ضياء
ركنت السيارة باب بيتي صار لي اسبوع ببغداد و اليوم راجع للحلة شغلي متعب و يطلب مني سفر هواي
اني صيدلاني بس اشتغل مندوب ادوية لان ما احب كعدة الصيدلية و روتينها الممل لان بطبعي احب اسافر و احسه راحة الي
قفلت السيارة و نزلت لبيت اهلي
تلكتني أروى اختي الصغيرة و الوحيدة
هااا ضيو شجبتلي وياك ؟!
ضربتها ع راسها بخفة
انتي مناوية تكبرين يعني شجيبلج وياي ابرة مثلا
عفست وجهها و كالت
و اني انتظرك من الصبح لسة لو ادري تجي خالي اليدين جنت ما نتظرتك و رحت اكمل نومتي
لج شو طولان لسانج و صايرة مصلحجية
لا عيني اني كبرانة و انت غركان بشغلك بلا متحس اختك الصغيرة صار عمرها 15 سنة
و اشرت بإديها بوجهي
صحت بيها
تعاي لج تعاي ... خلي اربيج ام لسان طويل
ركضت شردت من كدامي و اني لحكتها اركض وراها
هي راحت للصالة تصيح
بااااابااااا الحكني ضيو يريد يضربني
طبيت لكيتها خاتلة ورا الوالد دا يصلي و يهز راسه و يحجي بصوت عالي
ااالله اااااكبر ..
و يصلي بصوت عالي
همست الها و هي حاطة ايدها ع حلكها تضحك
اني الج بسيطة مراح يضلج هنا اليوم كله اول و تالي طالع
كعدت ع القنفة متاني الوالد يخلص صلاة حتى اسلم عليه
التفتت الها
روحي صبيلي غدة جوعان
تباوعلي تخاف مني
راح اروح بس عليك الله لا تلحكني
سلم ابوي و التفت الها و حاجاها بحزم
امشي بابا صبيله اكل
صار
كمت سلمت عليه و كعد يمي و ضل يسألني ع شغلي
خطية هواي لح علية الزم شغله بس ما احب لذلك اخوي الزغير تكفل بيه عني و اني انسحبت و ضليت اشتغل باليعجبني
حطت اروى الغدة و كعدت اكل من زمان ما ماكل اكل بيتنا
لاحظت امي ماكو طول هالفترة
اكول بابا امي وين ما شفتها
راحت لبيت عمك جاسم
خير اكو شي ؟
بنت عمك جاييها خطابة و اليوم مشية النسوان و خطية مثل متعرف ما عدها لا ام و لا خوات يتيمة و اني كلتلها روحي يمها
حطيت الخاشوكة ع صفحة احسن من ماتوكع من و بهدوء و برود سألته أخاف قلبي يرجع يحن بعد ما شلتها او تناسيتها من صارت لابن عمي العزيز
شنو!! ليش الاستعجال ؟
مكدرت احجي اكثر اخاف يضهر ع نبرتي شي و انصدم اني اول شي
