كيان
طلعت بسيارتي لبغداد وهناك نزلت ببيت الشباب
قرود هناك و ضليت يمه
جنت حاير شلون راح اجيب حامد و اخلي ينفذ الطلاق بلا عناد و مشاكل
و ماكو غير بس طريقة وحدة اجيبها بي وهو الممنون وهو اشتري بالفلوس
خابرت ع صديقي ضابط بالاستخبارات
الووو هلو ايمن وياك كيان
اهلا و سهلا هلا بيك خيي .. شخبارك شذكرك بينا
رايد اكلفك بشغلة ... و انت كدها ان شاء الله
أي تؤمر اطلب و اني بخدمتك
خادم ربك حبيبي ... شوف خيي اريد منك تجيب لي رقم و معلوماته بالتفصيل لفد واحد
إي صار تدلل غالي و الطلب رخيص ... هسة اني بشغلي فد يومين و تجيك المعلومات التريدها ليمك
بس دزلي اسمه الثلاثي و وين ساكن
تمام يا وردة اول ما اسده ادزلكياه
سديت الفون منه و دزيتها بمسج
طلعت بالليل اني و قرود لان مقرر اشتري بيت قريب عليهم ما اامن بس يمهم
مدام عندي فلوس
شفت اكثر من بيت مرتب و حلو و كلش قريب ع بيت الشباب بس المبالغ شوية هواي فداينت من قرود و اشتريت البيت
ع بعد بيتين عنهم ضلينا نشتغل بي اني و قرود صبغ و تشطيبات كلش هواي
نطلع اله الصبح و نرجع اخر الليل
اسبوع خلصنا ببيتي و بعد ما عايز شي غير بس الاثاث و خليته لشعار آخر حد ما تستقر الاوضاع
رجعنا للبيت هلكانين قرود نام و اني ضليت ما اجاني نوم من اتعب ما اكدر انام
كعدت برة بالحديقة بالليل و الجو حلو حطيت باكيت الجكاير و ضليت ادخن
العقبة الوحيدة بطريقي حاليا هي حامد و شلون راح اقنعه يطلك بلا مشاكل
سمعت صوت رسالة وصلني شفتها جانت من صديقي الضابط
جان بي معلومات و ملفات و مستندات و كل شي يخصه
فتحتهن وشفت المصايب
طلع شغله كله بالممنوعات اشوفهن الملفات و اضحك
و اخيرا راح الزمه من ايده التوجعه
ذني بيدي اودي بستين داهية بس اوصلهن لاي مركز شرطة
دكيت رقمه مستعجل حيل و كلش حاب اذله لهذا الشخص
اكثر من مرة اتصلت بس ما رد
ضليت ساعة كاملة منتظر يرد او يرجع يتصل بس ماكو
صارت الساعة بالوحدة بالليل سديت الفون و طبيت انام
ومن كد ما تعبان كعدت ب٢ الظهر
تغديت وية قرود سوة و ضلينا كاعدين ع فيلم اكشن خلصنا اني و الخبل كله صياح و من كد الحماس كل شوي واحد ضارب الثاني
دك فوني باوعت شفته رقم حامد كمزت من مكاني و نصيت الصوت و اشرت لقرود يسكت
ضل يباوع مستغرب لان بسرعة صرت جدي
فتحت الفون و اجاني صوته
الووو منو وياي
ضحكت بيني و بين نفسي لك اني الي راح يجيب اخرتك
