كيان
فركت وجهي بعصبية و بلعت ريكي
من الصدمة بعد ما اكدر احجي
اهتز الفون بجيبي اكيد هذا زهير شنو شأكله شأحجي
ارتجيت ع الحايط و دا اشوف شأسوي بهاي المصيبة الوكعت ع راسي
يعني رب العالمين مناوي يرحمني
رفعت راسي و حمدته و شكرته ع كل حال
مرت ساعة و اني الافكار تجيبني و توديني واجت الدكتورة نفسها باوعتلي صفح و طبت
اصلا اني فارغلج !!!
شوية و طلعت الدكتورة و وجها معقوج وكفت كبالي و تصيح
لك نذل الا اصيحلك الشرطة سويت عملتك و تكلي زوجها و تكذب بقباحة مشايفة هيج حقارة لا و فوكاها شبعانة ضرب ..
صعدت عندي و وصلت حدها وكفت و اشرتلها بيدي
هيي احترمي نفسج و لا تصيحين ... لا تاخذيني بصوتج العالي .. شبيج احجي مثل العالم خل افهم
لااااا وفوكاها يصيح علية
ضلت حجاية مني و حجاية منها و العالم التمت علينا الدكتورة عبالها اني مو خوش و ضارب البنية و جذبت عليها و كلت عنها زوجها حتى اداري الغلط و اتلافه المشاكل و المساءلة القانونية فدا تحجي كمناصرة لحقوق المرآة المضلومة و المسلوبة الحق و طبعا من حقها هالشي بس والله دتحجي وية الشخص الغلط
شكد حاولت اتخطى هالموضوع و ما اثير الشكوك لكن لا مفر الخفت منه وكعت بيه ..
اكيد سألتها و كلتلها لا مو زوجي .... شكد غبية !!
حاولت اضل محافظ ع هدوئي بس الدكتورة الله ينطيها جانت كلش منفعلة و تحجي بصوت و حركة و اني اجيت هيج اسد حلكها بإيدي لو لا واحد من الدكاترة طب بينا و بعدها و سحبها يحجي بهدوء بس الناس جانت متجمهرة يعني فضيحة من هاي التمام ...
باوعت للجماهير بنظرة غضب الصراحة ردت واحد يضل حتى يصير كبش فداء لغضبي و صبري بس كلها فلتت اول ما باوعتلهم
اجة الدكتور ووياه الدكتورة الي جانت عيني عليها شلون تباوع هاي نزرة الاستحقار تستفزني بس ارجع و امسك اعصابي و اكتفي بنظرات عيوني و رسائلها
لك كيان صاير انت و المصايب صحاب
التفتت و ركزت بالنظر ضيقت عيوني لا يا الله هذا رأفت من الهوسة و لا عرفته
ها بذات معرفتك
اجة شبكني و باسني كال بهمس
صدك السمعته من الدكتورة ترة مدا يطب لعقلي انت تسوي هيج شي
باوعتلها صفح و كتله
سالفة طويلة و ما اعتقد تهمك بس من الاخير اني مو ابن حرام و انت صاحبي و عشرة عمر سوة حتى اسوي هيج شي ... عيب عليك تسال
حك راسه و ابتسم باحراج
اعذرني كيان ولا تعتب علية
هزيت راسي بلا اهتمام
