زهراء
رفعت عيني عليه و شفته محدب حيل و حاط ايده ع صدره يفرك بي
شفت ملامح وجهه شلون دا يتألم وهواي
جان يلوب بنفسه شلت عباس و ركضت عليه
شافني هو فتح عيونه و همس بألم
ليش تركضين هيج !! مزين عليج
نزلته و كعدته بصف قبر اخوه اشوف زاد وضعه
معاد مهتم لوجودي و صار ينحب اكثر و يفرك بصدره خفت لا تصيبه جلطة
جانت السيارة قريبة علينا حطيت عباس بيها و سندته شوي شوي و هو ميقبل يترك قبر اخوه كوة جريته منه
كام و عيونه متعلكة هناك التفت عليه و عيونه مدمعات
لاحظته ما يذب حمله علية فعرفت خايف
حتى بذاك وضعه ويخاف علية
كعد بالسيارة وطمنت عيه يلا رحت كعدت بصفه بالصدر
نزل الجامه و ضل يجر نفس بقوة و يزفر و عينه لساتها ع قبر اخوه
شفت وضعه ميتحمل نرجع لبغداد الطريق طويل و شكله ميتحمل هيج طريق
حبيبي كيان خابر ع واحد من جماعتك يجي علينا ... مبين عليك كلش تعبان
دار وجهه علية ضل صافن شوي بوجهي
سمع كلامي بس ما فهم شنو يعني
مبين عليه عاد براسه و افتهمه هز راسه و كال
اي هسة راح اخابر مالك يجينا
شغل السيارة تعجبت مو كال توه راح يخابر صاحبه
حبيبي مو كلت راح تخابر ويجوك
اي عيني اكو فندق قريب نضل هنا نبات بي و الصبح اخابره ... فشلة منا هسة يجي هالوقت
اوكي حبي ع راحتك ... بس فدوة ع كيف كيفك لا تستعجل بالسياقة واذا توجعت اركنها مو لازم
ابتسم بوجهي بتعب و كال
صار ام عباس ... تدللين
دار السيارة بهدوء و ضل يسوق بكل هدوء و ثقل
صرنا ع الشارع العام و عيني تراقب ملامحه كل شوي يعقج معالمه اعرفه دا يتألم و بين لحظة و ثانية يفرك صدره بقوة
صرت اقرا قرآن و انفخ بوجهه
ربع ساعة وصلنا للفندق
نزل و عبسي يمشي بيدي ماسكته و الايد الثانية ضاغطة بيها ع ايد كيان
نمشي و همس يم اذاني
والله خايف لا يصير بيج شي بسببي ... حملي عليج و طريق السفر الطويل
باوعتله صفح
هااا !!! عرفت ليش راح نبات هنا طلعت تخاف علية
هز راسه بابتسام و كال
ما عندي اغلى منكم مستعد اخسر روحي فداكم انتم
بعيد الشر عنك و دومك سند النا ان شاء الله
جر راسي و باسني فوك عباتي و يباوعلي بحب بس كلش مبين علي التعب عيونه غايرات حنر و صاير حولهن هالات سوداء وجهه ذبالان كلش
خلاني اوكف ع صفحة و راح هو اتفق وية الاستعلامات و الرسبشن ع الدفع و السعر و الاجراءات
و صعدنا لغرفتنا اول ما طب تمدد عبسي ضل يلعب و نام
بس كيان اشوفه يلوب مثل المتسمم و بي وجع و علة
