زهراء
وكع الفون من ايدي و عيون خالتي ام كيان علية
اي خبر ابدي خبر اضرب من الثاني
بلعت ريك و احس بالم قوي ببطني
اجت خالة ام كيان و ايدها ع صدرها وجها اصفرو بناتها لازماتها
همست بصعوبة اول وتالي لازم تعرف اصلا كلبها
جان حاس
البقاء في حياتج خالة
فتحت خالة عيونها و ترنحت رادت توكع بس البنات وكفنها
ما اكلكم شنو صار بعد هالخبر الصاعق
و الاضرب كيان !
ضل بالي يمه
خاصة من كال صاير عنده عجز قلبي
متت خوف و بجي و صرت ادك ع الولد محد يرد علية
البيت انكلب و اجو عمام كيان وولد عمامه و نسوان و جيران ما اعرف احد
خالة تخربطت و ضليت يمها انخفض ضغطها و اجة ولد اخذها هي و بتها هدى مقبلو اروح وياهم
كلبي يوجعني ع كيان و بس ردت اعرف اخباره شلونه
لليل و اني ع نار اتصل عاصي ركضت طلعت ورا المطبخ محد هناك ما كلت لاحد ع كيان
حاجيته بلهفة
الووو ها عاصي شلونه كيان
رد بس صوته حيل تعبان
زين ... حالته تحسنت و وضعه استقر
امي شلونها
تخربطت و ضغطها حيل انخفض
دريت بيها ... استغفر الله و اتوب اليه
يمتى ترجعون ؟!
احنا نريد نرجع هالساعة بس الوكفنا وضع كيان نخاف عليه من السفر .. خايفين لا تدهور حالته
لا تخوفني عفية ... يعني وضعه تعبان مو
اكولج عنده عجز قلب شلون ما يكون تعبان بس هو احسن من قبل
والله متدوهن بي ما اعرف اجيبة و ارجع وويانة جثة الوالد اكيد يتعب اكثر
عوفو هناك و تعالو انتو خلصو الدفن يلا ترجعو احسن من ما تتأزم حالته بالسفر و الفاتحة
ما اعتقد يقبل لان هو عناد العشيرة كلها بي
وشلون هسة
ما ادري ...
الوضع مو تمام هنا ولا واحد بيكم هنا معتازين وجودكم
صار راح نرجع
كيان وياكم
اتصل بيج ان شاء الله خل اشوف دريد شيكول
اوكي بالسلامة دير بالك عليه فدوة
بلا ما توصين اخيي هذا
سديته و رجعت يم خالة كلما تمر الساعات تزداد سوء و لا واحد من الولد يمها يخفف عليها
ضليت يم راسها و اهدي بيها
ما نامت الليل كله
صار الصبح و اخذوها للمستشفى مغدي و مهدئات
و خلصت اني بالبيت
اتصل عاصي الظهر و كال هم جايين بالطيارة و كيان مستقرة حالته
