كيان
من قريت نتائج الفحوصات اتأكدت شكوكي ... وطلعت بمحلها
فتحت عيوني و كوة كاتم ع انفعالاتي ضحكت و كلتلها
مبرووك يا روحي
انخطف لونها و توترت حيل همست بخوف
حامل ؟!!
ابتسمت بوجهها و هزيت راسي
ابتسمت بارتباك بس ملامحها كلها خوف و ضياع
تسللت ايدها و اشتبكت بإيدي
جانت قطعة ثلج باوعتلها كلش قلقت عليها
حبيبتي شبيج ... ما فرحتي
كبل كالت تهز براسها و عيونها نزلت
شلون ما افرح و صرت صدك ابو جهالي ... بس
سكتت و تباوعلي بخوف
احجي شبيج فدوة
ما ادري والله ما ادري بس خايفة و بس
ضغطت ع ايدها و كلتلها
مدام اني بظهرج لتخافين من شي
هزت راسها مبتسمة بوجهي سحبتها و رحنا للدكتورة
طبيت قدمتلها التقرير و ضحكتي بطول حلكي هههه
هااا مبين خير من معالم وجهك
هزيت راسي و هي بلشت تقرا رفعت راسها كالت
اي مبروووك صرت ابو الله يتمملها ع خير ... بشهرها الثالث
درت وجهي اباوعلها بحب و فرح والتفتت كلتلها
هاي مو اول مرة اصير ابو عندي عباس
اتفاجأت و فتحت عيونها بعدين رجعت تباوع للتقرير كالت
اي ابو عباس ... اكيد شفت عدها انيميا و ضعف
هزيت راسي
اي عادي تصير بكل حامل ... راح نتلافى هالشي ان شاء الله هاي يمي
بس بنيتها ضعيفة حيل ...
التفتت ع زهراء كالت
لتعبين نفسج بالشغل و الارهاق ... تمام
هزت راسها زهراء
خوش لعد راح اكتبلك مقويات و اشياء ثانية اسحبهم من الصيدلية
صار ... مشكورة دكتورة موفقة ان شاء الله
تدلل ابو عباس بالخدمة
طلعنا و اشترينا دوا و صعدنا بالسيارة
هي جانت شاردة و بس تبتسم بوجهي
التفتت عليها
حبيبتي شبيج ليش احسج انعقجتي من سمعتي الخبر
يااا لا والله حبيبي ابد ... بس خايفة من الجاي
منو شنو غير اعرف ... خايفة احبه اكثر من عباس
لاااا ابد ... متسويها و لا شاكة ولا لحظة
رفعت صوتي بقلة صبر
لعد شنو !
حجت بضوجة
ماكو شي
يييه عاد اني لازم اتحمل هالمزاجية مدامج حامل
خلص اذا تعرف بسبب الحمل ليش تلح وياي
اوكي انسي سألت
درت وجهي و ضليت ساكت حتى بعد ما درت وجهي عليها و هم سكتت محجت شي الله يعيني و يزيد صبري عليها سمعتها ورا شوية همست
