပြီးပြီလေ ထပ်လည်ပတ်စရာနေရာမရှိတော့ ပျင်းလာတော့မယ်ဆိုတာ အစောကတည်းက သိနေနှင့်ပြီးသားပဲ ။
"ဟုတ် ပြန်ချင်ပြီ ကိုကြီး လ၀န်းတောင်ပေါ်မှာပဲ တစ်သက်လုံးပုန်းအောင်း မနေချင်ဘူး "
ပုန်းမနေချင်တာက နည်းနည်း ပျင်းတာက များများပါ လ၀န်းမရယ် နင့်အကြောင်း မသိရင်ခက်မယ် ။
"တောင်ပေါ်မှာ တစ်သက်လုံးမနေရပါဘူးကွာ သွေးလပြည့်နေ့မရောက်ခင်ကာလတစ်ခုအထိပါပဲ မှန်ရာဆိုရရင် ကိုယ်အနေနဲ့ လ၀န်းကို ဒုတိယအကြိမ် အဆုံးရှုံးမခံနိုင်တာ အမှန်ပဲ "
"လ၀န်း မကြောက်ပါဘူး ကိုကြီးရယ် ဒင်းတို့ကို ဒီတစ်ကြိမ်မှာတော့ ဘယ်လို အခွင့်အရေးမှ မပေးတော့ပါဘူး "
"ကိုယ်လဲ ကာကွယ်ပေးထားမှာပါ ... "
ကျန်တာတွေတော့ သေချာမပြောနိုင်ပေမယ့် မဟာသွေး အသက်စွန့်ကာကွယ်မယ်ဆိုတာကိုတော့ဖြင့် သူယုံကြည်သည်။ အခုအချိန်ထိ တောက်လျှောက် စောင့်ကြည့်လာသမျှမှာ မဟာသွေးဆိုတာ အသက်ကိုပင် ပေးဝံ့သည့် လူတစ်ယောက်ပင် မဟုတ်လား ။
"လ၀န်းကိုယ်တိုင်လဲ ကာကွယ်နိုင်နေတဲ့အပြင် ကိုကြီးကလဲကာကွယ်ပေးထားတော့ လ၀န်းအနေနှင့်ဘာဆို ဘာမှကြောက်နေစရာမလိုတော့ဘူးလို့ ထင်တယ် ... "
"ကျွတ် .... ပြောရခက်လိုက်တာ လ၀န်းရာ .... "
"မခက်ပါဘူး ကိုကြီးရယ် ဇေယျာမင်းတို့ အုပ်စုကို လ၀န်းလုံးဝ မကြောက်တာ ကိုကြီးလဲ အသိသားနဲ့ သူတို့ကြောင့် လ၀န်းရဲ့ လွတ်လပ်ပိုင်ခွင့်တွေကို အဆုံးရှုံးမခံနိုင်ဘူးကိုကြီး ... အခုအချိန်ပြန်တွေ့မယ်ဆိုရင်တောင် သူတို့ ပုန်းအောင်းနေရမယ့် အလှည့်ရောက်သွားပြီ ဘာကြောင့်လဲဆိုတော့ လ၀န်းသူတို့ကို လိုက်ပြီးနှိမ်နင်းတော့မှာ ..."
YOU ARE READING
Demon King (ကဝေ့ဘုရင်)
Spirituellesမမြင်နိုင်တဲ့လောကဆိုတာ ဒီကမ္ဘာကြီးပေါ်မှာရှိနေပါတယ် အဲ့လိုပဲ ထူးဆန်းတဲ့ အတတ်ပညာတွေလဲ လောကမှာ အများကြီးရှိပါတယ် စုန်း ကဝေ သရဲ တစ္ဆေဆိုတာတွေလဲ ....... စုန်းတိုင်း ကဝေတိုင်း မကောင်းကြတာမှ မဟုတ်ပဲ .... လူတွေမှာလဲ လူကောင်းနဲ့ လူဆိုးရှိသလို စုန်းတွေမှာလ...
