كيان
فركت وجهي اريد اصحصح الولد عماد كاعد كدامي و مدا افتهم شيحجي عقلي فاصل
وهو مقصر بس يسولف و اريد اجمعلي كم كلمة افهمها منه ماكو
تثائبت بصوت عالي و مطيت جسمي
التفتت عليه و كتله ببرود
الله وكيلك حرف ما فهمت من الحجيته كله
عبس وجه و كال
ذيب صدك تحجي !!!
هزيت راسي و كتله
اي و ربي ... توني كاعد من النوم مطفي و لسة فاصل ع الاخذته البارحة و حضرة جنابك تحجيلي ع ابن خالتك مدري منو
ذيب صحصح ضروري تفهم السالفة
اشرتله بيدي و كمت
عود بعدين افهم هسة معدتي دا تستغيث من الجوع
كام ضايج كال
اكعد اني راح اجيبلك شي تاكله
براحتك بس لا تتاخر لان حموت من الجوع
لا تلح
رحت غسلت وجهي و خليت راسي جوة المي حد ما صحصحت عدل يلا وخرت راسي
و الشباب بس شافوني اجوي و حاطوني و ظلو يسولفون و اني ادخن و اجاريهم بالحجي ..
اجة عماد وبيده لفة و كوب جاي
تسلم ابو الشباب
تدلل
شفته اشر للشباب كلهم كامو صفينه اني وياه
دا اكل باللفة و التفتت له
شبيك طردتهم جانو مونسيني
عود غير وكت اكعد وياهم هسة اني اريدك بشغلة
يوووه اني ما اخلص منك يعني ... مراح يطلع اكل راح ينكلب سم
هي لفة لا تسويها قصة ابلعها و انتبه لي زين
خليتها لكمة وحدة و التفتتله كوة احجي حلكي متروس
يرضيك هيج ..
ضحك و كال
خرررب ... يلعن بليسك ... ع العموم فتح وياي زين
هزيت راسي بمعنى كمل اسمعك
شوف كيان اني اريد اكلفك بشغلة هنا بالسجن و مالي غيرك ... بس انت تكدر لهالحمل
عكدت حاجبي
يا ستار ... معتاز فلوس ؟
لاااا شلي بيهن اذا تريد اني انطيك ... شوف اكو واحد هنا مسوي علية فضل كلش جبير ولو اضل طول عمري احاول اسدده هم مراح افك دينه عني ... و هذا الشخص اجة هنا قبل فترة طبعا هو جان يشتغل بالدولة و صيته ذايع فمن نقل هنا شافوه هواي اشخاص الهم عداوات سابقة وياه و يردون يستغلون الوضع و يكتلوه
و اني شنو بالموضوع
مو هنا هو الموضوع اريد اسدد الي بركبتي تجاهه و تساعدني بحمايته و تراقبلياه من اكون اني مشغول و بالمقابل التريده يصيرلك هنا
هاااا شكلت
