အိမ်ငယ်လေး၏ သက်တမ်း ငါးဆယ်ကျော်မှ ဒီမီးဖိုဆောင်လေးကို ပထမဆုံး စတင်အသုံးချခွင့်ရတာဖြစ်သည် ။
သူမလေး၏ အမိန့်စကားအတိုင်း သူ့မှာ စားပွဲတွင်ထိုင်လျှက် သူမပြင်ဆင်ပေးနေတာကိုပဲ အသာကြည့်နေခွင့် ရတော့သည် ။ ဖြူနွဲ့နွဲ့လေးနှင့် မကြာခင်ကမှ သူမကိုယ်တိုင်ခူးဆွတ်လာသည့် အသီအနှံများနှင့် ပန်းပွင့်များကို ခြွေသည့် ပန်းတွေခြွေ အခွံခွာသည့် အသီအနှံများကို အခွံခွာလျှက် စက်အကူအညီမယူပဲ ပန်းပေါင်းဖျော်ရည်ရအောင် ပြင်ဆင်နေခြင်းဖြစ်သည် ။
ထိ်ု့အပြင်သူစားရန်အတွက် အသီအနှံများကိုလဲ ခွဲစိပ်လျှက်သေသပ်စွာပြင်ဆင်နေပြန်သည် ။
"ကိုကို ......ဘာလို့ထတာလဲ ထိုင်နေပါ လူကမှ အားသိပ်မရှိသေးပါဘူးဆို "
"အကောင်းကြီးပါကွ"
"မရဘူး ကိုကို ထိုင်နေရမှာ ..... လ၀န်းပြင်ဆင်ပေးမယ် "
"ဒီကလေးတော့ ... "
"အံမာ .... ဘာမှမပြောနဲ့ ဟုတ်ပြီလား ကိုကို .... "
"ကဲ သဘောကွာ ..... "
သူမနိုင်သူဆိုလို့ ထိုမိန်းကလေးပဲရှိမည်ထင်သည် ။
"ကိုကိုသိလား "
"ဘာလဲ လ၀န်းငယ် ...... "
"ဘာဆို ဘာမှ မသိခင်အချိန်တုန်းကလေ ကိုကြီး အသီးအနှံကိုပဲ စားသုံးတာကို ဘာ့ကြောင့်လဲဆိုတာ သေသချောချာ မသိခဲ့ဘူး "
လ၀န်း၏ စကားကြောင့် သူနည်းနည်းတော့ပြုံးသွားမိသည် ။ ထိုအချိန်က သူဘာလည်းဆိုတာကို သိသလို မသိသလိုဖြစ်နေသည့် လ၀န်းငယ်အတွက် ထူးဆန်းနေမှာတော့ အမှန်ပင် ...။ သူကလည်း ရေရေရာရာ ဘာတစ်ခုမှ မရှင်းပြခဲ့သလို သူမမေးတိုင်း အချိန်တန်လျှင်ဆိုသည့် စကားတစ်ခွန်းနှင့် နှုတ်ဆိတ်နေခဲ့တာ မဟုတ်လား ။
"အခုရော .... "
"အဟင်း ...... သိသွားပြီ .... ကိုကိုပြောခဲ့တဲ့ အချိန်တန်သွားပြီထင်တယ်နော်"
ဒီတစ်ချိန်မှာတော့ ငေးကြည့်နေမိသူက သူဖြစ်လျှက် ကြည်လင်တောက်ပစွာနှင့်ပြုံးရယ်နေသူက လ၀န်းငယ်ဖြစ်သည် ။ သူမပြောခဲ့သလို အချိန်တန်သွားပြီပဲလေ ....။ ပြောပြလို့သိတာထက် သူမကိုယ်တိုင်အသိနှင့် သိသွားခဲ့ခြင်း ....။
YOU ARE READING
Demon King (ကဝေ့ဘုရင်)
Spiritualitéမမြင်နိုင်တဲ့လောကဆိုတာ ဒီကမ္ဘာကြီးပေါ်မှာရှိနေပါတယ် အဲ့လိုပဲ ထူးဆန်းတဲ့ အတတ်ပညာတွေလဲ လောကမှာ အများကြီးရှိပါတယ် စုန်း ကဝေ သရဲ တစ္ဆေဆိုတာတွေလဲ ....... စုန်းတိုင်း ကဝေတိုင်း မကောင်းကြတာမှ မဟုတ်ပဲ .... လူတွေမှာလဲ လူကောင်းနဲ့ လူဆိုးရှိသလို စုန်းတွေမှာလ...
